منكم لله..سخنتوني...انا شكلي كده هجيب سيراتو

**wildeagle** · 29-06-2008 01:42 PM

الف مبروك مقدماً على السيارة ، هي عربية تحفة بجد و على فكرة في لون جديد شامبين (دهبي) جميل جداً ما بيبانش فيه التراب و لا الخدوش وعامة الف مبروك مرة اخرى ، عربية فلوسها فيها

**slayer** · 29-06-2008 04:03 PM

بس مفيهاش ستيبترونك
و على فكره مش اوسع ولا حاجه
بس الانتيريور احلى فى الالنترا لكن صاج السيراتو اقوى

**waelragab2001** · 30-06-2008 01:13 PM

المشاركة الأصلية كتبت بواسطة slayer

بص يا سيدى مبدئيا مش هتندم انك جبت سيراتو ابدا
الالوان الاحلى فيها النبيتى و السماوى من وجهة نظرى
و بلاش الاسود و الكحلى

والله يا سايلر انا مشفتش لسه الوانها كلها.. بس اللي شوفتوا وعجبني فيها اوي هو النبيتي..وربنا يسهل ان شاء الله..

**waelragab2001** · 30-06-2008 01:20 PM

المشاركة الأصلية كتبت بواسطة fahd_628

الف مبرووووووووووووك مقدما يا باشا

بالنسبة للميجان على فكرة مفيهاش حاجة والله العظيم دية اشاعات

بس فعلا قطع الغيار مش رخيصة

بالنسبة للسيراتو انا رأى ان الألوان السماوى و النبيتى و الفضى

الأسود جميل بس لازم تنضفة كتييييييييييييييييييييييي يييييييييير جدا جدا جدا و بيترب بسرعة

والله هي الميجان حلوه جدا" يا فهد..بس غاليه عليا قوي..وفي نفس الوقت انا سمعت عن مشكله الكويل فيها

..وبمنتهي الامانه انا مش فاضي كل شويه اروح واجي علي تصليح العربيه..
الفضي انا زهقت منه..لان عربيتي برده فضي..
وشكرا" علي مشاركتك يا جميل..
ايه؟ لسه مصمم علي الجين 2؟ ولا غيرت رايك؟؟

**waelragab2001** · 30-06-2008 01:25 PM

المشاركة الأصلية كتبت بواسطة Abohmaid

اجمل الالوان النبيتى والسماوى انا معايا السماوى بس لو كنت لقيت النبيتى كنت شبطت فية على طول

الف مبروك مقدما وناوى تجيب انهى فئة...

الاسود onna كرهتني فيه :-))) انا بهزر.. بس انا مقيم حاليا" في شرم والجو حر جدا" فهحاول ابعد بقدر الامكان عن الغوامق..
ان شاء الله ناوي علي التيب ترونيك فول اوبشن..فاتحه السقف مش مهمه اوي ولا ايه؟؟

**waelragab2001** · 30-06-2008 01:36 PM

المشاركة الأصلية كتبت بواسطة Noha-M

مبروووووووووك مقدمااااا :)

عربية فعلا زى ما بيقولو فلوسها فيها

بس بجد بجد بجد ابعد عن الاسود لو انت موسوس و متعرفش تتحكم فى اعصابك زيي عشان انا بتجنن من شوية تراب لو لقيتهم على العربية

احلى الوان فة نظرى و لو رجع بيه الزمن كنت جيبتهم النبيتي و طبعا فرش و تابلوه بيج و اللبني السماوى دي برضه حلو مووت

ابعد طبعاااااااااا عن الاسود و الكحلى و الاحمر مستفز شوية علي السيراتو

اديني قلت و بريت ذمتى عشان مترجعش تقووول دبيستك فى لون وحش

بجد بجد لازم تبقي مقتنع مليون فى المية لانه انا بجد الموضوع افوار منى و بفكر ابيع خلاص و اجيب لون تانى

موضوع التراب ده مش فارق معايه قوي..

