رابـــــطة مــــــلاك نيـســان صــــــني الشــــكل الجـــديد .. ادخـــل وعرفـنا بنفسك

**medo-312** · 31-10-2013 08:20 PM

المشاركة الأصلية كتبت بواسطة elkeberkeber

السلامو عليكم و رحمة الله و بركاته
انا معايا نيسان صني 2013 الشكل الجديد سوبر صالون ويوم السبت اللي فات عملت بيها حادثة والحمد لله علي كل شئ. انا دخلت في الجزيرة اللي في منتصف الطريق اللي ارتفاعها متر و الجزء الشمال الامامي اتدمر تماما. انا كل اللي محتاجه منكم نصيحتكم اعمل ايه ابعتها للتوكيل ولا اسيبها عند السمكري وهو يتعامل معاها وللعلم هو من احسن السمكرية علي مستوي الجمهورية
معلومة العربية مش متامن عليها

ربنا معاك والحمد لله علي كل شيء .. ممكن عنوان السمكرى !!

**elkeberkeber** · 04-11-2013 08:06 AM

يا ريت بس انا وديتها لاتنين سمكرية و الاتنين اتفقوا ان لازم الصاج يبقي جديد. مينفعش رد علي البارد. الطلبات دخلت في 22 الف

**Farouk fox** · 21-11-2013 11:18 PM

السلام عليكم

انا معايا نيو صني عامله 1000 لسه الصيانه

في حاجه لاحظتها مش عارف دي وسوسه ولا ايه

اما بنكون علي ال p الدركسيون بيكون مفهوش اي حركه او زنه
اما بجيب ال D او ازود وانا واقف او امشي بيكون في زي زنه في الدركسيون متتشفش بس تتحس وانت ماسك الطاره مش عارف ده عيب ولا وسوسه مني مع العلم العربيه علي السرعات العاليه لا فيها حدفه او رجه الحمدلله

**elmatboly_85** · 22-11-2013 02:49 AM

المشاركة الأصلية كتبت بواسطة Dr_MaTrix

منور يا باشا ........... لا الفكرة انى كنت عاوز اجرب اوتو ايجيبت مش اكتر بس كل ما معاد الصيانة يقرب تحصل حاجة واضطر اعملها فى السبع فى المنصورة.....وانا لسه عامل صيانة ال 10 الاف فى السبع وصراحة المركز ممتاز لحد دلوقتى والبشمهندس مصطفى هناك راجل محترم.......وشكلى فعلا هكمل فى سبع المنصورة الا مرة كده وولا حاجة ابقى اجرب اوتو ايجيبت فى صيانة كبيرة ....وبالتوفيق فى الاستلام ولو احتجت مساعدة فى اى حاجة انا تحت امرك

بصراحه انا الى محتاج مساعده هههه انا كمان من المنصوره وبعد طول انتظار الحمد لله هشترى النيسان انا فكرت فى عربيات كتير بس انا معنديش خبره بصراحه فى العربيات واول مره وبينى وبينكوا ما صدقت اجمع تمنها بس يارب تكون خير ليا المهم اتوكل على الله واجيبها من السبع بتاع المنصوره ولا اروح اجيبها من سمير ريان ؟وياريت لو حد يعرف سعرها كام 2014 exsaloon , superيقولى وهل فى فصال ولا لأ؟

**وليدالسيد** · 04-12-2013 04:25 AM

السلام عليكم انا عضو معاكم جديد وعاوز اشترى الصنى سوبر صالون ويارب يكون خير

**y_omran** · 10-12-2013 09:15 PM

الاسم: ياسر عمران
الوظيفة: مهندس كومبيوتر
منطقة السكن: مدينة نصر - القاهرة
السيارة لسة هاستلمها ان شاء الله يوم 20 ديسمبر 2013
لم يتم المتابعة في اي مركز صيانة
بالتأكيد لم يتم تركيب اي اكسسوارات- لما استلم الاول

**Hanytoto12** · 28-12-2013 02:01 PM

الاسم : م. هاني
الوظيفة : مدير إدارة
منطقة السكن: مدينة الشروق
لون السيارة : نبيتي
السيارة كام الف كيلو : 100
بيتم المتابعة فى مركز صيانة : لسة مارخصتش أصلا
ماهى الاكسسورات اللى تم تركبها : لاشيء
انطباعك عن السيارة بشكل مختصر : نيسان صني سوبر صالون 2014 الحمد لله حاسسها كويسة بس باب السائق والراكب الأمامي مش بيقفل بسهولة .. لازم اجمد عليه شوية !!!!!

**salehh42** · 29-12-2013 01:27 PM

الاسم / احمد صالح
المحافظة / الاسكندرية
الوظيفة / مدير مالى
السيارة / نيسان سوبر صالون 2013
كم /23000
التوكيل / مودرن ايجبت الحضرة
مرضية ولكنها مغالى فيها بكثير لسوء خامات السيارة وسؤ خدمة نيسان وليس التوكيل

**Muttaz Saied** · 30-12-2013 12:33 AM

الاسم / معتز سعيد
المحافظة / الاسكندرية
الوظيفة / مهندس ديكور
السيارة / نيسان سوبر صالون نبيتي 2013
كم / ٧٥٠٠
التوكيل / احمد مرعي
الاكسسورات/ ١- فرش جلد
٢- مسند يد
٣- دلايات
٤- سنسور بارك
٥- تغيير كاو تش العربية بعد شراءها مباشرا

**saidamer** · 30-12-2013 10:39 PM

الإسم/ سعيد البيلى
الوظيفة/ مهندس تحكم الى
منطقة السكن / القاهرة
السيارة / نيسان سوبر صالون 2013
العداد / 10300
التوكيل / السبع زهراء المعادى وأتو ايجيبت أبو رواش
الإكسسوارات / تركيب parking sensor اشتريته من بره وركبته فى التوكيل فرى
فرش جلد
أداء العربية / جيدة لكن التسارع بطئ - والفرامل سيئة رغم تغيير منظومة الفرامل فى الضمان