ركبت مروحة امام سربنتينة التكيف برده العربية بتسخن مع التكيف

**asaid** · 13-08-2012 02:08 PM

روحت بوم الجمعة عند بتاع الريداتير الأول عشان يشوف الريداتير هل يتغير و لا ايه نظامه و كمان اركب بعديها مروحة على سربنتينة التكيف عشان ام السخونة اللي في ام العربية لما بشغل ام التكيف

المهم فكينا الريداتير انا شايقه فعلا صغير فحت بس كان نضيف ومفهوش حاجة شبه جديد تقريبا اللي قبلي جايبه جديد. المهم قلتله على الصيني قالي 150 ومش هيعمر معاك ثانية انت مش محتاج تغير الريداتير حلته كويسه وانا وموفقه فعلا الريداتير كان فلة. المهم رحت ركبت مروحة امامية تشتغل مع المروحة السرعتين اللي عندي لما اشغل التكيف. بس برضه مفيش فرق يذكر . العربية بتجيب 105 بالتكيف . رجعت لبتاع الريداتير قالي " ياباشا دورة المياه عندك تمام و الطرمبة تمام" كده عليك و على الميكانيكي.
الوقت كان قبل المغرب قلت أكيد الميكانيكي هيكون مشي المهم عديت عليه.
لقيته مش موجود و الصبي هو اللي موجود اتكلمت معاه قالي كل الفليشيا بتسخن من غير تكيف حتي!
قالي ديه عربية الحج (الميكانيكي يعني) بتجيب 95 من غير تكيف الجو حر يا باشا.

انا دلوقتي مش عارف أعمل ايه؟

**Ahmed_Ramadan** · 13-08-2012 02:43 PM

ربنا معاك

**sanhory** · 13-08-2012 02:53 PM

انصح حضرتك لو فعلا كل حاجة مظبوطة و العربية برضه بتسخن تتاكد من سلامة وش السليندر و الجوان
و نقصان الميه
و لو عايز تنسى السخونية خالص ركب 2 جوان وش سليندر فوق بعض و انسى السخونية بس عزم العربية حيقل سيكا صغيرة

**akmm** · 13-08-2012 02:59 PM

غريبه فعلا ولكن هل جربت تسال حد معاه نفس عبيتك وتشوف ايه الأخبار وياريت تسال واحد واتنين .

**asaid** · 13-08-2012 04:25 PM

المشاركة الأصلية كتبت بواسطة sanhory

انصح حضرتك لو فعلا كل حاجة مظبوطة و العربية برضه بتسخن تتاكد من سلامة وش السليندر و الجوان
و نقصان الميه
و لو عايز تنسى السخونية خالص ركب 2 جوان وش سليندر فوق بعض و انسى السخونية بس عزم العربية حيقل سيكا صغيرة

انا معنديش نقص مياه باين انا ممكن اقعد بالشهر و مياه تنقص حاجة بسيطة.
موضوع وش السلبدر ده مش لازم يكون باين في السحب او يكون فيه مياه عل ىزيت (طحينة) او حتى العربية تسخن من غير تكيف العربية من غير تكيف اخرها 92 في عز الحر بس المروحة شغالة على طول

**المنسي** · 14-08-2012 06:20 AM

بص انا معايا العربية فى عز الحر اللى احنا فيه بقت درجة الحرارة بتوصل 92 على مالمروحة تشتغل وتبرد مع العلم ان عربيتي من غير تكييف وعمر المؤشر ما كان بيعلى عن 89 يعني قبل الشرطة بتاعة 90 فى الايام العادية حتى انها بتسخن مع التكييف هقول على حاجة فى الحر اللى احنا فيه اليومين دول اجدع عربية هتولع من السخونة مهما عملت ونصيحة منى حاول متخليش درجة حرارة العربية توصل 100 و 105 حفاظا على وش السلندر وعلى موتور العربية وربنا يوفقك وشوف برده باقى الاراء

