الموضوع: Check Injection + Check gearbox في نفس الوقت

المشاركة الأصلية كتبت بواسطة imust

النهاردة عملتها تاني و عطلت تماماً, فالأول ابتدت ب- Electronic fault.
و بعدين check injection & check gearbox

السؤال مرة تانية، مين أحسن كهربائي متخصص فالميجان ؟؟

أسمع عن كذا واحد فى صقر قريش كويسين بس مش فاكر أسماء بالظبط
فيه عادل زوايا بس مش عارف مكيانيكا و لا ميكانيكا وكهرباء كمان.

ال electronic fault ممكن يكون بسبب مكنة الأستوب أو ممكن زى ما هيثم على قال.

الأتنين التانين بيظهروا مع بعض حسب ما فهمت منك......

طيب الفكرة دلوقتى أنت عندك الكويلات و البوجيهات أخبارهم أيه ؟
أصل لو الكويلات فيهم حاجة بايظة.......بفرض واحد أو أتنين هتتطلع رسالة check gearbox
ممكن لو أكتر من 2 البنزين كمان يتأثر و تكتبلك check injection كمان.

لما الموضوع ده بيحصل هل بتحس بضعف ملحوظ فى سحب العربية و تحس كأنها متكتفة ؟

المشاركة الأصلية كتبت بواسطة haisam ali

electronic fault ...
انا الرساله دى طلعتلى قبل كده مرتين والمرتين كنت انا السبب عشان كنت مغير اللمبه بتاعت الفانوس الخلفى بتاعت الاستوب بس انا كنت مركبهم غلط حتى كانوا قايدين عالى اوى روحت للكهربائى قالى انت عملت ايه حكيتله ورجعهوملى وركبهوم صح راحت الرساله عالطول !!! مقصد الكلام ان والله كتير من الحجات دى بتبقى عاديه بس العربيات دى حساسه اوى اوى وحاول تتعامل مع التوكيل

هى مش فكرة حساسة.......هى فكرة أنها بتنبهك لحاجة ممكن تعملك مشكلة لو ما أخدتش بالك

يعنى اللمبتين دول ممكن يكون فيهم واحدة بتحمل أكتر من الطبيعى على الضفيرة بتاعتها و بالتالى ممكن تعمل مشكلة فيها.........ده رأيي شخصى بحت لأنى مليش فى الكهرباء بصراحة.