سؤال : كام حساس فى الميجان؟ وايه وظيفية كل منهم؟ وبيتغر كل قد ايه؟ وايه اعرض تلفهم؟

اقتباس:

---

المشاركة الأصلية كتبت بواسطة mohammedaladel

بالنسبة لحساس الإضاءة ممكن تكون فكرة عمله تقريبا زى حساس الإضاءة اللى بيبقى موجود فى الموبايلات اللى هو لما بتدخل فى مكان معتم بيخفض إضاءة الشاشة ويزود إضاءة المفاتيح ولما تطلع فى مكان نور بيخفض إضاءة المفاتيح وينور اضاءة الشاشة عشان يحقق أعلى رؤية و ضوع بس هنا فى العربية يا إما يطفى يا إما ينور بس هل لو دخلت فى حتة فيها نور بالفعل بيتجاوب بسرعة ويطفى ؟؟؟؟؟؟ أنا لسة مجربتش الحتة دى والحساس دا لو فى الكشاف نفسه يبقى موجود فى الكشافين وطبعا هيبقى واحد مش اتنين لأن لو اتنين هيختلفوا مع بعض ممكن واحد ينور والتانى لأ ويعمل لبس فأكيد هما حطوا حساس واحد مشترك للكشافين بس فين مكانه الله أعلم :)

---

مكانه مش عارفه بصراحه.........بس لو دخلت فى حتة منورة بعد الضلمة بيتأخر حوالى 10 ثوانى قبل ما يطفي.

لو مشغله هتلاقي قبل ما الدنيا تضلم بحوالى نص ساعة كده أبتدى يولع النور.

اقتباس:

---

المشاركة الأصلية كتبت بواسطة mohammedaladel

بالنسبة للوقود أنا على حد علمى إن الرشاشات بتتحكم فى دخول الوقود بالتجاوب مع دواسة البنزين والكنترول بتاع العربية بالتالى حساس الأوكسجين هيدخل كمية أوكسجين أكبر لحرق مثالى لو حصل ونقص كمية الوقود اللى داخلة هيحصل تخفيض لكمية الأوكسجين والله أعلم دا اعتقاد منى وتحليل شخصى لكن معرفش إذا كان صح أو خطأ
بالنسبة للتوقيت بتاع الشعلة حضرتك تقصد إيه ؟؟؟ لو كل ثانية مثلا الشعلة بتطلع من البوجيه مرة مع السرعة الأكبر للمحرك ونسبة حقن أكبر للوقود هنخفض الوقت دا بالتالى هنزود سرعتها ولا حضرتك تقصد حاجة تانية ؟

---

ما هو ده اللى أنا عارفه بالنسبة للبنزين.........بس قولت يمكن فيه حاجة أنا معرفهاش.

اقتباس:

---

المشاركة الأصلية كتبت بواسطة hossam_elwani

شكرا يا استاذ احمد ولكل من شارك على المعلومات الغزيره دى وفى انتظار المزيد عن العمر والسعر لتلك الحساسات

---

معتقدش أن فيه حد ممكن يحددلك عمر حساس أياً كان نوع الحساس حتى لو راكب على غسالة :)

الأسعار على حد علمي
الكرنك فى التوكيل كان فى حدود من 500 إلى 600
الأكسجين كان فى نفس الحدود لما غيرته.
السولونيد كان برة التوكيل فى حدود 400 أو 500 بالتركيب.

باقى الحساسات..........المطر و النور و الحرارة الخارجية معتقدش سمعت أن حد غيرهم قبل كده..........و معرفش أسعارهم.

اقتباس:

---

المشاركة الأصلية كتبت بواسطة ahmed a.maksoud

معتقدش أن فيه حد ممكن يحددلك عمر حساس أياً كان نوع الحساس حتى لو راكب على غسالة :)

الأسعار على حد علمي
الكرنك فى التوكيل كان فى حدود من 500 إلى 600
الأكسجين كان فى نفس الحدود لما غيرته.
السولونيد كان برة التوكيل فى حدود 400 أو 500 بالتركيب.