**tota_ys** · 15-08-2012 11:38 AM

نفس المشكله كانت عندى اول ما بشغل التكيف العربيه تولع وجابت اكتر من مرة جوان وش سلندر
بس انا بقى لقيت الحل بعد ما لفيت على اكتر من ميكانيكى
طبعا بعتها وارتحت منها الحمد لله انى خلصت منها
ناس كتير قالتلى دى مصنوعه علشان تشتغل فى البلاد اللى درجة الحرارة فيها تحت الصفر
علشان كدا الماتور مصنوع من الالمنيوم علشان تسخن بسرعه فى البلاد دى

**benmatar** · 15-08-2012 11:42 AM

ناس كتير زودو المروحة الأمامية ونسيو الحرارة، وناس جربت الردياتير الصيني وبرضه عمل فارق رهيب و150ج.م بس وحلو المشكلة، الموضوع محتاج تظبيط شوية وبرضه التاكيهات عليها عامل مهم

**asaid** · 17-08-2012 04:28 PM

المشاركة الأصلية كتبت بواسطة benmatar

السلام عليكم
بلاش سيادتك تعمل حاجة في الموتور لا جوان ولا غيره طالما أداء الموتور كويس ومش محتاج شغل.... الردياتير الصيني حضرتك تجيبه 150ج.م واحسبها هتلاقيه هيقعد معاك على أسوأ الأمور سنة هيكون واقف عليك بأقل من 50 قرش في اليوم، بس ميزته إن التبريد معاه بيكون كويس وحجمه أفضل من الصغير اللي عندك وألمنيوم... دي أول نقطة.
تاني نقطة أنصح حضرتك بتركيب مروحة عربية كوري زي النوبيرا مثلا ( أمام السربنتينة من الخارج مع الحفاظ على القديمة الأصلية خلف الردياتير) وسعرها رخيص ومتوافرة، المروحة كبيرة (قطرها كبير) ورفيعة في نفس الوقت وريشها كتير ومعدل سحب الهواء قوي، وشوف الفرق، ولو أحسن تشتري مروحة المرسيدس الأمامية، مروحة جبارة وخليها تشتغل على ترموستات منفصل يتركب منفردا على الردياتير، وبإذن الله التبريد عندك يكون أفضل من الياباني.... ودي تاني نقطة وتنسى الحرارة والكلام ده متجرب
ملحوظة: البطارية عليها عامل مهم يغفل عنه كثيرون، ولو هتركب مروحة تانية يفضل البطارية لا تقل عن 70 أمبير...

بتاع الريداتيرات قالي ان الصيني هو هو اللي عندك نفس المقاس و المونيوم وكل حاجة. وقالي ان الريداتير حلته كويسة . هو ياين من شكله مش متبهدل يعني.
ثاتية انا مركب مروحة على السربنتينا 6ريشة و عندي مروحة بالقميص 2 سرعة الصوت بتاع المروحة باين انها شديدة.
البطارية عندي هي 55 امبير مش 70, هل ده هيفرق؟
الحاجة اللي انا شاكك فيها هو صباع الحرارة ليه. عشان العربية بتجيب 110 بالتكيف و مفيش أي تأثير على السحب و المياه مش بيتنقص ولا بشوف بخر ولا حاجة. بس في نفس الوقت المروحة بتشتغل في معاده مظبوط قبل النص بشرطة يعني الصباع جايب درجة سليما. انا هتجنن و خايف اجيب واحد جديد يطلع تعبان لأن كل اللي في السوق صيني والناس بتشتكي منه.

-

الموضوع: ركبت مروحة امام سربنتينة التكيف برده العربية بتسخن مع التكيف

LinkBack

أدوات الموضوع

عرض

-

-

-

المواضيع المتشابهه

طريقه تغير سربنتينة التكيف السخن

تقوية الارضي وعزل ماوسير التكيف و تغيير مروحة التكيف

مروحة التكيف

العربيه بتسخن مع التكيف

العربيه بتسخن مع التكيف على 3

الكلمات الدلالية لهذا الموضوع

المفضلات

المفضلات

ضوابط المشاركة