كاسيت اللوجان 2013 متشفر وشغال ولا لازم التوكيل ؟

**abo_mahmud** · 07-09-2012 12:26 AM

معايا الكزد وعرفت طريقة إدخال الأرقام . ياريت أضغط على إيه بعد إدخال الأرقام ع الشاشة ؟!
وأشغل البلوتوث ازاى بالموبايل 73إن ؟

**McLaren2012** · 07-09-2012 03:20 AM

الكاسيت متشفر يا جماعة...أنا لسة مستلم اﻷوتو 2013 بالبلوتوث و usb و مرخصتش لسة فمش قادر أروح أجيب الشفرة من التوكيل...بس أنا جربت فيه كل حاجة فى الفترة الصغيرة اللى بيشتغلها قبل ما يفصل و بصراحة رائع بجد حتى ربط الموبايل بالبلوتوث سهل و الصوت نقى للغاية

**McLaren2012** · 07-09-2012 03:30 AM

أ/ أبو محمود..هو حضرتك جبت الكود من التوكيل و لا إزاى؟
عشان تفعل الكود بعد إدخاله مكتوب بالكتالوج بتاعه أنك تضغط رقم 6 فلو صح هيكتبلك كومبليت...بالنسبة للبلوتوث إعمل أكتيفيشن ليه اﻷول على موبايلك و يكون على وضع (ظاهر للجميع)..وإضغط زرار Tel فى الكاسيت و إختار pair device وإضغط ok سيظهر لك أربعة أرقام على الشاشة إعمل نفس الخطوات على موبايلك و لما تلاقى جهاز إسمه my radio ظهر فى قائمة بحث البلوتوث لموبايلك إختاره،،فسيطلب منك إدخال الرقم، أدخل اﻷرقام اللى كتبهالك الكاسيت على الشاشة فسيظر لك الموبايل و الكاسيت رسالة pairing is complete و هتلاقى تفاصيل أكتر عن طريقة اﻹستخدام موجودة بالكتالوج الرمادى بتاع الكاسيت
وألف مبروك و عقبالى لما أعرف الكود بتاعى زيك

**abo_mahmud** · 07-09-2012 03:37 AM

بجد بجد .
جزاك الله خيرا .
شرحك الوافى الجميل .
ياريت تعمل موضوع خاص بيك حول كيفية تشغيل الكاسيت بالبلوتوث واإدخال الكود ليتم تثبيته . تحياتى بدلا من مشوار التوكيل وتضييع الوقت .

**McLaren2012** · 07-09-2012 03:51 AM

المشاركة الأصلية كتبت بواسطة abo_mahmud

بجد بجد .
جزاك الله خيرا .
شرحك الوافى الجميل .
ياريت تعمل موضوع خاص بيك حول كيفية تشغيل الكاسيت بالبلوتوث واإدخال الكود ليتم تثبيته . تحياتى بدلا من مشوار التوكيل وتضييع الوقت .

أنا لسة مش معايا الكود...اللى عملته ده عملته فى الفترة الصغيرة قبل ما يفصل و يطلب الكود تانى...هو حضرتك جبت الكود من التوكيل و لا منين؟ بصراحة مشوار التوكيل عشان الكود ده علقة و عقاب

**akamoshi** · 08-09-2012 04:23 PM

أنا استلمت سانديرو أوتوماتيك 2013 بس مفيهاش بلوتوث ولا يو اس بي ازاى عربيات فيها وعربيات مفيهاش ده تهريج من الشركة بصراحة

**akamoshi** · 08-09-2012 06:24 PM

ممكن بعد اذنكوا يا جماعة اللى معاة الكاسيت اللى فيه بلوتوث و يو اس بى يصوره هو والمالتي اللى فى التارة ويرفعة على المنتدى هنا
وجزاكم الله خيرا

**alaaosmanakl** · 15-09-2012 06:41 PM

يا جماعة علشان تشفير الكاسيت لازم لازم تروح التوكيل
والتوكيل بيرفع رقم الشاسية بالكامل من العربية
وبيعمل بحث عنه في موقع رينو الام .علشان يعرف الكود بتاعك .
وبيقولك اتصل تعرفه تاني يوم .

**McLaren2012** · 16-09-2012 12:51 AM

المشاركة الأصلية كتبت بواسطة alaaosmanakl

يا جماعة علشان تشفير الكاسيت لازم لازم تروح التوكيل
والتوكيل بيرفع رقم الشاسية بالكامل من العربية
وبيعمل بحث عنه في موقع رينو الام .علشان يعرف الكود بتاعك .
وبيقولك اتصل تعرفه تاني يوم .

أنا إشتريتها من السبع و هو موزع معتمد..الحقيقة كان جاى مع العربيات اللى إستلمها السبع ورقة بها أرقام شاسيهات العربية و سريالات الكاسيتات و الكود المطلوب مكتوب بخط اليد و واضح أن دى خدمة بيقدمها السبع و الله أعلم...بس الطريقة المثلى اللى بتحصل فى التوكيل و من غير حجز مسبق هو أنهم بيدخلوا قضبان معدنية رفيعة فى أربعة مداخل فى أركان الكاسيت اﻷربعة..و بيخرج الكاسيت جزئيا للخارج و بتلاقى تيكت عريض عليه أرقام و حروف و بعض مواصفات الكاسيت و بالمناسبة هو ماركة دايو و مصنوع فى كوريا...ده حصل معايا فى السبع أول يوم و بعدين كلمونى و قالولى تعالى السيريال نقلناه غلط...فلما رحتلهم تانى يوم مفكوهوش تانى و شفت معاه الورقة السابق ذكرها فى أول كلامى....