و قولت اصلح التكييف

**Amr_650** · 19-08-2012 05:56 PM

المشاركة الأصلية كتبت بواسطة egyseadragon

كان الله في عونك....
ممكن حد يقولي إيه هي الشجرة ...وفين مكانها في التكييف

دى الشجرة اللى انا عملتها , بس بعد مشلت منها العزل و اللى على اليمين دول السويتشات

و دى مكانها فى العربية - قدام الشكمان - و اللى راكبة دى الصينى

**kar!m** · 19-08-2012 05:58 PM

المشاركة الأصلية كتبت بواسطة amraction

انا عملت تكييفى هنا فى الزقازيق عند محمد فيشه .. وبصراحه الى الان التكييف بيسقع تمام ولله الحمد.. وهو شغله نضيف وفاهم وبتجيله عربيات كتير وانواع محترمه .. سكودات وبى ام و مرسيدس وعربيات رحلات .. شغله كويس وكتير شكرولى فيه ولما اتعاملت معاه ظبط الدنيا وظبط التسريب والكمبروسر

أسمع عنه الراجل ده .. بس متعاملتش معاه .. أنا عادة بعمل كل الصيانات في القاهره .. عشان لو و هو بيفك احتاج حاجه .. الاقيها جنبي على طول.

فين مكانه محمد فيشه ده؟

**Amr_650** · 19-08-2012 06:01 PM

المشاركة الأصلية كتبت بواسطة kar!m

ربنا معاك بجد .. ده حوار.

طيب ما كنت تروح لحد يعمل لك التكييف من بابه .. يعني هو يتولى الموضوع كله و ليك انك تستلمه شغال .. ان شالله ياخد ألف جنية حتى.

خدها منى نصيحة , التكييف بالذاااااات لازم تقف على دماغو , لائما هيكروتك و تفرح بية اسبوعين و تلاقية ضرب و ساعتها يقولك و انا مالى .

دنا مغير سويتشات فوق ال17 مرة

**Amr_650** · 19-08-2012 06:04 PM

المشاركة الأصلية كتبت بواسطة al_manara

مبروك مقدما علي التكيف .
ربنا معاك

ربنا يخليك

المشاركة الأصلية كتبت بواسطة tamertamer

تكيف الاوبل غبى وبيصرف كتير واسالنى انا
شجرة التكيف فى اتنين
وحدة حولين بار الشكمان ودى بتبوظ على طول من الحرارة لو مش معزولة
وفى وحدة فى ضهر المتور ودى مبيجراش ليها حاجة

كلام صحيح

المشاركة الأصلية كتبت بواسطة amraction

انا عملت تكييفى هنا فى الزقازيق عند محمد فيشه .. وبصراحه الى الان التكييف بيسقع تمام ولله الحمد.. وهو شغله نضيف وفاهم وبتجيله عربيات كتير وانواع محترمه .. سكودات وبى ام و مرسيدس وعربيات رحلات .. شغله كويس وكتير شكرولى فيه ولما اتعاملت معاه ظبط الدنيا وظبط التسريب والكمبروسر

طيب متخليناش نقر بقى

المشاركة الأصلية كتبت بواسطة wama00

منهك لله الصنايعية اللى بالشكل ده,,,انا كمان التكييف كان شغال عندى زى الفل لحد مره واحدة فصل,,, قولت اروح اشوف فيه ايه,, الواد قاس الفريون قالى فاضية خالص,,, طيب اكبس ياعم هوا وشوف,, لسه بيكبس هوا لاقينا خرطوم فى الشجرة مقطوع,, سير الدينامو قطعة!!! ماشى ياعم غيرة واشحن,,, غيرتة ب 100 جنية وشحن 150 جنية يعنى كلة 250 جنية,, طلعت اسكندرية بالعربية,,, وانا ماشى السقعة بتاعتة مش زى الاول خالص,, على 4 ومفيش ساقعة,,,,, بعد نص الطريق بقى ضعييييف جدااااااااااا,,, المهم بعد ما رجعت روح للراجل ابن التيييت ده تانى,,,, قاس قالى الفريون قل اووووى وعندة ابرة بايظة طيب يا ابن اللذينة ما انت كنت شايف الابرة ديه من الاول وانها ملحومة بامير ما قولتش ليه من الاول قالى مليش دعوة منه لله وحسبنا الله ونعم الوكيل فى الصنايعية اللى بالشكل ده.