بصي انا هقولك حاجه..موضوع المليون في الميه ده مش موجود..لو انت حتي راكبه مرسيدس اس كلاس برده هيبقي نفسك تبيعيها وتركبي حاجه احسن.. دي طبيعه بشريه..فاستهدي بالله كده وفكري..
وعلي فكره موضوع التراب ده هيبقي في اي لون..لاني انت في مصر المحروسه..فاهدي كده وركزي وفكري بالراحه.. ده غير ان اللون الاسود برده برستيج جامد..يعني دوريليك علي نسر وحطي علي النمر مع اللون الاسود ومع "ملاكي حلوان 1":-)))) وانت هتبقي امن دوله علي طول..
وبرده دمي في رقبتك... اوونا الراعي الرسمي للسيراتو في نايل موتورز.. يا تري مين وراها...:arghh::embarrassed2:

**waelragab2001** · 30-06-2008 01:51 PM

المشاركة الأصلية كتبت بواسطة dr.amr

طيب ماتجرب الانترا اشد
اوسع و شنطه اكبر
ونفس الموتور وفراملها توقف العربيه لو مقفل العداد في ثواني
وعموما النبيتي احلي لون في العربيات

والله يا دكتور كانت في دماغي ومقتنع بيها الي حد كبير..بس واحد صاحبي قالي معاه الالنترا قالي كلمه خلتني افكر قالي" ده هابله جري" كان يقصد بيها طبعا" موضوع السيفتي..
بص. انا حاولت اعمل مقارنه بينهم علي ادي وعلي اد معرفتي المتواضعه جدا":
الالنترا احلي في الشكل والانتيرور ده بالاضافه لوجود الاير باج (الله اعلم بقي هتفتح وقت ماتحتاجها ولا لا)..
الماتور واحد تقريبا"..والكفاءه برده واحد تقريبا"
السيراتو احسن في الصاج..والانحناءات علي الابواب والرفارف محمله يعني سهله تتلم لو لا قدر الله حصل حاجه.السيراتو احسن في التوكيل.فهمني. التوكيل..تامين االابواب للركاب افضل في حاله الحوادث لا قدر الله ده بالضافه للفتيس التيبترونيك..وكمان اعتقد ان قطع غيارها ارخص..
ولو حد يقدر يفيدنا في موضوع المقارنه ده يبقي كتر خيره..
ملحوظه.انا مركبتش الالنترا الشيب الجديد وبالتالي المقارنه دي سماعي او من خلال البورشورات..

**dr.amr** · 02-07-2008 02:19 AM

المشاركة الأصلية كتبت بواسطة waelragab2001

والله يا دكتور كانت في دماغي ومقتنع بيها الي حد كبير..بس واحد صاحبي قالي معاه الالنترا قالي كلمه خلتني افكر قالي" ده هابله جري" كان يقصد بيها طبعا" موضوع السيفتي..
بص. انا حاولت اعمل مقارنه بينهم علي ادي وعلي اد معرفتي المتواضعه جدا":
الالنترا احلي في الشكل والانتيرور ده بالاضافه لوجود الاير باج (الله اعلم بقي هتفتح وقت ماتحتاجها ولا لا)..
الماتور واحد تقريبا"..والكفاءه برده واحد تقريبا"
السيراتو احسن في الصاج..والانحناءات علي الابواب والرفارف محمله يعني سهله تتلم لو لا قدر الله حصل حاجه.السيراتو احسن في التوكيل.فهمني. التوكيل..تامين االابواب للركاب افضل في حاله الحوادث لا قدر الله ده بالضافه للفتيس التيبترونيك..وكمان اعتقد ان قطع غيارها ارخص..
ولو حد يقدر يفيدنا في موضوع المقارنه ده يبقي كتر خيره..
ملحوظه.انا مركبتش الالنترا الشيب الجديد وبالتالي المقارنه دي سماعي او من خلال البورشورات..

نصيحه لو تعرف تجرب الالنترا جربها مش هتندم
وبعد كده قرر
انامبقولش السيراتو وحشه بس فعلا الالنترا شد