انا احترت الحقونى

**higazyeslam** · 18-08-2012 09:52 PM

انا معايا عربية جيلى صينى مشكلتى معاها انها بتسخن بطريقة غريبة يعنى لما تسيب العربية دايرة وهى واقفة ليوم كامل العربية متسخنش تشتغل المروحة وتبطل عادى وكذلك لما العربية تكون على سرعة ثابتة ولكن المشكلة لما تمشى على الاول والثانى لفترة طويلة تقرب الحرارة للاحمر ومتنزلش الا لما نشغل التكييف ترجع العربية لطبيعتها قلولى اعمل ايه

**hassanin_lada** · 18-08-2012 11:02 PM

غالبا المشكله دي موجوده في اغلب الصيني حتي الاسبرانزا نفس الكلام .. المشكله ان الجو مكتوم ده غير الحر والشمس ... حاول ماتعلبش في العربيه لان هيقعدو يفتو فيها وهتصرف ومش هتلاقي فرق في الاخر

**chiko** · 19-08-2012 04:36 AM

اغسل الرتراتير و كله هيبقي تمام ان شااء الله و خصوصآ من بره اغسله بضغط مايه عالي

**hugan** · 19-08-2012 04:47 AM

المشاركة الأصلية كتبت بواسطة bkaltalamana

غالبا المشكله دي موجوده في اغلب الصيني حتي الاسبرانزا نفس الكلام .. المشكله ان الجو مكتوم ده غير الحر والشمس ... حاول ماتعلبش في العربيه لان هيقعدو يفتو فيها وهتصرف ومش هتلاقي فرق في الاخر

الاسبرانزا مفيهاش اي حاجه من الكلام ده
لصاحب الموضوع روح لكهربائي كويس يراجع علي المراوح والثرموستات
وحد بتاع ردياتير يراجع علي دروه التبريد

**hassanin_lada** · 19-08-2012 12:55 PM

حضرتك سقت اسبرانزا قبل كده عشان تحكم ؟؟ ال 516 واللي اكبر منها جرب كده اعمل مشوار ربع ساعه هتلاقي العربيه جابت النص ويمكن اكتر كمان وتحس العربيه موهوجه من بره .. الكلام ده في عربيات زيرو مالهاش كام شهر وموجود في في موديلات الاسبرانز القديم اول اصدار بمعني اصح

**hassanin_lada** · 19-08-2012 12:58 PM

سوري ماخدش باللي انك ممتلك اسبرانزا :d :d .. بس فعل السخونه دي موجوده في الاسبرانز ممكن تكون حالات خاصه بس انا ركبت عربيتين 516 والاتنين بيسخنو بطريقه فظيعه في الزحمه .. وكنت واقف عند صنيعي قبل كده وجت عربيه اسبرانز الاكبر دي وكان صاحبها بردو بيشتكي من السخونه دي

**ahmedtunning** · 19-08-2012 01:14 PM

بص يا باشا ناخدها بلعقل كده
انت بتقول طووول ما هي وقفه المرواحه بتشتغل وكله تمام
اول ماتمشي تسخن تشغل التكيف تظبط

معني انك تشغل التكيف يبقي المروحه اشتغلت اكيد وثرموثتات الكوعه فاتحت
كيدا يبقي الحل الاتي امشي بيها بالطريقة اللي تخلي الحرارة تعلي وبسرعه انزل بص شوف المروحه شغاله ولا لا

هنقول طلعت شغاله يبقي تروح لكهربائي وقوله يعمل اختبار لثرموثتات الكوعه وانا شكك ان العيب منها وان شاء الله تتحل

**ahmedtunning** · 19-08-2012 01:15 PM

لان من درجة الحرارة العليه الثرموثتات ديه ساعات بتعلق

**hugan** · 19-08-2012 09:21 PM

المشاركة الأصلية كتبت بواسطة bkaltalamana

سوري ماخدش باللي انك ممتلك اسبرانزا :d :d .. بس فعل السخونه دي موجوده في الاسبرانز ممكن تكون حالات خاصه بس انا ركبت عربيتين 516 والاتنين بيسخنو بطريقه فظيعه في الزحمه .. وكنت واقف عند صنيعي قبل كده وجت عربيه اسبرانز الاكبر دي وكان صاحبها بردو بيشتكي من السخونه دي

يعني ايه بيسخنوا بطريقه فظيعه في الزحمه
السخونيه مالهاش غير تفسير واحد وهو ان امبير الحراره يعدي المنتصف والمياه تقارب علي االغليان
ممكن تاخد جوله في قسم الاسبرانزا
مفيش موضوع واحد ان حد اشتكي من سخونيه العربيه ومع التكييف الامبير بينزل تحت المنتصف كمان
ممكن الحالتين اللي حضرتك ذكرتهم يكون العربيات فيها مشاكل زيها زي اي عريبيه
مثلا عربيتي الامبير عدي المنتصف
وكان بسبب الردياتير اتخرم الداير بتاع المراوح عمل تاكل في مواسير المياه وتم تغيير الردياتيير
ومفيش حاجه بعد كده
علي العموم افتح كبوت اي عربيه اي كان نوعها في الصيف
واتفرج علي الصهد اللي خارج منه عامل ازاي

الموضوع: انا احترت الحقونى

LinkBack

أدوات الموضوع

عرض

-

-

-

-

-

المواضيع المتشابهه

الحقونى يا كريستالوية الحقونى يا رجالة المنتدى

احترت

الحقونى انا احترت خلاص

ارجوكم الحقونى العربيه بترعش وبتقطع الحقونى

الحقنى يا باشمهندس طارق.....الحقونى يا لانسروية....الحقونى يا خبرا

الكلمات الدلالية لهذا الموضوع

المفضلات

المفضلات

ضوابط المشاركة