الموضوع: الحرارة بتعلى مع التكييف ( كرسيدا قديمة ) ايه الحل؟

اولا شكر واجب لكل واحد فتح الموضوع

ثانيا بسم الله نبدأ

العربيه كرسيدا موديل 82 المفروض انها مكيفه يعني دورة تكيف كاملة مفيهاش تسريب وتم تنظيفها بالكامل وشحنها وتبريدها جيد جدا ولكن

##المشكلة في الحرارة اول ما افتح التكيف بيكون الار بي ام مظبوط يدوب علي بس سنه بسيطه بس اول ما امشي شويه في شوارعنا الي هي زحمه طبعا تبتدي الحرارة تعلى تعلى تعلى والار بي ام يعلى والموتر بتالي صوتو يعلى والتبريد يقل جدا

في كذا نقطة ممكن تفيدنا
1- الرديتير بتاعها باظ من زمان وتم استبداله بريدياتير عربية مرسيدس نحاس --- فهل مثلا المروحة مش بتقدر تبرد النحاس وانو يفضل يكون المونيوم؟ ( انا قدامي ردياتيرين بتوعها واحد المونيوم والتاني نحاس فهل لو جبت الالمونيوم على اعتبار انه بيطرد الحرارة بسرعة ده هيحل المشكلة ؟ )

2- بما انها موديل قديم فهي فيها مروحة واحدة بس على - كلاش - لما تعلي التكيف او تسخن تزيد سرعة المروحة فهل ال - كلش - باظ ؟ انا خليت ميكانيكي بص عليه قالي هو خفيف والاحسن يتغير والمروحة بطيئة شوية ( فهل اجيب واحد مثلا ؟ )

3- انا مش بغسل الموتور لان كل مره اغسل فيها الموتور تحصل مشكلة ( ربنا يبعد عنكو المشاكل ) اصل القديم غسيلو في الاساس غلط ده عن خبرة جايز اكون غلطان فهل مثلا اغسل دايرة التكييف كلها فقط وهل في طريقة تنصحوني بيها او مواد معينة ؟

4 - اجيب سير جديد للتكيف ؟ اصل هي الباور على سير والسربنتينه على سير والدينامو على سير فهل ممكن يفيد بي حاجه مع ان الي فيها مش قديم مكملش سنه مثلا

معلش طولت عليكم وشكر واجب في النهاية على قراءة كل ده

ويبقى السؤال هل فيه امل اني افتح التكييف واحافظ على الحرارة ؟ وايه الحل من وجهة نظركو ؟
منتظر الرد بفارغ الصبر