السلام عليكم و رحمة الله
الحمد لله الذي بنعمته تتم الصالحات
اخواتي في قسم أوبل .. طبعا انتوا فاكرين من 3 سنين لما انضميت لقسم الأوبل بعربيتي الكورسا سيدان
http://www.nilemotors.net/Nile/123814-a.html
و من ساعتها و انا شايف مشاكلكم مع الفيكترا و اللي عنده العربية بتسخن و اللي عنده ترموستات الكوعه بايظه و اللي عنده التكييف مش شغال .. ده غير الماف و الماب و سنينهم .. فأنا قلت لأ مينفعش الناس تبقى عندها المشاكل دي كلها و انا مش حاسس بيهم .. فقلت لازم اشارككم و أجيب فيكترا زيكم
في ناس خدت بالها اني بقالي فتره كده بسأل كتير على الفيكترا و كنت عملت موضوعين أسأل فيهم عن العربية
http://www.nilemotors.net/Nile/29367...00-2000-a.html
http://www.nilemotors.net/Nile/301230-2000-2003-a.html
و شفت كذا عربية .. لحد ما الحمد لله ربنا ربنا وفقني في واحده بي 2 .. موديل 2002 .. 1600 سي سي .. أتوماتيك .. ربنا يبارك فيها.
هي فيها شوية حاجات بسيطه عاوزه تتعمل .. الايه بي اس منور .. و في لمبه في التابلوه مطفيه .. و الصيانه الدورية بأه .. بس أنا من ساعة ما جبتها مفضيتش أعمل حاجه .. ولا ركبتها كتير أصلا.
و طبعا تاني يوم على طول أخدت الختم المصري .. موتوسيكل لبس فيه من ورا طلع لي الاكصدام من مكانه و خربوش في الباب .. أنا راضي بس ربنا يسترها على كده.
بس و أنا ببيع عربيتي الكورسا اللي كنت بعاملها معاملة واحد من عيالي
http://www.nilemotors.net/Nile/303352-a.html
و أكيد هقرفكوا في الفترة اللي جايا و هطلع عينكم .. ربنا يديم المعروف
المفضلات