الموضوع: مبجان 2005 محتاجة صيانة

المشاركة الأصلية كتبت بواسطة manga_roro

ازيكم يا وحوش الميجان

انا رحت التوكيل اعمل صيانة ال 100000 و اتعملت الحمد لله بس قالولي على شوية حاجات تانية عايزة تتعمل

1- 2 مقص امامي , المهندس قالي الجلب متاكلة بس عندهم بيغيرو المقص على بعضه هل ده دروري فعلا
2- 2 بطاحة مساعد امامي
3- القنطرة الامامية فيها خبطة و طبعا قالي نغيرها
4- علبة دركسيون

و طبعا انتو عارفين الفاتورة و صلت فين , المهم انا عايز اجيب قطع الغيار دي عايز اعرف اجيبها من مين و اية الماركة الكويسة

و شكرا ليكم يا وحوش

أولاً متاخدش بكلام التوكيل قوى فى العفشة.

1- هو أنت بتحس لو مشيت فى شارع مكسر أن العفشة بتشخلل معاك و فيها أصوات ؟
2- لو بتلف الدركسيون و أنت واقف و على أرض مستوية بتسمع صوت خشونة جاى من ناحية المساعد سواء و أنت لافف يمين أو شمال ؟
3- العربية معاك فيها أى حاجة غريبة ؟.....زوايا مثلاً مش مظبوطة مع أنك ظبطت زوايا عند أكتر من واحد ؟
4- نفس السؤال رقم 1 بس بفرق أنت بتحس بتخبيط فى الدركسيون جامد أو نص نص حتى ؟

بالنسبة للمقصات.........لو بايظة هتحتاج تغيير بالكامل لأن الجلب مش بتتباع لوحدها.....و مش عارف سعرها.
بالنسبة للبطاحات ممكن تجرب تروح لحد يشحمهم الأول......لو لسه فيهم مشكلة محتاج تعرف أيه اللى بايظ بالظبط فيهم.........هل البلي ولا الكاوتش ؟ أعتقد البلي كان فى حدود 150 للناحية الواحدة بس مش فاكر بالظبط.
القنطرة ملهاش غير حل من حلين.....يا تغيير يا إستعدال و حتى الإستعدال مش متأكده منه......السعر مش عارفه.
علبة الدركسيون ممكن مستعمل فى حدود ال 800 أو جديد برة التوكيل فى حدود ال 1200 ( اكتر شوية أو أقل شوية )