السلام عليكم ورحمة الله وبركاته..

انا سافرت 3 مرات فى رمضان قبل العصر كدا طبعا الجو بيكون حر موت والعربية بتكون مركونة كل مرة فى الشمس قبل ما اسافر بيها

المهم اول مرة ماشى ومشغل التكييف لقيت مؤشر الحرارة رفع شوية
فا قفلت التكيف وكملت لقيت المؤشر نزل تانى
وهكذا طول ما انا ماشى لو شغلت التكيف المؤشر يرفع ولما ابطله ينزل

تانى مرة حصل نفس الموضوع بس المؤشر نزل مرة واحدة وبعد كدا رفع تانى من غير التكييف ودى اول مرة تحصل فا ركنت وفتحت الكبوت لقيت غطا الريداتير مش موجود والماية تقريبا ناقصة خالص
فا زودت ماية ومشيت تانى لقيت المؤشر ظبط بس خفت اشغل التكيف

امبارح بقى واخر مرة وانا مسافر الحرارة علت مع التكييف ولما بطلت نزلت شوية وبعدين رفع المؤشر تانى من غير تكييف واضطريت اسافر من غير تكييف لدرجة كنت عامل زى الكتكوت المبلول من شدة درجة الحرارة على الطريق وخايف اشد على العربية

مع العلم ان مفيش عندى اى تسريب فى الماية

فا ياترى حصل مشكلة فى الريداتير بسبب المرة التانية دى ولا دا طبيعى فى الحر اللى احنا فيه دا ؟؟!!

وشكرا ,,,