عربيتى ......... حكايات حكايات حكايات

**kahk2008** · 19-08-2012 05:20 AM

من غير تطويل وقصص انتو عارفينها كتير بس انا حابب انقل تجربة يمكن حد يستفيد منها

ليلة اول يوم فى رمضان راجع من القاهرة لبنها وعلى الطريق الزراعى وقبل بنها بحوالى 5 كيلو فجأة لاقيت العربية طالع منها دخان من الهوايات ركنت وبفتح الكبوت لاقيت دخان جامد من الماتور واكتشفت ان مفيش نقطة مياه فى القربة والحرارة رفعت وانا مخدتش بالى علشان كنت مركز فى الجرى وعايز اروح بدرى

المهم العربية طبعا كانت اتبهدلت والراديتير بقى فيه شرخ كبيييييييييييير سحبت العربية لبنها وتانى يوم غيرته ورحت لميكانيكى علسان اتطمئن على وش السلندر قالى تمام ( الله يسامحه )

العربية طول الشهر تقريبا مش مظبوطة تخنق شوية تتقل شوية سحب غريب ؟؟!!!!!!! المهم فى اخر الشهر يوم الاربعاء اللى فات نفس الطريق حصل نفس اللى حصل بس المرة دى بقى انا كنت مركز مع الحرارة ومشيك على المياه قبل ما اتحرك لاقيت وانا بفتح الكبوت دخان كثيف جدا أكتر من الاول وفوران رهيب فى القربة قلت شكرا ................ اسحب العربية على بنها رحت لواحد تانى قالى 90% وش سلندر واحتمال عمود كامة الصبح لما افتح هاقولك ............. طب ده بكام وده بكام قالى لو وش لوحده ب 1600 ولو بكامة 2400 ده غير شبكة المياه

الصبح كلمته خير قالى وش بس من غير العمود والشبكة تتغير وكذلك القربة ................. طب يا سيدى ما نخرط ونركب 2 جوان قالى هاتتعبك علشان الوش متبهدل من جوه

طب غير بقى علشان مفيش حل تانى خدتها الخميس بليل ووقفت الليلة على 2400 جندى

يارب الناس تأخذ باله من الموضوع ده كويس قووووى

**wama00** · 19-08-2012 08:13 AM

بجد العربية ديه بقت مقرفة اوووووى مفيش واحد مش بيشتكى منها حتى اللى محافظ عليهاو بيعمل صيانتها فى الميعاد برضة مش سالم

**abdo7000** · 19-08-2012 09:08 AM

فعلا موضع درجة الحرارة مهم جداااااااااااااا

**فتح الباب** · 19-08-2012 09:36 AM

ليه ما حططش كمان 2000 جنيه على المبلغ ده وجبت موتور استيراد

**lenasam** · 19-08-2012 09:58 AM

الحمد لله

**kahk2008** · 21-08-2012 03:29 AM

المشاركة الأصلية كتبت بواسطة wama00

بجد العربية ديه بقت مقرفة اوووووى مفيش واحد مش بيشتكى منها حتى اللى محافظ عليهاو بيعمل صيانتها فى الميعاد برضة مش سالم

رغم كده بس اللى معاه العربية دى لما بتبقى مظبوطة وهو راكبها بيحس انه راكب بى ام ( بتحصل معى ) بس لما تقلب وده العادى بتاعها يببقى عايز يبوسها ويحطها جنب الحيط

المشاركة الأصلية كتبت بواسطة abdo7000

فعلا موضع درجة الحرارة مهم جداااااااااااااا

جدا جدا جدا

المشاركة الأصلية كتبت بواسطة فتح الباب

ليه ما حططش كمان 2000 جنيه على المبلغ ده وجبت موتور استيراد

اعتقد اكثر من كده بشوية حسب علمى

المشاركة الأصلية كتبت بواسطة lenasam

الحمد لله

**احمد فهمى** · 21-08-2012 04:42 AM

قدر الله وما شاء فعل هو طبعاً الموضوع مش صيانات وبس لا فى حاجه اسمها عمر افتراضى يعنى القربه والخراطيم عمرهم لا يتعدى ١٠ سنين او ٢٠٠٠ الف كيلو ومعظم الاوبل جاب وش سلندر بسبب خرطوم مياه ضرب او جنب الًريداتير الفبر او القربه فكل حاجه لها عمر لازم تتغير حتى لو لسه شغاله