يعنى ايه العربية متلتة ؟؟؟

**kahk2008** · 20-08-2012 04:14 PM

المشاركة الأصلية كتبت بواسطة amrgamal1

متلته يعني شغاله علي 3 بوجيهات بس مش 4
فيها بوجيه بايظ او السلك بتاعه بايظ او مش راكب كويس او وش السلندر فيه حاجه

المشاركة الأصلية كتبت بواسطة mohammedaladel

على حد علمى إن 3 اسطوانات بس شغالين والرابعة فاصلة عشان البوجيه مش شغال فوقيها عندى مثلا فى الميجان بيبقى بسبب الكويل اللى رايح للبوجيه كان بيبوظ أو ممكن يكون البوجيه نفسه بايظ والله أعلم

المشاركة الأصلية كتبت بواسطة amrgamal1

3 بوجيهات بس اللي شغالين .. يعني 3 غرف حرق بس اللي شغالين
فيه سلندر مش شغال .. يعني 3 سلندر بس والرابع مش شغال = متلته

الف شكر على المعلومة بخصوص موضوع البوجيهات دى جديدة عليا

بس انا حاسس ان الموضوع مش كده

المشاركة الأصلية كتبت بواسطة hellboy

تمام..
اللي يوقف عمل السلندر الرابع حجات كتير....
سلك بوجيه-اسبراتير(شاكوش-لوامس الوش النحاس)-البوجيه نفسه-وممكن داخليا بييجي عليه زيت وهتعرف ده لما تفكه
كلام الميكانيكي اشتغاله طبعا وجهل لان لو حساس الهوا اللي قصده عليه بايظ هياثر علي ال4 بوجيهات مش واحد بس ولو طرمبه البنزين ضعيفه برده هياثر علي الموتور كله وهتتاخر في الدواره الصبح ودي سهل الكشف عليها علشان نعرف الفلو رايت بتاعها

المشكلة ان انى حاسس كأن العربية مخنوقة وصوتها عالى قوى كأن الشكمان مخروووم ولما بزود بنزين على السلانسيه فى دخان اسود بيطلع من الشكمان انا حاسس انها طرمبة بنزين

المشاركة الأصلية كتبت بواسطة mohammedaladel

طيب فى الحالة دى طبعا الرشاش بيرش بنزين فوق السلندر اللى مش شغال والبنزين مش بيتحرق فى الحالة دى طيب البنزين بيروح فين ؟ يعنى البنزين دا بيخرج مع العادم ؟ ولا العربية بتحس إن مفيش احتراق فالرشاش بيوقف الحقن لو العربية حقن إلكترونى ؟؟؟

المشاركة الأصلية كتبت بواسطة hellboy

لو الرشاش شغال والبستم قاطع يبقي البنزين هيخرج مع الاجسوست
وممكن يكون الرشاش نفسه هو اللي عطلان ويبقي البوجيه هيكهرب ع الفاضي

الكلام ده كبير عليا بصراحة :)

المشاركة الأصلية كتبت بواسطة amrgamal1

استاذ فادي .. ازاي اكشف علي طرمبة البنزين انها كويسه ولا ضعيفه ؟
انا عندي الطلعه بطيئه وشاكك فيها بس عايز اكشف عليها الاول

انا برده شاكك فيها عندى

**kahk2008** · 20-08-2012 04:19 PM

المشاركة الأصلية كتبت بواسطة hellboy

ازيك يا عمرو كل سنه وانت بخير
-طرمبه البنزين تبان قوي اثناء الدواره الصبح لو بتاخد وقت في الدواره
خلي حد يدورلك العربيه وارفع الكنبه الخلفيه وحط ودنك صوت الطرمبه (ززززززززززز)
لو مابتسمعوش من اول تكه مارش تبقي الطرمبه بتركن
-انما الطرمبه لو حضرت بنزين واشتغلت خلاص مش هتاثر علي طلعه العربيه
-في حاجه كمان ممكن تك الخرطوم اللي جايب بنزين وداخل ع مسطره الرشاشات وحد يساعدك بسنه مارش وتشوف ضغط الطرمبه حلو ولا ضعيف وطبعا هتجمع البنزين اللي ينزل في حاجه علشان الامان ..ربنا يوفقك ,تحياتي

معلش ياباشا استحملنى

انا عندى الدوارة بتتأخر بس مش كتير وصوت الدوارة مش طبيعى يعنى وهي بتلقط بس صوت كأن حاجة مخنوقة وفكت فجاة والعربية صوتها عامل كأن الشكمان مخنوووق او مخرووم وسحب العربية على الاول والتانى مخنوووق جدا بس لو بجرى بتبقى عادى مع استمرار الصوت ولما بدوس بنزين على السلانسيه بيطلع دخان اسود من الشكمان

مرة فكيت الطرمبة بتاعت البنزين وجبت سنة مارش لاقيت خرطوم واحد بس اللى بيطلع بنزين والتانى لا

