الموضوع: متسوبيشي لانسر بومه 2013

الف مبروك و ربنا يباركلك فيها و يكفيك شرها
انا معايا موديل 2012 1.6 اوتوماتيك و لاحظت موضوع سخونية الكونسول دى و كمان سخونية داخل الشنطة فوق الجاكمان و الكومبريسور بتاع التكيف لما يفصل و شتغل بيعمل تككه صوتها عالى جدا

الف مبروك و ربنا يباركلك فيها و يكفيك شرها
انا معايا موديل 2012 1.6 اوتوماتيك بقالها معايا 4 شهور و لاحظت موضوع سخونية الكونسول دى و كمان سخونية داخل الشنطة فوق الجاكمان و الكومبريسور بتاع التكيف لما يفصل و شتغل بيعمل تككه صوتها عالى جدا
بالنسبة لاستهلاك البنزين انا بحط 92 و بتعمل معايا تقريبا من 9 :10 كم/لتر حسب الزحمة و تشغيل التكييف و فى السفر ممكن يوصل الى 12 : 13 كم/لتر حسب سرعتك
و لاحظت حاجة كمان ان ظهر الكنبة غير قابل للطى
بصفة عامة العربية ادائها اكثر من رائع

المشاركة الأصلية كتبت بواسطة dragon78

العفو ياباشا أي خدمه .. بالنسبه للوصفه انت لو ماشي في شارع الطيران أيوه هاتخلي رابعه العدويه على شمالك مظبوط , انما المقصود في الوصف انك تخليها على يمينك يعني تكون انت على صفها وتدخل الشارع اللي على ناصيته جامع رابعه العدويه وتكمل العنوان زي مافي الوصف .
وبالنسبه لموضوع الفرش انا الفرش بتاعي اتكلف بالظبط 1300 ولو انت تابعت موضوعي بتاع تركيب الفرش هاتعرف اتعمل ايه بالظبط , لكن انت ممكن تختار خامات أقل او مثلا ماتعملش الخياطه الدبل لأنها لوحدها بـ 200 جنيه . والخامات الأرخص مش وحشه ولا حاجه بس الواحد قال بالمره يعمل حاجه نظيفه وثمنها يكون فيها ان شاء الله , وماتقلقش من الموضوع ده الحاج أحمد مشعل بسم الله ماشاء الله هاتلاقيه هو لوحده بينصحك تعمل ايه أو تختار ايه بالنسبه للألوان وكده ولو اخترت حاجه مش ماشيه مع ألوان العربيه هاتلاقيه بيقولك مش هاتبقى حلوه أوي ( في الحته دي الحاج أحمد عنده ضمير أوي ) أما بخصوص انا انصحك بإيه .. فطبعا لو كنت انت عامل حسابك على مبلغ كويس زي اللي انا دفعته يكون أفضل عشان تاخد خامات كويسه , لكن حتى لو أخدت الخامه الأقل في السعر ان شاء الله مش هاتبقى وحشه , والحاج أحمد بيديلك ضمان ان لو حصل للفرش أي حاجه بترجعله بيه ماتقلقش.

أما بقى بخصوص انك استلمت العربيه من غير كاسيت دي بصراحه حاجه مش كويسه لأن حتى العربيات الأقل في فئتها بتنزل بكاسيت نوعه غريب كده اسمه سيمفوني تقريبا .
طيب انت لما جيت استلمت العربيه ماسألتش عن الكاسيت ؟ ولو سألت قالولك ايه مثلا ؟
يمكن هم شايلين ثمنه من ثمن العربيه مثلا الله أعلم , لأني أعتقد لما تروح التوكيل هايقولولك ان ممكن تغير النوع الغريب اللي بينزل ده بكاسيت كينوود زي اللي عندي , لكن حتة ان مايبقاش في كاسيت أصلا دي أعتقد بتبقى مع الموزع .
شوف كده ورد عليا وان شاء الله اللي فيه الخير يقدمه ربنا . ولو ليك حق طبعا ماتسكتش عليه

شكرا جدا يا باشا، كعادتك في النصح ومساعدة الأخرين :)

المشاركة الأصلية كتبت بواسطة dragon78

الله يبارك فيك ياباشا .. بس ممكن أعرف حضرتك ازاي حسبت الاستهلاك بالكلم / لتر ؟

بص يا باشا انت تفول التانك لغاية البنزين ما يطفح على الاخررررررررر خالص و بعدين تصفر عداد التريب و تمشى زى مانت عايز 100 او 200 كم و بعدين ترجع المحطة و تفول تانى لغاية ما البنزين يطفح عالاخرررررررر و تشوف استهلكت كام لتر فى التريب اللى انت مشيته.