الموضوع: فيرنا 2008 تعبتى

اعتقد لازم تكشف على الشكمان من تحت لان مدام العربية مش بتحسب كويس وزى البطة يبقى العيب من الشكمان وبيبقى فى جلدتين تحت كدة ممكن يكونوا مقطوعين ودول مهمين عشان السحب

دا احد الحلول

بالنسبة للعربية انها واطية .... فانا كانت معايا لما بكون لوحدى مش بتحك فى المطبات اوى انما لو معايا حد خاصة فى الكنبة الى ورا لازم تحك ودا عادى فى الفيرنا

انما كون انها تحك وانتا لوحدك يبقى كدة فى مشكلة عندك

مش فاهم موضوع الجلدتين بتوع الشكمان دول بس يمكن لما اروح الميكانيكى بتاعى يكون عنده فكرة ويعرف يشوف لى حل
اما بالنسبة لموضوع التحميل ورا ده انا فعلا بتخبط منى وهى فاضية مفيهاش حد

انا مش عارف بصراحة لازمتة اية ولا بيتركبوا تحديدا فين بس فى كزا مرة الراجل يقولى الجلدة مقطوعة ويجيب واحدة تانية بحس بفرق رهيب فى سحب العربية !!

انا معايا فيرنا 2008 تقريبا نفس مشاكلك بالنسبة لمشكلة المطبات عندك 5 حلول
1- خد المطب بالجنب
2- ركب صدادات
3- ركب علايات (هتضيع الثبات ) وده حل غير مستحب
4- غير السوست ب سوست الفيرنا الجديدة هي زيادة لفة
5- غير علبة الشكمان بالعلبة الجديدة الصغيرة هاتغير العلبة اللي ورا بس
عايز اقولك العربية بتحك في المطبات و الحفر بطريقة بشعة عندي و العربية واطية بطريقة غير عادي اوطي من اي فيرنا بتقف جنبها بصورة ملحوظة انا مكبر دماغي
بالنسبة لصوت الطقطقة و التكتكة اللي مع الحفر و النقر علي الهادي ده انا عملت فيه بحث و موسوعة وماوصلتش لحاجة و اكتشفت انه في عربيات كتير بأستثناء الالماني و الفرنسي كبر دماغك
بالنسبة للسحب :
خلي بالك مكتوب في الكتالوج و جدول الصيانة السيور علي 60 الف او 3 سنين ايهما اقرب
مغير بوجيهات ؟ وفلتر الهوا ؟ و فلتر البنزين ؟ منضف البوابة و الحساسات ؟ بتغير زيت الموتور كل اد ايه ؟ و الزيت نوعه ايه + النقطة بتاعت جلدة الشكمان زي ما قال virus كل ده ليه علاقة بالسحب

انا سالت فى التوكيل على موضوع علبة الشكمان دى قالوا لى مينفعش علشان العلقات بتاعة الشكمان بتاعى ليها مكان غير العلقات بتاعة الشكمان الصغير فعلشان اغير الشكمان الكبير بواحد صغير هبقى مضطر اغير مكان الكاوتشات دى وقالوا لى مش سهلة خالص فمش عارف بالنسبه للجلدتين اللى قال عليهم الاخ virus انا مش عارف مكانهم او فائدتهم ومحرج اقول للميكانيكى عليهم يضخك عليا
بالنسبه للمطبات اللى بالجنب صعب اوى لان الناس مش بتديك فرصة حتى تتورب ساعة المطب والشوارع بتبقى سريعه والناس معندهاش صبر
بالنسبة للسيور والبوجيهات والتنظيف المفروض ان كل ده تمام خصوصا ان صياناتى كلها جوة التوكيل وفى الميعاد وفعلا موضوع الطقطقة دى محدش عرف ليه حل وشكلى كده مجبر انى اتعود عليه واتعايش معاه

المشاركة الأصلية كتبت بواسطة fahd101

انا سالت فى التوكيل على موضوع علبة الشكمان دى قالوا لى مينفعش علشان العلقات بتاعة الشكمان بتاعى ليها مكان غير العلقات بتاعة الشكمان الصغير فعلشان اغير الشكمان الكبير بواحد صغير هبقى مضطر اغير مكان الكاوتشات دى وقالوا لى مش سهلة خالص فمش عارف

ازاي اذا كان في واحد هنا في المنتدي غيرها قبل كدة بص ممكن يكونو بيقولولك كدة عشان يكبرو دماغهم علبة الشكمان دي بتتباع عند ابو اليزيد في شارع احمد سعيد تقدر تسأل و تسأل اي حد بتاع شكمانات لكن اصل العلاقة في ناحية و الجديدة علاقتها في ناحية تانية الكلام مش داخل دماغي خالص طيب الناس اللي مركبين ديفل العلبة اللي ورا ملزوقة بأمير !!!!!!!!!!!


بالنسبه للجلدتين اللى قال عليهم الاخ virus انا مش عارف مكانهم او فائدتهم ومحرج اقول للميكانيكى عليهم يضخك عليا
بالنسبه للمطبات اللى بالجنب صعب اوى لان الناس مش بتديك فرصة حتى تتورب ساعة المطب والشوارع بتبقى سريعه والناس معندهاش صبر

لا خد المطب بالجنب و سد الشارع محدش هياخد المطب علي 60 او 40


بالنسبة للسيور والبوجيهات والتنظيف المفروض ان كل ده تمام خصوصا ان صياناتى كلها جوة التوكيل وفى الميعاد وفعلا موضوع الطقطقة دى محدش عرف ليه حل وشكلى كده مجبر انى اتعود عليه واتعايش معاه

تمام كدة بالنسبة لمشكلة السحب عندي نفس المشكلة تدوس بنزين بعد ثانيتين العربية تجمع

الى يعرف موضوع الجلدة دا بسهولة هو الراجل بتاع الشكمانات انتا حتقولوا الجلدة وهو حيفهم على طول :)