الموضوع: عايز اجيب شادو 400 و لسة جديد فى الكلام ده افيدونى يا رجالة

اهلا بيك الاول
اهم نصيحة ملكش دعوة بالعداد خالص ممكن تكون عاملة 10الاف كيلو وموتور مفوت
وتكون عاملة 60 الف كيلو وموتور يعيش عشرين سنة كمان ده بيرجع للصيانة البايك وتعدد ملاكها
بص بقى اهم حاجة الحالة العامة للبايك وحالة الموتور وتاخد واحد يكون بيفهم فى البايك جامد ومعك ميكانيكى اكيد كمان الشادو 400 جميل جدا بس فى الاسعار النار صعب تجيب حاجة بعشرين هاتزودلك الفين او ثلاثة كمان وهادور على حاجة استعمال من شخص مش من معرض المعرض ممكن يطلب من 25 الى 27
وانا تحت امرك لو احتجت حاجة والاعضاء طبعا كلهم هنا هايفيدوك

المشاركة الأصلية كتبت بواسطة eiko

متشكر جدا على اهتمامك يالفاتح وعلى المعلومات القيمة دى
هو انا ادامى وحدة موديل 97 مش مترخصة على 20,000 لسة ما عاينتش بيقوللى كل حاجة تمام ما عدا الجنزير محتاج يتغير و فى اكسسوارات نقصاها زى الكرسى الورا و الظهر ماشية 20,000 ؟ و فى حاجات كتير فى رنج ال 20 الف ده يقل الف و يزيد الف فا تنصحنى ب ايه ؟

مش مشكلة تغيير الجنزير بس كده تعرف انها مشيت كتير اكتر من 20 علشان كده بقولك خلى بالك من الموتور واخر حاجة تبص عليها العداد دايما اتفرج وسجل الحالات والفروقات بينها كلها ولما تستقر على حاجة توكل على الله وخد ميكانيكى وواحد يكون بيفهم كويس فى البايك وخلى بالك من نقطة مهمة راجع ورقك كويس جدا وارقام الشاسيه والموتور مطابقة للارقامك اللى فى الافراج والحاجات على فكرة اللى ناقصة فى البايك ده هاتعدى 1500 جنيه

المهم فى الاول والاخر حالة البايك نفسه والموديل جميل بصراحة
انا مش من القاهرة وانتا عارف الناس مشغولة فى العشر الاواخر تقبل الله منا صالح الاعمال
لو دخل اى حد من اخواتنا هنا من القاهرة ربنا يسهل ويقدر يساعدك ويجى معاك كما ن
ربنا يسهلك امورك ويرزقك باحسن شادو 400 فى مصر كلها
بس عايز لفة طبعا