مش فاهم إيه المنطق من الموضوع ده؟

**marsguy** · 08-08-2012 12:44 AM

السلام عليكم ورحمة الله وبركاته،،،

بصراحه أنا في حركه مش فاهمها من زمان ونفسي حد يفسرهالي:

لما بيكون في عربيه نقل عطلانه على الطريق وواقفه على جنب ... ساعات تلاقي السواق حاطط قبل العربيه بمسافه حجر كبير أوي أو حاجه تانيه مؤذيه زي الحجر أو أكثر.

السؤال بقى: إيه المنطق من الحركه دية؟ هل المقصود منها إن لو في حد حد ما كانش واخد باله من العربيه إنها واقفه يبقى يلبس في الحجر وعربيته تتدمر قبل ما يخبط في العربيه النقل اللي واقفه؟

أنا أفهم مثلاً إن بالليل السواق بيحط كاوتش ويولع فيه عشان ينبه الناس إن في قلق وفي عربيه عطلانه، لكن مش فاهم إيه المنطق من موضوع الحجر ده؟

ممكن حد يشرحلي؟

**Ahmed Selim** · 08-08-2012 12:48 AM

اللى بيحصل منافى للمنطق..............بس هى الفكرة أن لو حد مش شايف يخبط فى الحجر و ميخبطش فى النقل........عملاً بمبدأ قضى أخف من قضى.

و الصح هو المثلث العاكس اللى أتحداك لو موجود فى ربع عربيات مصر نقل و ملاكي.

**mshmshm3** · 08-08-2012 01:33 AM

طبعا دي الماركة المسجلة للتخلف

**ahmad--ezzat** · 08-08-2012 01:49 AM

اهو انا خبط فى الحجر دة قبل كده على 120 على طريق مصر اسكندريه وكانت الدنيا ليل
والعربيه اللى كانت معايا اتبهدلت من تحت ورجعناها بونش وانكتبلنا عمر جديد

**S O P H O S** · 08-08-2012 01:50 AM

المشاركة الأصلية كتبت بواسطة ahmedbahgat

هو إيه في بلدك ذو منطق ؟

+1111111111111

**egyseadragon** · 08-08-2012 01:52 AM

عشان دي ناس جاهلة و خسارة فيها رخصة السواقة.....و- على فكرة ممكن تلاقي بردو معاه المثلث العاكس.....

**egyseadragon** · 08-08-2012 01:55 AM

المشاركة الأصلية كتبت بواسطة ahmad--ezzat

اهو انا خبط فى الحجر دة قبل كده على 120 على طريق مصر اسكندريه وكانت الدنيا ليل
والعربيه اللى كانت معايا اتبهدلت من تحت ورجعناها بونش وانكتبلنا عمر جديد

أهم حاجة هو النقل الضخم بتاعو ما يتدمرش من الملاكي الصغيرة