الموضوع: اسعار السيفيك 2007 - 2012 كانت كام زيرو

المشاركة الأصلية كتبت بواسطة محمد أنور

ربنا يكرمك ان شاء الله و تلاقي عربية كويسة بسعر مناسب
و يا ريت تقولنا اتفرجت على عربيات موديل كام و حالتها ايه و الاسعار
و كل سنة و انت طيب :)

بص يا باشا انا مركزتش اوى الفترة الفاتت عشان رمضان, و عشان انا لسه مرستش على موديل معين سواء سيفيك او غير سيفيك.

عموما مبدأيا السوق بايز و الناس رافعة اسعار على الأقل 5 الاف جنيه عن ما كانت عليه من 7 شهور (قبل ماشترى البورا كنت بدور بردوعلى موديلات مختلفة).

يعنى فيه معرض ضايع كده بتاع جزار قبل الحى السابع فى مدينة نصر, و الراجل ده بيطلب اسعار هبل من زمان, 2007 و الحالة مش اد كده طالب 108, و 2008 فابريقة كامل و عداد فى حدود 70000 ك و طالب 115000 ج, و هو كان بيقسط فسألتو لو دفعتلك 80 و قسطت 30 قالى لا 35 قولتو انتا اساسن معلى السوق بس احسبها طيب, فقالى هتدفع ال 35 على اد ايه, قولتلو سنتين راح حسبلة فايدة توازى 60% على ال 35000 ج, طبعا ضحكت قلتولو انا اروح اخدها من البنك بفايدة مش هتعدى 20%على الاجمالى, قالى براحتك’ ضحكت و قلتلو شكرا و مشيت (طبعا هوا ناصب فى ثمن العربية و ربوى محترم فى ثمن القسط و انا اساسن مش ناوى اخد قروض من بنك ان شاء الله).

عموما 2007 كانت رشة اكصدامات و مشية 70 او 75 الف ك و كانت معروضة على 98000 ج من 7 شهور و كان فيها كلام و اتنكت عليها, دلوقتى بيطلبوا فيها 105.

المهم اخونا بتاع المعرض لما سألتو هوا السوق رافع ليه, هرب من السؤال و قالى اصل الهوندا الجديد غالية و مش عاجبة حد فالناس مركزة اكتر على الهوندا القديمة.

واخد تانى معرض بردو سألتو نفس السؤال فرد و قالى, بص التجار التقال البيجيبوا زيرو من بره مقاللين و خيفين على فلوسهم و مبيشتروش كتير, و ده مقلل العربيات الزيرو فى السوق رغم ان عليها طلب, و بالتالى المستعجل بيروح شارى المستعمل.

مبدئيا هما متفقين ان السوق رافع جامد, و كل واحد بيفتى بأسبابه بس واضح انه استعباط تجار و لى فكرة كلامى مش على الهوندا, كلامى على الانترا الشكل القديم و الجديد و الماتركس و الأوكتافيا و الهوندا, حتى البورا على كونتاكت كلو طالب فوق ال 70