كل عام وحضراتكم جميعا بخير
وعيد سعيد علينا جميعا
عربيتي ابيزا 2001 وكنت شاريها متسقطلها موتور بتاع اوكتافيا 1800 سي سي
المهم حصلت برجله ف المكنه وصوتها علي والعربيه ادائها مكنش عاجبني
المهم ولاد الحلال نصحوني بميكانيكي محترف وقالولي هايظبطلك الدنيا
روحتله كشف ع العربيه بالجهاز وقالي عليك وعلي الكهربائي اللي مسقط المكنه دي لان الجهاز قاري 12 ايرور ف حساسات وانا مش عارف العربيه ماشيه ازاي اصلا....
طبعا بما اني ماعرفش مين مسقط المكنه فولاد الحلال برضه دلوني على كهربائي محترف برضه
روحتله بقي وكشف ع العربيه بالجهاز طلع نفس الايرورز وقالي سيبهالي وتعالي بكره
المهم يومين وروحتله قالي الاتي :
اللي سقط الموتور سقط موتور بس..... من غير كارته ومن غير ضفيره وان اللي مسقط الموتور حمار ومابيفهمش لانه عامل توصيلات بالهبل ف الضفيره وفيه فيش كتير مافيهاش حسساسات تركب فيها لان الضفيره مش بتاعة المكنه...
قولتله ياعم العربيه معايا بقالها سنه ونص على وضعها دا وزي الفل وسحب ممتاز وبكسر بيها ال 160 كيلو ومافيش غير البرجله اللي حاصله ف الكام يوم اللي فاتو دول...
قالي ماهو كده المكنه في مراحلها الاخيره وتوقع انها تقف منك ف اي لحظه
طبعا البوق الاخير دا رعبني لاني دائم السفر بالعربيه ومعايا مراتي وابني وكابوس حياتي ان العربيه تقف بينا وخصوصا بالليل
وطبعا لاني مقتنع كمان ان الحساسات الملغيه دي مؤثره على اداء العربيه وانها لو كانت موجوده كان الاداء هايبقي اعلي
فانا قررت اني اشتري موتور جديد بالكارته والضفيره والفتيس واركبه واشتري دماغي وابقي مطمن وانا ماشي بالعربيه......
فيه واحد حبيبي ف دسوق بيجيب حجات استيراد... المهم ماكدبتش خبر وسافرتله
لاقيت عنده 3 عربيات جولف 4 متقطعين وفيهم مكنهم بسم الله ماشاء الله
لاقيت التلاته كالتالي ( واحد 1600 - وواحد 1800 ودا لاقيته اخو موتوري القديم - وواحد 2000)
انا اخترت ال 1600 رغم ان خايف ان السرعه اللي متعود عليها مالقيهاش ف الموتور دا بس بصراحه ال 1800 عايزله بنزينه تمشي جمبه
السؤال بقي اللي انا بساله هنا :: هل المواتير دي تركب عندي ولا لا ؟ بكارته وضفيره وفتيس ؟
رغم انه كان راكبلها واحد 1800 زي اللي كان موجود ف واحده من العربيات دي بس انا مش مطمن برضه وعايز اعرف ينفع يركبلها ولا ايه ؟؟ لان الراجل دا عامل معايا واجب جامد جدا ف السعر ومش عايز اضيع عليا الفرصه
منتظر رأي الخبراء ورأي مهندس ايهاب ومهندس سيد
المفضلات