اقتباس المشاركة الأصلية كتبت بواسطة ASD peugeot مشاهدة المشاركة
ما شاء الله عليك يا استاذ فادي
كنت متشوق فعلا للجزء الثاني
بس فيه حاجه ان حضرتك في الملفات بالطريقه المذكوره ازاي تاخد الملف ده معناه ان لازم تكون لوحدك وانت بتاخد الملف ومفيش عربيات معاك عشان تاخد الملف بالطريقه دي لان انت كده بتاخد الملف كله لكن فعلا الملف لازم تاخده من الناحيه العكسيه وانت داخل لان لو واخد الملف مثلا من ناحيه الشمال والملف شمال بتكون الزاويه ضيقه جدا ولازم تهدي جامد كمان
لكن لو الملف هتاخده في الدخول من الزاويه العكسيه مثلا الملف شمال ودخلت من ناحيه اليمين وكملت واخد الملف علي وسع ناحيه اليمين ايه اللي ممكن يحصل في الحاله دي
تحياتي لحضرتك والف شكر ليك وان شاء الله الموضوع يتثبت لانه يستحق

طبعا يا أستاذ أسد بيجو الكلام ده كله لا يصلح للتطبيق على الطرق العادية, و يطبق بشكل أساسى فى حلبات السباق, و يفترض عدم وجود سيارات بجانبك, و أنا نوهت لذلك فى بداية الموضوع انو كل ده لا يصلح للتطبيق على الطرق العادية لأن المرور لا يحتمل القيادة الرياضية. و لو تابعت أى سباق سرعة هتلاقى الكلام ده بيطبق بحذافيره و هتلاقى المتسابق بياخد الملف من الجهة العكسية و يطلع من الجهة العكسية و خاصة فى الفورمولا واحد, طبعا محتاجة تدريب عشان تتعرف على قدرات سيارتك و تتوافق معها.
تحياتى لك يا عزيزى و شكرا على اهتمامك.

اقتباس المشاركة الأصلية كتبت بواسطة hazem_khidr مشاهدة المشاركة
شكرا يا ابو فادي
جميل ما شاء الله تسلم
عاوزين بقي قياده الدفع الرباعي في الصحراء لو تفتكرها
حتبقي مرجع شامل و جميل
حازم باشا واحشنى, بصراحة أنا معداش عليا موضوع الدفع الرباعى ده قبل كده غالبا العدد ده مش عندى و خبرتى فيه قليلة, فهسيبهولك بقى :).
يلا مستنيين موضوع الدفع الرباعى منك يا باشا :).