الموضوع: و قولت اصلح التكييف

اةةةةةةةةةةةةةةةةةةةةةةةة ةةةةة , و قولت الدنيا حر و لازم اصلح التكييف

جالى قرشين , قولت اصرفهم على الغندورة طبعا و انا مش مهم كالعادة . المهم روحت لبتاع تكيييف اعرف اية اللى ناقص ,, طلع الاتى

1- الشجرة ( ربنا يحرق اللى اخترعها )

جبتها ب 150 جنية استيراد , استنو متفرحوش اوى كدة , كانت ضاربة , فالواد قالى روح اكبس الخرطوم , بينى و بينكوم فرحت ان سعرهاهيبقى لقطة كدة . روحت للقاضى اللى فى جسر السويس و كبست نفس خرطوم الاصلى ب 60 جنيةة . و بعدين روحت لحمتها بأرجون و بعدن عزلتها بالعزل الاصلى , اتكلفت توتال 240 جنية ,, فرحت اوى بقى اصلى و ب240 بس .

2- ماسورة سويتشات + 2 سويتش + الفيش بتاعتهم

السويتش الواحد ب 100 استيراد و توتال 300 كلها

و السربنتينة كانت راكبة و كل تمام

المهم لعيب فى اللحام الشجرة مطلعتش ظابطة بس ركبت و ركبت الماسورة بتاعت السويتشات بعد مغيرتهم 15 مرة لانهم كل مرة يطلعو منفسيين

لحد مرجعتهم و خدت فلوسهم و اشتريت اتنين جداد بنفس المبلغ .

نيجى بقى للجد ,, اكبس الاقى تسريب , بلف بايظ اغيرو ,, اكبس الاقى تسريب , كولية بايظ اغيرو .

اكبس الاقى تسريب مفيش غير الكمبوريسور و الشجرة اللى الناس شاكة فيها

للاسف من كتر القرف اللى شوفتو اضريت ( عشان ارضى كل الصناعية اللى شافوها ) انى اجيب شجرة زيرو صينى

- شجرة صينى ب 200 جنية و تم عزلها مرة تانية بالعزل بتاع الشجرة الاولانية و كدة اكون لبست تمن الشجرة الاولانية و الحمد لله

المفروض دلوقتى الدنيا تبقى تمام , يلا نكبس ,, تسريب خفيف .. يبقى مفيش غير الكمبريسور , المهم صليت و اقعد ادعى يكون سليم ,, الواد عمل حركة حلوة اوى عشان نتاكد. خدو بالكووووووووو


طلعنا الكمبريسور برة العربية , ملى جردل مية ,, و كبسو كويس و قام مغرقو كلوة و اتلمينا حوللية .

طلع بقليلة مرة , قالك بايظ ,, قولنا نجرب تانى ,, قعدنا جمبية ربع ساعة مطلعش اى حاجة ,, لحد متاكدنا الحمد لله انو سليم ( اللى الان منعرفش طبعا لما نحطلو فريون اية الى هيحصل ) .

المهم يلا نكبس تانى , بردو تسريب خفيف . بما ان الخراطيم + الكوليهات + الاولسيهات سليمة .

اذنننننننننننننننن انها التلاجة و لحد هنا و استوبببببببببب ,, و قولت اكمل بعد مفوق .


التلاجة تمنها 500 استيراد , المشكلة ان مفيش حد هيرضى يفك التابلوة , عشان تابلوة الاوبل معروف بجبروتة و قوتة .

خدو دة من بق احد الصنايعية ( يا بية انا بفك طابلوة 4 عربيات باسات فى يوم - الاوبل بتاخد لوحدها يوم ) !!!!!!!!!!!!!

الواداللى عملى الشغل الاولانى قالى طريقة حلوة اوى , انو هفتح التلاجة من صدر العربية وهيقطع السربتينة بتاعتها و هى دى اللى بتبقى بايظة اساسا فى التلاجة و هيلحم الجديدة و شكراااااااااا .. طبعا انا روحت سالت البشر كلهم على الحوار دة خصوصا ان الواد اكدلى انو عملها 100 مرة و مفيهاش اى قلق و اريح من فك التابلو طبعا

و لقيت ناس كتر بتحبذ الفكرة دى . المهم انا مريح دلوقتى لانى شوفت ايام سودة من الفطار للسحور و اقف على رجلى دة غير المصاريف

و الاهم من كل دةةةةةةةةةةةةة . الصناعية ولاد ال...

عايز اقولكو ان مفيش حد فى الحرفيين عايز يشتغل فى الاوبل . ولو هيشتغل ,, اقل حاجة عشان يركب سربتينة عايز 200 جنية !!!!!

و الله العظيم تقريبا كنت بدلل و بشحت حد يركبلى !!


قولت انوركو بالحورات دى و اللى لقاء اخر بعد العيد لما يجيلى فلوس ان شاء الله و الصنايعية ينزلو من المصايف بتاعتهم ..

و الحمد لله و كل سنة و انتم طيبين

المشاركة الأصلية كتبت بواسطة momen_omar

ربنا يكون فى عونك و بالنسبة للكمبرسور فيه موضوع عن قلب كمبرسور نوبيرا للكومبرسور بتاعك و لازم تتاكد ان التسريب من التلاجة لان ده حوار ...........زززنفس المشكلة خايف من حوار التكيييف ده انا كبست الدورة كانت سليمة بس مش عارف بقى اه الوضع دلوقتى ربنا معاك وانا متابع http://www.nilemotors.net/nile/300472-b.html

و الله لحد دلوقتى كل الدلايل بنقول التلاجة , انا غيرت كل حاجة معادا الظهر و الكمبريسور و كبسنا كل حاجة .بالنسبة لحوار كباس النوبيرا فاكس , لان دلوقتى الكباس بتاع النوبيرا بيتباع ب 400 =- 450 جنية فى الحرفين , و الاوبل ممكن يخلص على 450 بالعافية . و بعدين نكبس على الارض