الموضوع: الحقوووووووني مفتاح النور العالي والواطي باظ

المشاركة الأصلية كتبت بواسطة Karim Ibiza

والله ياخويا مصطفي انا مغيرتوش قبل كده بس هتلاقيه في رنج ال 50 أو ال 100
بس قبل ماتغيره شوف الفيوز أو السبب اللي خلاه يبوظ عشان ما يضربش الجديد

بالظبط كدة
احد اهم الأسباب لشياط ذراع النور - حمل اللمبات لو غيرتها وسيبت الكتاوت زي ما هي
وبالتالي طالما اللمبات علي قديمه - يبقي تشوف الفيوز بتاع الheadlights اكيد اكتر من المسموح بيه او اللي المفرض تركبه
غالبا فيوز اللمبات بيبقي 10 أمبير - ممكن تشوف امبيره علي غطاء علبة الفيوزات
وبردو اكشف علي الكتاوت بتاعة النور

اكيد كنت بتعمل كهرباء او انذار والكهربائي الناصح ركبلك فيوز اعلي - دي فتيه من فتياتهم ان الفيوز كل ما كان امبيره عالي (هو طبعا مش فاهم الأمبير وحدة قياس ايه) كل ما كان عالي كل ما كان احسن وما يسيحش بسرعة

راجع الفيوزات كلها بالمرة

الذراع استيراد هتلاقيه في حدود 150 جنيه - وممكن تجيب ذراع المساحات مع النور ومفتاح الأنتظار كلهم ب 200-250 وخلي اللي عندك احتياطي

تحياتي

والله المستعان
،ـ
،