الموضوع: عايز اجيب لانسر كريستالة افيدونى

السلام عليكم و رحمة الله و بركاتة

انا عايز رأيكم يا اهل الانسر , انا عايز عربية مستعملة فى حدود 50 الى 55 الف جنية دورت كتير اوى لاقيت ادامى حاجة من دول

1- بيجو 405 (ممكن يكون ارخص من كدة )
2- دايو لانوس موديل حديث 2007 ولا 2008 ( بردوا ممكن بكون ارخص من كدة )
3- هيونداى فيرنا موديل حديث بردوا
4- جولف 4 ( هيكون اغلى من كدة قليلآ)
5- لانسر كريستالة

انا بصراحة ميال للكريستالة و على فكرة دة نتيجة قراتى فى المنتدى هنا قسم الميتسوبيشى بجد الناس حببتنى فى الكريستالة و كنت بفكر فى الجولف 4 عرابية حلوة جدآ بس قطع الغيار دية حاجة و تانى حاجة انها هاتش باك و انا دلوقتى عندى بنوتة عقبلكوا ان شاء الله فبقول اجيب عربية سيدان افضل

المهم مش هطول عليكم انا بسألكم عن رأيكم فى رينج السعر دة يجيب اية كويس و ميتعبنيش كل شوية صيانة و عفشة باظت و مش عارف اية و انا مش عايزها اتوماتيك و بالنسبة للموتور انا ساكن فى 6 اكتوبر و شغلى فى وسط البلد يعنى كل يوم بتاع 80 - 100 كيلو , و لو هى كريستالة عايز اعرف رينج سعرها كام بالنسبة طبعآ انها تكون حالة ممتازة و يا سلام لو فابريكا جوا و برا و تكون فول ابشن و اهم حاجة بعد التكييف و الباور تكون ازاز كهربا


شكرآ جدآ انا عارف انى طولت عليكم بس دة عشامى فيكم

اخوكم محمود

على وجه العموم طبعا الجولف 4 افضل من الكريستالة بمراحل بالذات كمتعة سواقة وركوبه وماينفعش اصلا تتقارن بيها مع العلم انى راكب كريستالة .
بس لو جيت للتفاصيل اللى انت هتعيش فيها كل يوم زى الاعطال وثمن قطعة الغيار ووفرتها وامكانية التعديل فى العربية باسعار حنينة يبقى الكريستالة هتبقى افضل.
لكن الجولف طبعا متعة ركوب واحساس بالقوة ومتانة وثبات وقول اللى انت عاوز تقوله
رنج الكريستالة السليمة من45-56 وطبعا بتفرق من عربية للتانية على حسب الحالة والاوبشن