الميجان كل يومين تعمل إعادة ضبط المصنع ... ليه؟

**samaha** · 15-08-2012 06:06 PM

معايا ميجان موديل 2005 لاحظت انها بتفصل من الداخل كل شئ بالإضافه للشنطه لا تفتح مع العلم ان السنتر شغال والنور العالى والواطى شغال عادى إنما المشكله بتكون فى داخل السياره ووالسياره لا تدور وبعد شويه الاقي الصالون نور مع التكرار فى فتح الباب او محاولة تدوير السياره وبلاحظ ان الكاسيت بعدها يحتاج الكود والزجاج يحتاج تظبيطه من جديد
المهم فى القصه ان الكارت لا يقوم بتدوير السياره اثناء الفصل ولكن يقوم بتدويرها بعد عودة السياره الى وضعها الطبيعى
بمعنى انه السياره بتعمل ضبط مصنع والعدادات بتتصفر لوحدها
السؤال هو لماذا وهل هو عيب؟

**Ahmedhussein007** · 15-08-2012 07:26 PM

ممكن والله اعلم البطاريه اكشف عليها

**byada10** · 15-08-2012 07:52 PM

البطاريه فى الغالب و الله اعلم

**Ahmed Selim** · 15-08-2012 08:24 PM

ممكن البطارية و ممكن فيوز خاص بالبطارية بيعلق أو شغال صح

وظيفة الفيوز هو فصل الكهرباء عن العربية فى حالة عدم إنتظام التيار اللى جاى من البطارية.....و ده ممكن يكون بسبب أن قواطيش البطارية مش راكبة كويس أو مش متقرط عليها صح.

شوف القواطيش الأول و خللى حد يقرط عليهم و يشوفلك شحن البطارية بالمرة...........لو كله تمام جرب تغير الفيوز ده.

**MohammedAladel** · 18-08-2012 02:29 AM

المشاركة الأصلية كتبت بواسطة ahmed a.maksoud

ممكن البطارية و ممكن فيوز خاص بالبطارية بيعلق أو شغال صح

وظيفة الفيوز هو فصل الكهرباء عن العربية فى حالة عدم إنتظام التيار اللى جاى من البطارية.....و ده ممكن يكون بسبب أن قواطيش البطارية مش راكبة كويس أو مش متقرط عليها صح.

شوف القواطيش الأول و خللى حد يقرط عليهم و يشوفلك شحن البطارية بالمرة...........لو كله تمام جرب تغير الفيوز ده.

أنا مع رأى الأستاذ أحمد خصوصا إن حصل معايا مشكلة انقطاع الكهرباء عن السيارة بسبب القواطيش بس ثبتهم كويس وكله بقى تمام
السؤال بقى خلى القواطيش مش متثبتة كويس وانت ماشى بالعربية البطارية فصلت هل كدا فيه خطورة للعلم القواطيش لما تبقى مش راكبة كويس أو البطارية فاصلة لاحظت حاجة إن شاشة الأعطال بترعش النور بتاعها كدا وبيضعف
بس عايز أعرف إيه تأثير انفصال أى من الكابلين عن البطارية أثناء السير بالسيارة ؟

**Ahmed Selim** · 18-08-2012 11:01 PM

المشاركة الأصلية كتبت بواسطة mohammedaladel

أنا مع رأى الأستاذ أحمد خصوصا إن حصل معايا مشكلة انقطاع الكهرباء عن السيارة بسبب القواطيش بس ثبتهم كويس وكله بقى تمام
السؤال بقى خلى القواطيش مش متثبتة كويس وانت ماشى بالعربية البطارية فصلت هل كدا فيه خطورة للعلم القواطيش لما تبقى مش راكبة كويس أو البطارية فاصلة لاحظت حاجة إن شاشة الأعطال بترعش النور بتاعها كدا وبيضعف
بس عايز أعرف إيه تأثير انفصال أى من الكابلين عن البطارية أثناء السير بالسيارة ؟

فيه فيوز بيضرب و لو بطلت العربية مش هتدور تانى غير بعد ما تغير الفيوز و طبعاً تثبت الكابلات كويس.