عشان كدة لازم تبقى واقف على ايدية ,, انا مغير الابرة 3 مرات

**Amr_650** · 19-08-2012 06:46 PM

المشاركة الأصلية كتبت بواسطة tananybasha

كلام جميل
بس ايه الفتح اللى الصدر اللى هيطلع منه التلاجة ده

بص يا معلم . التلاجة دى عبارة عن كويل + سربنتينة . اللى بيبوظ هو السربتينة . التلاجة مكانها ورا الكاسيت من اليمين . و التلاجة بتبقى محطوطة فى صندوق فبر .

اللى بيحصل - المفروض - انك بتفك الطابلوة و بتلاقية ادامك . تقوم فاتح الصندوق . و تشيل و تغير و شكراااا

نظرا لان طابلوة الاوبل زى مقولنا مقرف .بيقوم عامل العملية دى من قدام يعنى بدل ميفتح الصندوق الفبر من قدام هيقطعو من ورة و يسحب السربنتينة و يركب الجديدة

و بعدين يلحم الصندوق الفبر بالشمع و شكراااااااااا ..

كدة انت ولا فكيت طابلوة ولا حاجة و ماذنتش العربية فى اى حاجة و قصرت الوقت بتاع الفك و التركيب .

تمام كدة

**medo111** · 19-08-2012 07:04 PM

بجد يا جماعه الناس بتهرب من الشغل في الاوبل حاجه مقرفه اوي كنت بصلح التكييف كان لسه بايظ قريب الكلاتش بتاع الكمبروسور ساح وغيرتو وروحت لخمسه عشان يرضو يشتغلو واتعمل بس بردو لما بشغلو الحراره بتعلي مع انو الاول لما كان بيشتغل كانت بتنزل خالص

**gomgom3** · 20-08-2012 10:25 AM

مفيش حاجه سامها يفتح صدر العربيه يطلع التلاجه دة شغل عك اووووووووووي ويقولك كامن في حاجه انه هيفك الكونصوله بتاعت العربيه ويفك والدورج اليمين ويفتح مكان التقلاجه بمنشار جراح هو بئا الكهربائي
دة شغل عك لو عملك كدة هيكسرلك اي حاجه وهتلاقي التلاجه بتجيب ميه معاك جوا العربيه
اتكل علي الله وهات استيراد ب 400 ج وتتأكد من المواسير بتاعتها انها مش مخبوطه خالص وتفك الطابلوه بتاعها وتستلم شغل نضيف ومش لازم يطلع الطابلوه كله بره دة هو هيك مساميره كلها ويحطه جوا العربيه علي الشمال كدة ويطلع العلبه السوداء بتاعت التلاجه كلها بره يحط التلاجه الجديدة وكدة يبئا تمام
هات التلاجه ب expansion بتاعها مش تركب القديم عشان يبئا شغل نضيف وعوضك علي ربنا تغير التلاجه دة من اسخف الحاجات الي في العربيه انا لسه مغيرها من شهر الحمد لله :D

**momen_omar** · 20-08-2012 11:14 AM

ربنا معاك ...انت راجل محترم كفاية رفعك للصور .... متابع

**ENG\AHMED** · 20-08-2012 12:03 PM

المشاركة الأصلية كتبت بواسطة amr_650

و الله لحد دلوقتى كل الدلايل بنقول التلاجة , انا غيرت كل حاجة معادا الظهر و الكمبريسور و كبسنا كل حاجة .بالنسبة لحوار كباس النوبيرا فاكس , لان دلوقتى الكباس بتاع النوبيرا بيتباع ب 400 =- 450 جنية فى الحرفين , و الاوبل ممكن يخلص على 450 بالعافية . و بعدين نكبس على الارض

اكشف كويس اوى على الدورة بالكامل لحد الكمبريسور لأن تغيير التلاجة قرف

ونصيحة لو هتغير تلاجة هاتها جديد بلاش استيراد

**kar!m** · 20-08-2012 12:15 PM

المشاركة الأصلية كتبت بواسطة eng\ahmed

اكشف كويس اوى على الدورة بالكامل لحد الكمبريسور لأن تغيير التلاجة قرف

ونصيحة لو هتغير تلاجة هاتها جديد بلاش استيراد

تعمل لها كام دي يا أحمد جديدة؟

الموضوع: و قولت اصلح التكييف

LinkBack

أدوات الموضوع

عرض

-

-

-

-

-

-

المواضيع المتشابهه

عجبتني قولت افرجكم عليها

لو قولت لأ فى الأستفتاء هيحصل .......

يا جماعه انا قولت المنتدى ده والاعضاء........................

أنا قولت قبل كده

اخر اشاعة قولت اشاركم بيها

الكلمات الدلالية لهذا الموضوع

المفضلات

المفضلات

ضوابط المشاركة