باقى الحساسات..........المطر و النور و الحرارة الخارجية معتقدش سمعت أن حد غيرهم قبل كده..........و معرفش أسعارهم.

---

علشان اوضح أكتر بالنسبة للعمر..............هديك مثال على عربيتى
5 سنين غيرت حساس واحد بس.

فيه الريف أميتر rev أعرف عنه أنك لو واقف ودست آر بى إم ووصلت لحد أقصى معين الله أعلم كام فى ميجان عشان مجربتهاش بيفصل العربية نفسى أعرف أكتر عنه طيب لو ماشى بالعربية ممكن تفصل ؟ وليه بتفصل هل عشان الحرق عالى والموتور سخن جدا ومفيش هواء مقابل عشان التبريد وكدا ؟ وبالنسبة للعدادات ليه فى الآخر بيبقى آخر كام شرطة لونهم أحمر ريد زون هل دا معناه إن الآر بى إم لو وصل الحد دا خطر ؟ وخلينا إن عربية مفيهاش خاصية الفصل دى المحرك بتاعها يقفش لو زودتها معاه وإنت واقف بالإكسراتير ؟ طيب لو العربية سخنت وأنت ماشى على الطريق بتنبهك فى الشاشة ولا المؤشر بس بيزيد ولو زاد إيه اللى ممكن يحصل العربية تفصل نفسها ولا الموتور هيولع لو إنت ما وقفتش على فرض إنه واحد نسى مثلا والحرارة زايدة ومش واخد باله وإن العربية مش بتدى إنذار سخونية ؟ وإيه درجة الحرارة الطبيعية للميجان ؟ والحرارة دى بتقيس درجة حرارة المياه بتاع الرادياتير ولا درجة حرارة إيه بالظبط معتقدش إنها حرارة الموتور لأن الموتور الحرارة فيه عالية جدا

اقتباس:

---

المشاركة الأصلية كتبت بواسطة mohammedaladel

فيه الريف أميتر rev أعرف عنه أنك لو واقف ودست آر بى إم ووصلت لحد أقصى معين الله أعلم كام فى ميجان عشان مجربتهاش بيفصل العربية نفسى أعرف أكتر عنه طيب لو ماشى بالعربية ممكن تفصل ؟ وليه بتفصل هل عشان الحرق عالى والموتور سخن جدا ومفيش هواء مقابل عشان التبريد وكدا ؟ وبالنسبة للعدادات ليه فى الآخر بيبقى آخر كام شرطة لونهم أحمر ريد زون هل دا معناه إن الآر بى إم لو وصل الحد دا خطر ؟ وخلينا إن عربية مفيهاش خاصية الفصل دى المحرك بتاعها يقفش لو زودتها معاه وإنت واقف بالإكسراتير ؟ طيب لو العربية سخنت وأنت ماشى على الطريق بتنبهك فى الشاشة ولا المؤشر بس بيزيد ولو زاد إيه اللى ممكن يحصل العربية تفصل نفسها ولا الموتور هيولع لو إنت ما وقفتش على فرض إنه واحد نسى مثلا والحرارة زايدة ومش واخد باله وإن العربية مش بتدى إنذار سخونية ؟ وإيه درجة الحرارة الطبيعية للميجان ؟ والحرارة دى بتقيس درجة حرارة المياه بتاع الرادياتير ولا درجة حرارة إيه بالظبط معتقدش إنها حرارة الموتور لأن الموتور الحرارة فيه عالية جدا

---

أيه يا عم حنفية أسئلة و أتفتحت ههههههههههههههههههههه

الريف ليمتير بيفصل عند أول الدخول فى المنطقة الحمراء فى عداد ال rpm
ليه بيبقى أخر كام شرطة أحمر علشان ده كده حمل عالى على الموتور مش هيستحمله كتير.......يعنى مش من مرة ولا 10 الموتور يبوظ بس بيأثر جامد على الموتور.
بتفصل ليه.......علشان عدد لفات المحرك دخل فى الحد الأقصى له.

