مطلوب نصيحة من خبراء نيسان.

**maged_victor** · 10-08-2012 10:54 PM

الحمد لله بعد طول لف ودوران أستقريت على أني أجيب نيسان ، المشكلة هنا أني محتار بين الموديل القديم والموديل الجديد خصوصا أن فرق السعر مش كبير بس برضة 100,000 مش مبلغ قليل أن الواحد يغامر بية ، وحاسس أن الموديل الجديد ورق خصوصا بعد ما شفت فيديوا أختبار التصادم والعربية أتبقط على سرعة 15وجابت دواخل كمان وقلقان من موضوع سبيكة الموتور الأنتيمونيوم (المونيا من الأخر) وكتر قطع البلاستيك اللي في حوض الموتور
والموديل القديم قلقان من سحبة للبنزن وأسمع أنة بلاعة وصوت الموتور عالي وقلة عوامل الأمان مع أني أعرف أن الموديل دا دبابة وثابت جدا على الأرض وأعطالة سهلة في حلها وأنة قليل الأعطال جدا
من الأخر أنا محتاج نصيحة لعربية تعمر على الأقل 10 سنيين مع العناية المستمرة وبدون وجع قلب وأمان

**mem** · 10-08-2012 11:27 PM

خليك فى نيسان الشكل القديم
ومشكلة البنزين حلوها وثبتها ممتاز
الشكل الجديد مش كويس وناس كتيير اشتكت منها من اول 1000 كيلو
ونا كنت بفكر ابيع النيسان اللى معى الشكل القديم واجيب الشكل الجديد ولكن سالت كتيير وكله نصحنى بلاش
واللى اكدلى كمان ناس من التوكيل قالولى القديمة احسن بكتيييييييييييييير من الشكل الجديد

**ezzdabo** · 10-08-2012 11:46 PM

انا استلمت من اسبوعين و الحمد لله العربية كويسة ( الشكل الجديد ) طبعا المدة مش كافية بس الانطباع الاول يدوم

**mohsunny2009** · 10-08-2012 11:55 PM

الشكل القديم افضل من ناحيه الصاج و الفبر و الشكل كمان ودى وجهه نظر خاصه بى
اما من ناحيه البنزين استهلاك السياره عادى زيها زى السيراتو واى سياره 1600 سى سى 260 ك فى الصفيحه مش على و ده متوسط استهلاك البنزين فى الصنى الاوتوماتيك و اعتقد انه استهلاك مش عالى و لا بلاعه ذى مابتقول
لو لقيت الشكل القديم توكل على الله

**د.هشام** · 11-08-2012 12:43 AM

[QUOTE=mem;3874471272]خليك فى نيسان الشكل القديم
ومشكلة البنزين حلوها وثبتها ممتاز
الشكل الجديد مش كويس وناس كتيير اشتكت منها من اول 1000 كيلو
ونا كنت بفكر ابيع النيسان اللى معى الشكل القديم واجيب الشكل الجديد ولكن سالت كتيير وكله نصحنى بلاش
واللى اكدلى كمان ناس من التوكيل قالولى القديمة احسن بكتيييييييييييييير من الشكل الجدي

يا ريت يا باشا توضحلنا ايه الشكاوي من الصني الجديدة في اول ألف, وليه الصني القديمة أحسن

**nomercy22** · 11-08-2012 02:06 AM

ربنا يوفقك في الاختيار ان شاء الله يا بشمهندس ماجد
عبدالرحمن هيبه

**nomercy22** · 11-08-2012 02:07 AM

ونورت المنتدي

**maged_victor** · 11-08-2012 04:28 AM

الف شكر يا عبد ، أخبار أوراكل معا أية :)

**د. علاء ابراهيم** · 11-08-2012 04:35 AM

انا من اوائل الناس اللى استلمت الصنى الجديدة فى مصر ( رقم الشاسيه عندى 84 )
و بمشى فى طرق مكسرة و زى الزفت ( المرج و ما ادراك ما المرج)
و عملت صيانة الالف
سالونى ايه ملاحظاتك فى الصيانة مالقيتش اى حاجة اقولها
العربية زى الفل و سحبها جميل و ناعمة جدا و ثابته جدا و اوسع من الموديل القديم بكتييير و فراملها اقوى من الموديل القديم و استهلاك البنزين افضل من القديمة و الشكل ازواق (انا عاجبنى الحالى اكثر)
و لى احد الاقارب عنده القديمة و ركب معايا الجديدة و كان مبسوط منها جدا

تابلوه القديمة شكله اظرف و فيه اماكن تخزين اكثر و الصاج فى القديمة اقوى حبة و طبعا القديمة قطع غيارها متوفرة اكثر فى الوقت الحالى (و ان كان معظم قطع غيار الموديل الجديد هتكون ارخص)