ألحقوني, كنت هتقلب بالعربية

**Shehab1337** · 09-08-2012 07:22 AM

عملت صيانة ال 40000 و ال 20000 مع بعض للبروتون جين 2 و مش أول جين تكون معايا انا معاشرها من 2007
انا معايا 2010 و كنت لسا جايبها مستعملة
كانت كويسة قبل معمل الصيانة
كنت واخد ملف علي 100 , قطر الملف 15 متر تقريبا و عبارة عن منحني 25 متر من ربع دائرة (يعني منحني 90 درجة ) (انا بتكلم علي منحني المتميز للمحور اللي جنب سور جامعة مصر ,6 أكتوبر)
و العربية ساعتها عملت معايا under steer عادي من أقصي حارة يمين و انتقلت حارة و نصف الي الشمال مع تصفير العجل . دا عادي
المصيبة بعد ما عملت صيانة و كتت قايلهم ياخدوا بالهم لأن الفرامل الشديدة بعد سرعة ال 100 بترج العربية يمين شمال فكان المفروض يغير الطنابير أو الديسكات , من الأخر صنفرهم و مجربوش العربية بعديها
ولاد ال!!
العربية أول ما استلمتها حسيتها غريبة علي الملفات!!
اكنها بتعمل Over Steer مش فاهم دا حقيقي !!
بجربها العربية مش متزنة و غريبة

جي واخد المنحني هو هو بس علي سرعة 80 و مسقت ناقلة بردو و حارق براحة علي التالت (كان المفروض اكون علي التاني احسن) الموصيبة العربية عملت بظبط Over Steer أزاي!!!!!! و كنت هلبس في الرصيف الداخلي للمنحني لولا ان كان فيه بعد المنحني فتحة تدخل لشارع بطيء فالعربية لفت جواها ال 180 درجة و وقفت بظبط علي طرف الرصيف اللي جوه
أزاي ؟؟ حد يفهمني هما عملوا فيها ايه خلاها كدا ؟ و لا اكنها لادا دفع خلفي!!!
هل في علاقة بين الطنابير و صنفرتها و اللي انا فيه دا؟
و بعدين بردو رجة الفرامل متصلحتش بعد الصنفرة بل علي العكس زادت !!

**ahmad--ezzat** · 09-08-2012 07:34 AM

حضرتك بتسوق من امتى؟

**Shehab1337** · 09-08-2012 08:24 AM

هو سوءالك سؤال سخرية , بس انا صايم و مش حابب ادخل في مشادة , لو حضرتك عند رد علي سؤالي تفيد بيه لو سمحت ضيفه غير كدا شكرا

**ahmad--ezzat** · 09-08-2012 08:31 AM

لا مش سخريه...سخريه ليه...هو فى حد كبير على السواقه
سؤال عادى
يمكن انا مفهمتكش بخصوص وصفك

عموما حمد الله على السلامه

**Shehab1337** · 09-08-2012 08:32 AM

الله يسلمك

**Shehab1337** · 09-08-2012 09:00 AM

الحالة الوحيدة ان عربية جر تعمل over steer ان فرامل اليد تكون مرفوع او الفرامل متداسة , اكيد في غلطة عملها لما ركبو تيل الفرامل الجديد !!

**Shehab1337** · 09-08-2012 09:01 AM

أفيدوني لو سمحتوا

**HAITHAM1985** · 09-08-2012 09:21 AM

أنا هودى دماغى أبعد من الطنابير >>>>>>>>>>> المقصات ممكن يكون حد لعب فيها لأنها اللى بتلم العربية

ممكن يكون كلامى خرف بس ده اللى أنا حسيته من وصفك

**akmm** · 09-08-2012 10:55 AM

الف سلامه وقدر ولطف .

**amrelsha3er** · 09-08-2012 12:26 PM

موضوع غريب جدا
ممكن يكون كان فى زيت على الارض مثلا او اى سائل خلاها تلف كده 180 درجه مع الفرامل!!!؟
مش متخيل عملت كده ازاى وملف وسرعه80 !:s
ربنا يسترها عليك وعلينا واهدى شويه بلاش قرص فى التانى السلامه والله:)