الموضوع: محتاج مساعدتكم يا رجالة

المشاركة الأصلية كتبت بواسطة semsem kane

تغير كبالن

فك وتركيب 40 جنية للجنب وممكن يكون واحد ابن حلال يقولك 30 جنية بس دة اقل حاجة ودة اغلى حاجة

طبعا هيوديك عند خراط عشان يشيلك الكوبلن ويركبلك الجديد , ودية تكلفتة الكوبلن الواحد 10 جنية - 15 جنية , يعنى لو بتعمل كوبلن خارجى وداخلى يبقى الجنب هيتكلف 25 جنية

يعنى عندك حوار الكبالن كلة على بعضة من 110 الى 130

طلمبة البنزين انت ممكن تعملها بأيدك بس عموما عادى تكلفتها 30 جنية ماتعديش بأى حال من الاحوال

الف شكر ليك استاذ سامح ..بس بخصوص طلمبة البنزين الميكانيكي اللي انا روحت له اخر مرة و اللي ان شاء الله هغيروا في الشغل الجاي ده قالي ان علشان يفك تنك البنزين و ينزله بس هياخد فيها 100 جنية ..بصراحة انا مش عارف حجم الشغلانة دي قد اية بس حسيت انه بيحور ف معملتش الشغلانة و سبته و مشيت ..انت اية رائيك في كلام الراجل دة؟؟

المشاركة الأصلية كتبت بواسطة semsem kane

معلش انا هاقول لحضرتك حاجة , اية علاقة فك طلمبة البنزين بالتانك

حضرتك هتشيل الكنبة الخلفية ( القاعدة ) هتلاقى غطاء سيلفر فية اربع مسامير صليبة , فكهم

هتلاقى الطلمبة نفسها بتتفك ب8 صواميل مقاس 10 , وهتفك خرطوم البنزين الرئيسى بمفتاح 17 , وهتفك خرطوم الراجع ودة بيتفك بكليبس عن طريق كماشة , وشكرا كدة انت طلعت الطلمبة كاملة بالجسم بتاعها

هيروح ماسك فيشة اتوماتيك الطلمبة ( دية اللى هتتغير ) ويروح مركبلك الطلمبة بتاعتك الجديدة وتنظف الفلتر بتاعها وشكرا وزى مافكيت زى ماهتربط , ادى الحوار كلة ( كل دة مش هياخد اكتر من 20 دقيقة


تانك اية بقى اللى عايز يفكة

حسبي الله و نعم الوكيل .. يعني الحوار كله بسيط مش ازمة ..للاسف كان في ناس حذرتني منه بس انا كنت بقول انه في المرتين اللي اتعاملت معاه كان شغاله كويس و اسعارة معقولة لكن في الاخر كنت هتقرص منه بس الحمد الله الفضل يرجع لله ثم لك يا استاذ سامح ...للاسف الواحد لازم يكون عارف الحوار الي عنده و يكون عارف العربية حتة حتة علشان استغلال الصنايعية اللي زي دول علشان كدة انا سئلت اهل الخبرة زي حضرتك ..عموما الف شكر ليك استاذ سامح و تعيش و تفيد كل الهونداوية

معلش يا باشا انا كنت عايز اسئلك علي حاجة بخصوص الطلمبة البنزين ..السبب اللي هيخليني اغيرها ان ساعات و انا ماشي بالعربية الاقي العربية مرة واحدة كدة ماتسحبش معايا و اما ادوس بنزين الاقي صوت العربيةمش بيعلي و تحس كدة ان العربية متكتفة لكن اول ما تكبس بنزين جامد الاقي العربية فتحت مرة واحدة و يكون سحبها جامد جدا ..اما رحت للراجل دة نضف فلتر البنزين و اقالي جرب لقيت المشكلة لسة موجودة فقالي دة لازم نغير طلمبة البنزين ...اية رأى حضرتك في الكلام دة؟؟؟؟؟ معلش انا تعبك معايا بس لاسف انا خبرتي في عربيات قليله شوية

المشاركة الأصلية كتبت بواسطة semsem kane

شوف ياباشا اعراض طلمبة البنزين

1- تأخر فى الدوران

2- العربية لما تيجى تدوس بنزين تحس انها بترجع لورا

3 - مابتجيبش سرعات عالية يعنى ممكن اخرها 120 - 130 كم

4- صوت الطلمبة بيكون عالى شوية

5- لما البنزين يقل فى التانك تحس ان اداء الطلمبة قل جدا

والاعراض اللى عندك دية عايزك الاول ترش منظف انجيكشن فى البوابة وتسيب العربية دايرة بتاع عشر دقائق كدة على السلانسية وبعد كدة اطلع على طريق سريع واجرى بيها شوية وقولى اية النتيجة

للاسف كل الاعراض دي مش موجودة عندي في العربية بالعكس العربية بتجيب 150 170 مستريح و هجرب ارش منظف البوابة و اعمل زي ما قولت و ان شاء الله هقولك علي النتيجة ..
الف شكر علي اهتمامك استاذ سامح