رابـــــطة مــــــلاك نيـســان صــــــني الشــــكل الجـــديد .. ادخـــل وعرفـنا بنفسك

**Amgad Ezzat** · 27-04-2013 05:55 PM

الاسم : أمجد مصطفى عزت
الوظيفة : مهندس كهرباء
منطقة السكن : القاهرة الجديدة
لون السيارة : أسود
السيارة كام الف كيلو : 6000
بيتم المتابعة فى مركز صيانة : مودرن موتورز - القى
ماهى الاكسسورات اللى تم تركبها : فرش جلد
انطباعك عن السيارة بشكل مختصر : سيارة جيدة .. انسيابية .. واسعة .. ناعمة ولكن هناك مشكلتان :
1-السيارة خفيفة على الطريق بمعنى اذاكان هناك رياح شديدة مثل الايام السابقة (الخماسين) اشعر بعدم ثبات السيارة واضطر لتقليل السرعة حتى 80
2-عدم وجود مفتاح بريموت احتياطى .... حيث ان المفتاح الاحتياطى بدون ريموت ولايجعلنى استطيع تشغيل الانذار به

**ابراهيم يسرى** · 12-05-2013 10:34 PM

ابراهيم يسرى
بورسعيد
اللون اسود سوبر صالون
العربية ممتازة لسة اول 1000 كم
ارجو انشاء مركز صيانة فى بورسعيد المشكلة دة صعبة اوى علشان اعمل صيانة لازم اسافر ارجو المساعدة

**mooramor812** · 27-05-2013 12:23 PM

الاسم :عمرو حسونه
الوظيفة :مدير حسابات
منطقة السكن :الاسكندرية
لون السيارة : برونزي
السيارة كام الف كيلو :70 كم لسة مستلمها
بيتم المتابعة فى مركز صيانة :اوتو ايجيبت بس لسة مروحتش
ماهى الاكسسورات اللى تم تركبها :هركب فرش جلد علطول
انطباعك عن السيارة بشكل مختصر :السيارة عائلية مش بتاعت جري وشد , واسعة , انيقة , اقتصادية و من الاخر سعرها فيها

**د.محمدعبدالعال** · 27-05-2013 05:40 PM

المشاركة الأصلية كتبت بواسطة mooramor812

الاسم :عمرو حسونه
الوظيفة :مدير حسابات
منطقة السكن :الاسكندرية
لون السيارة : برونزي
السيارة كام الف كيلو :70 كم لسة مستلمها
بيتم المتابعة فى مركز صيانة :اوتو ايجيبت بس لسة مروحتش
ماهى الاكسسورات اللى تم تركبها :هركب فرش جلد علطول
انطباعك عن السيارة بشكل مختصر :السيارة عائلية مش بتاعت جري وشد , واسعة , انيقة , اقتصادية و من الاخر سعرها فيها

مبروك عليك العربية وربنا يباركلك فيها يا ريس .. بعد صيانة الألف هتعرف ان العربية لو حبيت تشد وتجري بيها هتسعفك وهتظبطك

**mooramor812** · 27-05-2013 09:53 PM

المشاركة الأصلية كتبت بواسطة د.محمدعبدالعال

مبروك عليك العربية وربنا يباركلك فيها يا ريس .. بعد صيانة الألف هتعرف ان العربية لو حبيت تشد وتجري بيها هتسعفك وهتظبطك

الله يخليك يا دكتور ، على فكرة أنا متابع القسم هنا علطول وملاحظ انك مبتتأخرش على اي حد يسأل اي سؤال ، وبجد انت شخص محترم وأتمنى أن يكون في بينا معرفة وصداقة أن شاء الله

**د.محمدعبدالعال** · 28-05-2013 01:50 AM

المشاركة الأصلية كتبت بواسطة mooramor812

الله يخليك يا دكتور ، على فكرة أنا متابع القسم هنا علطول وملاحظ انك مبتتأخرش على اي حد يسأل اي سؤال ، وبجد انت شخص محترم وأتمنى أن يكون في بينا معرفة وصداقة أن شاء الله