ممكن يكون ده ليه علاقة ؟؟؟؟

**فادى محمد** · 20-08-2012 07:54 PM

-اللي عندك ده اعراض ضعف في حساس الهوا مش عارف عندك هيبقي ماف ولا ماب؟
صعوبه في الدواره+دخان اسود ع السرعات القليله فقط +برجله في الموتور
-مالوش دعوه برداخ البنزين ولو الدخنه السوده مستمره علي كل السرعات مش السلانسيه فقط يبقي حساس الكولانت ,ممكن كاجراء وقائي تفكه وتصنفر طرفه النحاس بحته سلك المونيوم وتنظف فيشته بالاكاي سبراي

**kahk2008** · 21-08-2012 03:14 AM

المشاركة الأصلية كتبت بواسطة hellboy

-اللي عندك ده اعراض ضعف في حساس الهوا مش عارف عندك هيبقي ماف ولا ماب؟
صعوبه في الدواره+دخان اسود ع السرعات القليله فقط +برجله في الموتور
-مالوش دعوه برداخ البنزين ولو الدخنه السوده مستمره علي كل السرعات مش السلانسيه فقط يبقي حساس الكولانت ,ممكن كاجراء وقائي تفكه وتصنفر طرفه النحاس بحته سلك المونيوم وتنظف فيشته بالاكاي سبراي

الف شكر ياباشا على الرد

وفعلا انا حصرت المشكلة دلوقتى فى حساس الهواء اللى هوا سعره حوالى 450 جنيه زى البيه ما قالى لى

انا عايز انظفه اخى هل فكه وتركيبه عادى ولا فيه مشكلة لازم اخد بالى منها ؟؟؟

النهاردة انا حركته شوية كده لاقيت العربية ظبطت فممكن تكون فيشة مهزوزة او حاجة ؟؟؟

مرفق صورة لصورته علشان اتاكد ان انا بتكلم عن الحساس الصح ( الاسهم الحمراء )

وبرده لاحظت وانا بعمل كده انا فى مكان فيه شرخ بين الحساس ده وبين فلتر الهواء ( الدائرة الحمراء ) ممكن اعمله مثلا بأمير

[IMG]

[/IMG]

**wama00** · 22-08-2012 03:54 AM

سؤال بقى , هل الجزء المشار اليه فى الصورة باللاسهم اسمة ماف ولا ماب؟؟؟ مع العلم ان العربية 2000 سى سى اوتوماتيك,,,,, وهل ليه بديل من الدايو او اى ماركة تانية علشان سعرة غالى لو اوبل.

**elewey** · 22-08-2012 06:53 AM

المشاركة الأصلية كتبت بواسطة wama00

سؤال بقى , هل الجزء المشار اليه فى الصورة باللاسهم اسمة ماف ولا ماب؟؟؟ مع العلم ان العربية 2000 سى سى اوتوماتيك,,,,, وهل ليه بديل من الدايو او اى ماركة تانية علشان سعرة غالى لو اوبل.

دة الماف يا باشا و خلى بالك زعلة وحش اوى دة و مكلف

**kahk2008** · 22-08-2012 12:37 PM

المشاركة الأصلية كتبت بواسطة wama00

سؤال بقى , هل الجزء المشار اليه فى الصورة باللاسهم اسمة ماف ولا ماب؟؟؟ مع العلم ان العربية 2000 سى سى اوتوماتيك,,,,, وهل ليه بديل من الدايو او اى ماركة تانية علشان سعرة غالى لو اوبل.

نفس الاستفسار تقريبا وهل يمكن تنظيفه او اصلاحه ؟؟؟؟؟

**فادى محمد** · 22-08-2012 02:10 PM

اللي في الصوره ده ماف طالما راكب علطول علي خرطوم فلتر الهوا انما لو في صدر العربيه وخارج منه خرطوم رفيع وفيشه يبقي ماب
-خلينا نبدا من السهل للاصعب...
-طبعا الشرخ اللي في الخرطوم هيدخل كميه هوا زياده ويبرجل البيانات اللي راحه للكونترول عن طريق الماف
-مبدئيا فك خرطوم الهوا نظف مكان الشرخ كويس والحمه باي ماده تشوفها فعاله
-فك فيشه الحساس ورشها اكاي سبراي واتاكد ان السوكت بتاعها محكم
-بعد كده لو العربيه ماظبطتش ابدا فك الحساس ونظفه
-هيتفك هتلاقي جنب ناحيه الفلتر فيه زي شبكه او مصفه علشان شوائب الهوا وتحتها فتحه صغيره لدخول الهوا للبورده والاجزاء الكهربيه ودي الفتحه اللي هترش منها المنظف ولكن ماتلمسش اي من المكونات الداخليه بشاليموه السبراي
-تستخدم سي ار سي سبراي او منظف الكترونيات اللي بيبقي مكتوب عليه 90 اوعي تستخدم منظف كربراتير لانه حامي جدا
-خليك حذر لان زي مازميلنا قال ان الماف زعله وحش

-

-

الموضوع: يعنى ايه العربية متلتة ؟؟؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

العربية متلتة والشكمان جاب بنزين

ازاى اعرف العربية متلتة ولا لأ ؟

العربية كانت متلتة

انتشار العربية يعنى ان العربية ذات اداء كويس و تستحمل و لا الشعب مبيفهمش حاجة ؟

العربية متلتة

الكلمات الدلالية لهذا الموضوع

المفضلات

المفضلات

ضوابط المشاركة