الموضوع: بتشري فكترا 95 من طنطا عايز ميكانيكي هناك

المشاركة الأصلية كتبت بواسطة tananybasha

بص على اساسيات العربية
و على الشاسيه
الكماليات شغاله
و خاصة التكييف
العربية راشة و رشت ليه
صوت المكنه
و مع التزويد اخبار المكنه ايه
فيه زيوت مرشحه على المكنه و لا لأ
التابلوه و الفرش و الأبواب

و انت عندك فى طنطا اسأل على حسام اوبل
اعتقد انه على الطريق
و اعتقد ناس كتير هتدلك
و ممكن تخليه يكشف عليها كويس

طناني وحشني جدااااااااااا ولله
على الشاسيه: اكيد
الكماليات شغاله: هو بيقول شغالع بس هتاكد برضة هشغل كل حاجة
و خاصة التكييف: دي اهم نقطه عندي
العربية راشة و رشت ليه: بيقول رشه نضافة
صوت المكنه: هسمعه و اشوف المفروض 95 صوتها عالي ولا واطي ؟
حراره المكنة بتبقي كام ساعت التدوير؟ يعني زي عربيتي 92 لحد 95 ولا اية ؟
و مع التزويد اخبار المكنه ايه
فيه زيوت مرشحه على المكنه و لا لأ: لو في ترشيح زيت وش هبعد عنها لان مش طلبه شنابر و وش و دخله وحشة من اولها
التابلوه و الفرش و الأبواب : هبص اكيد علشان اشوف كانت متهانة ولا محترمها

و انت عندك فى طنطا اسأل على حسام اوبل
اعتقد انه على الطريق
و اعتقد ناس كتير هتدلك

ربنا يبعت عايز رقمة علشان اكلمة اكيد هروحله انشاء الله بس المهم مش يبقي الراجل بيتعامل معاه و العربية تبقي كافرانة و يقولي حلوة
خايف انا من النقطة دي اووووووووووووووووي
و اهة مستني الطنطاوية يظهرو بقي و اشوف مين يقبلي علشان اخطفة و اجيبة كيرو :d

مش هنعمل فطار لينا ولا اية صحيح ؟

المشاركة الأصلية كتبت بواسطة uirap

كلام طناني باشا صح بس طبعا اهم حاجة انها متكونش رشة جوة انما رشة برة دي فيها كلام. العربية بقالها 17 سنة شغالة لازم طبعا تكون رشة اهم حاجة متكونش رشة سقف لان ده بيخوف انما الحزام او الكبوت عادي.

ما برضة دا يخوف اني اروح لي ميكانيكي هو اصلا بيتعامل معاه
ما انت فاهم الميكانيكية , انا ناوي اكلمة بكرة اقولة انا هشتري انشاء الله و لو كدة
هخلية يجيلي القاهره او اروح و اجي انا و هو علي الميكانيكي بتاعي هنا علشان ابقي مطمن انما موضوع اني اروح لي حسام دا انا اخاف يبقي حسام علشان عرفة يخدمة علي فقايا