شكرا جزيلا يا أ. عمرو .. ده واجب الناس هنا في المنتدى اننا ننقل خبراتنا ومعلوماتنا لبعض .. وأنا اتشرف كل الشرف لمعرفة حضرتك ..
تحياتي

**za3look** · 29-05-2013 12:47 PM

الاسم :أحمد المصري

الوظيفة : محلل مالي في البورصة

منطقة السكن : مدينة نصر

لون السيارة : فضي ميتاليك

السيارة كام الف كيلو : 5000 كيلو

بيتم المتابعة فى مركز صيانة : أوتو إيجيبت أبو رواش

ماهى الاكسسورات اللى تم تركبها : ( غيرت كاوتش و جبت رود ستون كوري مقاس 205/60 راكب على السوبر صالون و خلى ثبات العربية ملوووووش حل) - بعت الكاسيت بتاع العربية و ركبت وحدة dvd شاشة تاتش و كاميرا خلفية - العربية مش محتاجة بعد كدا إكسسوارات

انطباعك عن السيارة بشكل مختصر : انا كنت راكب الصني القديمة و لما جبت الجديدة إفتقدت قوة الصاج و الثبات على السرعات العالية، بس لما غيرت الكاوتش حسيت زي ما أكون راكب أوكتافيا .. ماشاء الله عربية تحفة ربنا يخفظها و يدينا خيرها و يكفينا شرها :)

**kmahmoud** · 29-05-2013 02:51 PM

الاسم : خالد عبد المتعال
الوظيفة : مبرمج
منطقة السكن : الشيخ زايد
لون السيارة : أحمر
السيارة كام الف كيلو : 7000
بيتم المتابعة فى مركز صيانة : مودرن موتورز - أبو رواش
ماهى الاكسسورات اللى تم تركبها : --
انطباعك عن السيارة بشكل مختصر : السيارة عملية جدا واقتصادية

**ahmedalabbasy** · 30-05-2013 02:08 AM

المشاركة الأصلية كتبت بواسطة saint2011

تحذير هام يا جماعة محدش يركب وحدات رفع للصنى الجديدة لأن الضفيرة لا تتحمل ذلك وكمان هيخرج الضفيرة من الضمان وده بعد السؤال فى أتو إيجيبت والسبع أكبر موزعين معتمدين لنيسان بالنسبة للباركينج سينسور مفيش مشكلة فى تركيبة وهذا للعلم والله الموفق

حجزت سوبر صالون فى السبع فرع اللاسلكى فى المعادى و حجزت وحدات الرفع و الباركينج سينسور و الكاميرا و تامر بتاع المبيعات اكد عليا 100 مرة ان ده موش هيخرج العربية بره الضمان بل و بالعكس الحاجات دى نفسها جوه الضمان و انها هتتركب فى الماظةو مفيش اى مشكلة ... المشكلة دلوقتى من الأسعار اللى انا شوفتها هنا حسيت ان تامر ضحك عليا لانه اتفق معايا على ان وحدات الرفع 600 جنيه و الباركينج 600 و الكاميرا 750 و الايموبليزر 1900 و الدىفىدى 3 شاشات 4750 و تفعيل الانذار مجانى ... حد عنده فكره الاسعار دى كده اخبارها ايه ..!!!

**elkeberkeber** · 09-06-2013 10:21 AM

الاسم :محمد نعمان
الوظيفة :مدرس
منطقة السكن :المنصورة
لون السيارة : نبيتي
السيارة كام الف كيلو :1300
بيتم المتابعة فى مركز صيانة :السبع المنصورة
ماهى الاكسسورات اللى تم تركبها :مفيش غير الحاجات العادية زي عراقة الدركسيون ودواسات للارضية
انطباعك عن السيارة بشكل مختصر :الاول كان استهلاك البنزين وحش جدا بس بعد ما عملت صيانة ال 1000 سافرت مشوار حوالي 570 كيلو ما شاء الله تفويلو واحدة ولسة شرطة كمان
ملحوظة انا عملت صيانة ال 1000 لما كان العداد 670 فدة فية مشكلة ولا حاجة؟
__________________