الموضوع: مشكلة في علبه الدريكسيون الباور وعايز رايكم

أهلا بيك يا راجل يا طيب و كل عام و انت بخير بمناسبة شهر رمضان و بمناسبة عيد الفطر

بيتهيئلي المشكلة مش في الأفايز المشكلة ان الخطوم نفسه مشقق او مخروم حاجه بسيطة
أنصحك تشتري الوصلة دي من الحرفيين استيراد لأنك مش هتلاقي خرطوم بنفس التفصيلة و التصنيع و الخامات بيتباع بره

و أعتقد هتلاقيها متوفره و موجوده بسهولة ان شاء الله

بص يا باشا
الموضوع بأختصار شديد جدا
انت هتسأل الميكانيكي بتاعك عن اقرب واحد بتاع كبس خراطيم
الراجل دة هو الي هيفصلك أختها
او لو فيها جزء مقطوع او بيسرب زيت هيقصه ويركب مكانه علي نفس الخرطوم بتاعك القديم

لو غلبت فيها - دور عليها استيراد

دي كل الحكاية

انا عملتها في عربية اخويا
قص الجزء المخروم الي كان بيسرب زيت وكبسلي مكانه جزء تاني

والله المستعان
،
،

المشاركة الأصلية كتبت بواسطة egman

والله انا عملت الاتى :

يوم الوقفة روحت علشان اضبط الخرطوم ده المهم قطعنا المكان الى كان بينقط لانه كان فيه ثقب وركبنا مكانه وصله ماسور مياه الى هى بلاستيكيكة ده المهم وانا بجرب كله تمام ما فيش اى تنقيط .

اول يوم العيد وبعد الصلاه لقيت الخرطوم بينقط من عند الافيز الى رابط على الطلمبة بتاعه الباور وصوت الدريكسيون بقى عالى ولما ارق بالعربية وادوس بنزين بتسمع صوت ونه عالية وهى بتروح وتيجي عموما لكن وانا واقف وبلف الطارة بتعمل صوت فكده اية النظام يا شباب طلمبة باور ولا اية ؟

وده تعمل كام فلوس وهل الناس فى الحرفيين اشتغلوا النهاردة ولا لسة مكملين اجازة العيد وهل فى حد هناك بيبعها مضمون ولا مش هتفرق وهل بتنفع تتجرب عند بتاع قطع الغيار ولا لازم تركب واجرب على العربية ؟

طيب اعمل اية دلوقتى ازود زيت لحد ما اتصرف واجيب الخرطوم او لو كانت خرطوم وطلمبة ، طيب اقيس زيت الباور ازاى والعربية باردة يعنى مثلا الصبح قبل ما اخرج بيها ولا بعد ما ادور ؟

انا قيست الزيت بعد ما دورت ولما فتحت خزنه الزيت لقيت الزيت فاير او فية رغوة هل ده طبيعي وموشر الزيت كان عند علامة الميني ؟

انا فى انتظار رد حضراتكم على الموضوع ،،

بص يا باشا

اول حاجة - انت بتتعامل مع كفتجي مع كامل احترامي لشخصه الكريم
بس هو ضلالي - ازاي يحط خرطوم كهرباء ويقفل عليه بأفايز في خرطوم الباور ودة بيبقي خرطوم ضغط ومش بيركبله أفايز دة بيتكبس علي مكبس
ولا هو كان عايز يقلبلك الباور لكهرباء ؟؟؟؟؟

يا باشا دة من كتر ضغطه بيركبوا جزء ماسورة حديد في اول الخرطوم واخره ومع كل دة احيانا الماسورة بتتخرم من كتر الضغط

عموما صوت الونة دة ممكن يروح مع زوادة الزيت
لكن لو استمريت علي الوضع دة هتاكل الطرمبة من جوة والونة هتستمر معاك

بس ماتخافش اوي
مش هتتاكل في يوم وليلة

حاول تغير الخرطوم قوام قوام قبل ما تاكل الطرمبة

انا مرة مشيت من غير ولا نقطة زيت ورجعت مليت الخزنة والطرمبة ونت مني ولما مليت الزيت الونة منعت

وعلي العموم الطرمبة مش غالية اوي - 250 بحد اقصي
بس لو لقيت منها نظيف

دة عيب مشهور اوي في الأبيزا - طرمبة الباور
انا مغيرها لحد دلوقتي 3 مرات ومش بلحق استمتع بالباور - 3 او 4 شهور وبتبوظ مني
لحد لما كبرت دماغي وماشي بيها بتون مني بقالي فوق ال7 شهور

الحق اعمل الخرطوم وربنا ييسرلك الأمور وتعيش معاك عمرها وبعدين ابقي فكر تغيرها

تحياتي