المشاركة الأصلية كتبت بواسطة hellboy

-هقولك نصايح من ذهب

-اعمل بحث في جوجل علي موبايل البائع ..لو ظهرلك انه بيبيع عربيات كتير يبقي تاجر وبيعمل اعلانات كتير وشكرا
-افتح الكونتاكت قبل ماتدور واتاكد ان اللمبات كلها منوره خاصه لمبه s بتاعه الفتيس والتشيك لانه ممكن يكون في مشكله وفاصل اللمبه
-اجري بالعربيه وشوف الحراره جوه البلد كام ومؤشر الحراره لازم يكون بيتحرك يطلع وينزل طبعا اكيد انت عارف
-وانت بتجرب هات المفاجيء في الفتيس (السبيد) وشوف سرعه استجابه العربيه ومنها هتعرف حاله الفتيس
-اتاكد ان مفيش برومه في الاعتاب وتحت جريد الازاز
-اتاكد من ورق العربيه وخلي بالك تاريخ براءه الزمه يكون بعد الاتفاق ويكون مختوم
-حسام اوبل ممتاز وطبعا كله بالفلوس هو مش هيخدم ببلاش هو مكانه في شارع اسمه (نايف عماد امام المطافي) بس اعتقد انك لو اخدت معاك ميكانيكي من القاهره وعرقته بورقه بمدنه انت الكسبان
-والموتور داير فك غطا فتحه الزيت وراقب شم في دخان او ريحه دخان عادم طالعه ولا لا؟ علشان تعرف حاله الشمايز وكاوتش الصباب
-حط صبعك في الشكمان وشوف الملمس لو زيتي يبقي اتاكدت ان الشمايز تعبانه انما لو هباب بس عادي يتظبط
-فك اي بوجيه من ال4 وحطه في مكانه بس من غير ماتربطه وابعد كابله وخلي حد يدور الموتور وانت بعيد شويه لو البوجيه طار في الهوا ونط عالي يبقي ماشاء الله كبس الموتور قوي انما لو اتحرك بس او وقع علي الارض يبقي فسكان
-ربنا يوقك ,تحياتي

اعمل بحث في جوجل علي موبايل البائع ..لو ظهرلك انه بيبيع عربيات كتير يبقي تاجر وبيعمل اعلانات كتير وشكرا
اما عملت سيرش بالرقم طلعلي عربيتين بس
لما عملت سيرش بي الاميل طلعلي بلاوووووووووي عربيات اد كدة تقريبا هو تاجر
اتعامل ولا بلاش ؟؟؟؟؟؟؟؟


-افتح الكونتاكت قبل ماتدور واتاكد ان اللمبات كلها منوره خاصه لمبه s بتاعه الفتيس والتشيك لانه ممكن يكون في مشكله وفاصل اللمبه
OK

-وانت بتجرب هات المفاجيء في الفتيس (السبيد) وشوف سرعه استجابه العربيه ومنها هتعرف حاله الفتيس
دا اللي هو 2 ؟ انا بتاع منول مش اتومتك قا الاسبيد دا اللي هو رقم 2

-اتاكد ان مفيش برومه في الاعتاب وتحت جريد الازاز
علم و ينفذ

-حسام اوبل ممتاز وطبعا كله بالفلوس هو مش هيخدم ببلاش هو مكانه في شارع اسمه (نايف عماد امام المطافي) بس اعتقد انك لو اخدت معاك ميكانيكي من القاهره وعرقته بورقه بمدنه انت الكسبان

ما دي المشكله انة ممكن يخدمة بي فلوس اولا مني لو هديله فلوس
صحيح اديله كام علي الكشف ؟
صعب جداااا اني اخد ميكانيكي معايا دي هينفخني فلوس و غير كدة الميكانيكي بتاعي في المعادي و انا في الدقي و العربية في طنطا

موضوع البوجية دا صعب جدااا اصلا انة يوفق اكيد

الحمد لله رب العالمين من قبل و من بعد
انا رحت شوفت العربية اناهردة و النتيجة
العربية من برا و من جوا زي الفل نيجي. للمهم
1 كبالن و بطاحات
2 برومة ﭬي بطن السيارة
3 المتور ضعيف جداااا علي انة يكون 2000 يعني الار بي ما انا ماشي 170 و الار بي ما 5
العربية فيها حاجة غربية لما سقط علي الاسبيد شفت
لقيت العربية تلتت مع اني كنت ماشي 40
لما جربتها ﭬي الطلعه العربية محرقتش زي ما كنت بحرق بي 1600 بي
المتورنضيف جداا بس قلبي بيقولي ان الوش مخروط
لمبة التشيك نورت و. طفتعلي السرعات البطييئة
عوامة البنزين تقريبا بتعلق لان لما لقيت علي السريع بقيت العوامة كانة 30 بقت بيقدرة قادر 50
اه العربية بترمي عيزة ظبط زوايا
الجنط اليمين قدام فيخبة و ظاهر الردة
النتيجة بعد المشاهدةالعربية لوببلاش مش هخدها دي هتفتح بوققها كمان 5 شهور و اقل

لو حد قدامة فكترا a
يقوليي يا جماعه و تكون سعرها حنين