لو عربية مفيهاش الخاصية دى و ده ينطبق على كل العربيات القديمة.....عادى الموتور هيفضل مكمل و مش هيفصل منك.

السخونية بتبقى على عداد الحرارة بس.........على الأقل على حد علمى.......بس ممكن لو دخلت فى الأحمر تكتب لك على الشاشة أو تنبهك بصوت........مش متأكد.

درجة الحرارة الطبيعية عند الشرطة التالتة بما فيهم الشرطة الأولى خالص من على الشمال.

حاول تخلى أسألتك فى نقط 1 2 3 أحسن علشان مفيش حاجة تقع فى النص.

اقتباس:

---

المشاركة الأصلية كتبت بواسطة Ahmed A.Maksoud

شكراً يا فندم على التوضيح.............أنا الكلام ده شوفته على النت و المصدر مش متأكد منه

بس فى حساس الأوكسجين المصدر على ما أذكر كان wikipedia و أعتقد أنه موثوق فيه شوية.

هما قايلين كمية الأوكسجين تحديداً.

مش عارف بقى.

بالنسبة للشرارة هل هى بتطلع بمعدل ثابت ؟ يعنى مثلاً مرة كل ثانية ؟

---

كمية إلاوكسجين أو الهوا إلي داخل إنت إلي بتتحكم فيها عن طريق دواسة البنزين (هي دواسة هوا مش بنزين) باستثناء حالة ال ايدل ....حساس إلاوكسجين بيبعت إشارة لل ecu إذا كان الخليط محتاج إن البنزين يقل أو يزيد...ال ecu بيتحكم في البنزين مش في الهوا باستثناء حالة ال ايدل زي ما قلت في الاول....
.أما شراره الإشعال معدلها طبعاً بيزيد مع السرعة لكن سرعة إلشعلة نفسها ما فيهاش تحكم (أنا قصدي الوقت إلي بتحتاجه الشعلة لحدوثها ما بيتغيرش أما هي بتحصل كل أد إيه ف طبعاً بيزيد مع زيادة دورات إلمحرك)

شكراً على الإفادة..........

اقتباس:

---

المشاركة الأصلية كتبت بواسطة MohammedAladel

طبعا العربية فيها خاصية آى ترافيك خاصية علو الصوت مع زيادة سرعة السيارة عايز أعرف إيه نظام عمل الحساس دا وبيبقى متوصل فين بالعربية أنا لما فكيت الكاسيت عشان الإيه يو إكس شفت الكابل بتاعه بس المشكلة عندى الصوت مش بيزيد مع السرعة ولا يمكن بيتهيقلى ؟ يعنى مثلا ببقى معلى الصوت على 11 وأزود السرعة والصوت ما يعلاش مع إنى مفعل الخاصية والشاشة كاتبة itraffic ولا هو بيشتغل على سرعة معينة ونظام معين ؟

---

بص يا باشا.........

الزرار المدور اللى على اليمين..........هو متقسم 4 أقسام.......يمين و شمال و فوق و تحت

هتدوس على الشمال دوسة طويلة شوية (المكان اللى معمول عليه علامة موسيقى) بعد 4 أو 5 ثوانى هيفتحلك قايمة فيها 3 أو 4 خيارات بتختار منهم عن طريق الزرار المدور اللى على الشمال...فوق و تحت..........اللى فاكرهم منهم
1- news أو تفعيل الأخبار..........و دى بتبقى أخبار بتتكتب على الشاشة و القناة اللى أنت عليها هى اللى بتبثها............و معتقدش شغالة فى مصر برضه.
2- speed و دى اللى أحنا عاوزينها.........هتقف عليها و تختار رقم من 1 ل 5......كل لما الرقم كان أعلى كل لما الصوت هيعلى أكتر مع السرعة.
3- Aux و ده بتفعل منه الأكسيلري.........بتختار on او off.

للتذكير
حساس إضاءة الفوانيس موجود مع حساس المطر فى العلبة اللى ورا مراية التابلوه