العربية بتسخن جامد فى السفر

**seclia1983** · 18-10-2012 11:41 PM

المشاركة الأصلية كتبت بواسطة hamada88707

والنبى يا جماعة حد يفيدنى عندى العربية بتاكل بنزين بطريقة فظيعة الصفيحة مبتكملش 50 كيلو مع العلم انى مشوارى للشغل صغير جدا حوالى 20 كيلو مش عارف فيه ايه هتجنن ذى ما يكون البنزين بيتبخر دنا كل يومين بحط ب 37 جنيه بنزين مع العلم ان عربينى سيفيك موديل 93 كربراتير 1500 cc

فى حاجة اسمها حساس فرن الشكماان و ده اللى موجود فى الفرن فى اول الموتور من قدام

و ده لما بيعطل بيخلى العربية تاكل بنزين بجنااان هو عامل ذى الصباع كده و متوصل بيه فيشة كهرباء

ده أكيد فيه عطل

**م/اكرم** · 19-10-2012 12:04 AM

طب انا لو لحمت العلبة بتاعت الريديتير ومشيت عليها في مشكله بردو ؟ .... لاني ف منطقه مفيش فيها صنايعيه للاسف.....

**م/اكرم** · 19-10-2012 12:19 AM

المشاركة الأصلية كتبت بواسطة semsem kane

طيب حضرتك المفروض كدة انك ماتمشيش على العربية وهية فى الوضعية دية , لان كدة لا قدر الله ممكن تأثر على وش السلندر

فأسلم حل حاجتين :

1- انك تشترى ريدياتير استيراد نظيف تمنة 450 جنية ( وتقولة عايز ريدياتير هوندا اصلى استيراد 2 ماسورة بتاع ال si

2- تشترى ريدياتير تايوانى جديد ب 500 جنية , وفية ناس هنا جابوة ب 250 ممكن تسألهم ( احمد ايهاب )

يعني العيب ف الريديتير فعلا ولا في حاجه غييره هي اللي عامله ضغط الميه اللي بيخرم العلبة بتاعت الريديتير؟ و هل ممكن لو لحمت العلبه امشي عليها عادي ؟ لاني للاسف ف منطقه مفيهاش صنايعيه .....

**SAMEH_FOUAD** · 19-10-2012 12:34 AM

المشاركة الأصلية كتبت بواسطة م/اكرم

يعني العيب ف الريديتير فعلا ولا في حاجه غييره هي اللي عامله ضغط الميه اللي بيخرم العلبة بتاعت الريديتير؟ و هل ممكن لو لحمت العلبه امشي عليها عادي ؟ لاني للاسف ف منطقه مفيهاش صنايعيه .....

شوف ياباشا حضرتك بتقول ان الردياتير بيتخرم كل شوية فدة طبيعى بيكون من ضعف احكام وش الريدياتير او الريدياتير خلاص صدى ومابقاش مستحمل اى حرارة

طالما الريدياتير مخروم يبقى لازم يتعمل واللحام هينفع بس تكلفتة بالمصنعية 60 جنية عشان يعملة باللحام( الجمالاكة ) دة اقوى لحام , لكن لو المشع نفسة هو اللى مخروم , فكدة اى لحام فية معناة انك بتسد مواسير

فانا انصحك تنزل نزلة القاهرة فى الحرفيين او عند اى واحد عندة قطع غيار هوندا وتجيبلك واحد جديد او استيراد وتشترى غطاء جديد , وتركبة عند اى ميكانيكى عندكوا لان تركيبة سهل جدا , ومش محتاج صنيعية , انت ممكن تركبة عادى جدا

**SAMEH_FOUAD** · 19-10-2012 12:58 AM

المشاركة الأصلية كتبت بواسطة م/اكرم

اولا انا بشكرك جدا لاني زهقتك....بس طبيعي الواحد جايب عربيه جديده وخايف عليها....الريديتير العلبة بتاعته اللي فوق دي بلاستيك اللي بيحصل فيها الاخرام.....دي ممكن اغيرها عادي ؟؟؟
وانا مشكلتي ف اني لازم امشي بالعربيه بتاع 45 كيلو عشان اوصل لاقرب صنايعي كويس ... ف انا لو لحمتها مؤقتا كدا ومشيت عليها لحد ما اوصل...فيها خطورة على المكنه؟؟؟ ولو ف اسوء ظروف اوقفها كل شويه قبل ما تسخن واعوضلها الميه اللي بتقع...ولا اجيبلها ريديتير واغيرهولها وهي ف الجراج؟

لا ياباشا مافيش زهق ولا حاجة اسأل براحتك

تمام هو كدة بيسرب مياة من وش الردياتير ( الوش الفيبر )

اة طبعا فيها خطورة لان ممكن يكون التسريب كتير فيفضيلك المياة ويسخنلك المكنة ولا قدر الله ممكن تجيب وش سلندر فمش عايزين ندخل نفسينا فى القصة دية

طيب زى ماقولتلك هتروح لواحد بتاع ردياتير ولو مافيش حد عندك هتعمل الاتى :

1- لازم تفك الردياتير برة

2- حاول تيجب ورقة سنفرة رقم 120 وسنفر بيها الوش كويس من عند الاقفال

3- هات امبوبة لحام جمالاكا لونها رمادى واللحام نفسة لونة رمادى

4- هتمشى الامبوبة على حرف الوش دة وتسيبها نص ساعة او ساعة ماتجيش جنبة لحد ماينشف خالص

5- هتقفل ريدياتيرك وتملاة مياة وتسيب العربية دايرة لمدة ربع ساعة لحد مامؤشر الحرارة يرفع للوضع الطبيعى والمروحة تشتغل , لو مطلعتش مياة , زود بنزين على 2 اربى ام كدة وشوف لو مافيش خدها وامشى بيها حوالين المنزل بتاعك بتاع عشر دقائق مع شوية قرص , وانزل افتح الكابوت العربية دايرة , وشوف فيه تنقيط ولا لأ

6- ك دة حل مؤقت لحد ماتوصل القاهرة او تجيب ريدياتير استيراد او جديد