هوندا سيتى مستعمل 2009 ولأ رينو لوجان زيروووو2013

**Y a r i s** · 27-08-2012 03:42 PM

المشاركة الأصلية كتبت بواسطة ibrahim88

انا عمال اسمع عيوب وهمية للوجان اللى عايز يعرف عيوب العربية هيلاقى مليون تقرير محترم لمجلات اوروبية مغرقة النت
و كللو اجمع انها قيمة كويسة مقابل الفلوس و دى من العربيات النادرة فى مصر اللى يتقال عليها كدة
مع احترامى للياريس و السيتى سعرهم مبالغ فيه جدا مع العلم انهم مش بينزلوا اصلا فى بلاد كتير جدااااا و الياريس دى مركبهاش لو ببلاش عشان دى عربية ورق و لا داعى للتحدث عن الثبات ولا الشكل (مع احترامى لموتورها فقط)

ههههههههههههههه
والله دحكتني ياباشا فعلاً العربية اليارس. عربيات ورق تصدق من كتر ماهي ورقه تلاقي العيال ماشين في الشارع يشخبطوا عليها بالمفاتيح والمسامير ويعملك خط كده من اول العربية. لاخروا ههههههه

باشا. هو حضرتك مش معاك لوجن. شوف اي عربية يارس ورق. تعجبك في الشارع. واطلب من صاحبها تفتح الباب بتعها وتقفلوا بس. وانتا هتعرف نوعية الورقه الي بتتكلم عنها مع العلم ان باب اللوجن ب ٢٧٥٠ جنية. وباب. اليارس تمنوا ٢٧٥٠ جنيه .... المرايا الجانبية شوف بتاعت اليارس عامله ازاي بسم الله مشاء الله .... بسم الله مشاء الله والله اكبر. وشوف المرايا بتاعت الووجن بكام ان مضربتش كف على كف يبقى بحق يا اخي بلاش تعاله اربط الحزام الامان في اليارس بسم الله مشاء الله. وتعاله اربط حزام شنطة المدرسة في اللوجن .... اما بالنسبة للثبات معاك حق اليارس مش ثابته خالص لان تصميمها من بعيد تصميمها البشع على شكل صابونة. فا. او صابونة كامية من امو ريحة. او صابونة زيست بالعسل والليمون والنعناع . فشكل الصابونة ده غير انسيابي بالمره ومبيخلهاش ثابته خالص لاكن اللوجن شكل وتصميم الصندوق المربع بيديها ثبات فوووق الوصف

**Y a r i s** · 27-08-2012 04:06 PM

انا كل الي عاوز اقولوا ايه
لا لوجن ولا يارس ولا بطيخ. مبسمر
انا عاوز اقولكم يا أخواني. صاحب القرش صيااااااااااااااااااااااا اااااااااااد
يصطاد اي حاجة نفسوا فيها ويا اخي بالقرشين الي هتدفعهم في عربية مش معروف منين قرعة ابوها .... ومش باين لها ملامح بالفلوس دي هاتلك رينو ميجان اتوماتيك وسقفها بانوراما لو حبيت استنضفلك حاجة نضيفه كدة ، يا أخي يا أخي يا أخي مدام انتا كيف فرنساوي بالفلوس الي هترميها دي هتلك عربية بيجو ٣٠٧ ٢٠٠٧ او ٢٠٠٨ فتحت سقف واتوماتيك. وفرش جلد الاصلي بتاع بلدها وجنوط الفبريكة ولا هتقلي البيجو ٣٠٧ يييييع كخه وشكلها وحش كمان ، فشايف قد ايه الدنيا حلوة والمستقبل قدامك والسوق مفتوح قدامك. والاختيارات كتيرة. .... فمبعرفش انا ليه الناس زنقه نفسها في نظرة محودة للعربيات يا لوجن يا لانوس يا فيرنا يا عربية صيني . والاربعه ازبل من بعض وكلهم عيوووووووووب .

الدنيا واسعه قدامك والسوق مفتوووووح. انطلق يا اخي ولف واصطاد عربية حلوة. خايف من ايه
الله هو انتا هتعيش كام مرة ولا هتركب كام مره .... العمر قصيررررر. ان مكنتش تستمتع بالاختيارات المتاحه
هتستمتع وتنبسط ايمتى .... وبلاش يارس لانها عربية ورق. وتصميمها وحش عربيات الدنيا كلها قدامك اختار الاجود والاحسن والافضل. والي هتستمتع كده وانتا راكبها .... وحاجة كده بريستيج

@@@@@@@@@@@@

وابسط مثال انا كان معايا لوجن ٢٠١١ وعمي معاه بيجو ٤٠٥ في الالفينات.
والاتنين ١٦٠٠ والاتنين فرنساوي. شوف الفرق يا اخي في الثبات في السرعه. في الجودة والخامات عمي كان بيطير بسم الله مشاء الله على الصحراوي وانا لسه بقول يا هادي يالله يا حبيبتي شهلي شوية ده كفاية بسم الله مشاء الله الكنبة عندو قد ايه واسعه ورى ولا القعدة. ركوبة بجد مش كراسي القهوة الي حطينلهالن في اللوجن .... انا ليه اجيب عربية فيها ريحة الفرنساوي طيب ما اركب عربية فرنساوي فرنساوي ..... السوق قدامك يا كبيرررررررر انطلق واستمتع وجرب روح المغامرة وهاتلك عربية عليها القيمة تحس فعلاً انك راكب عربية. مش راكب حتت صفيحة بالاسم عربية مع احترامي الكامل لعشاق اللوجن. ( مجرد رأي ) وتحياتي

**Y a r i s** · 27-08-2012 06:40 PM

صحيح يا ابراهيم باشا انا اكتر حاجة تغيظني الناس الي حطه الاكصدام بتاع العربية على الكنبة كزا مره اشوفها ... ومره شفت بنت ماشية بعربية يارس والاكصدام نصوا طاير في الهوى وعلى زحمة المحور قلتلها بعد ئزنك ثواني وقمت كبسهولها بايديا كده ورجع زي الفل.

ومراتي بقه اجارك الله مخليصتش منها .... انتا مالك. ومال اهلك بيها. قلبك حنين قوووووي يا خويا. .... قلتلها ياستي الناس للناس وصعبان عليا اشوف الاكصدام كده طاير في الهوى كده هيبوز. ومراتي : وانتا مالك يبووز. ولا حتى يتكسر. ومخليصتش منها غير لمن قلتلهاطيب انزل اخلعهولك علشان ترتاحي ههههههههههه.

تويوتا عملت الاكصدمات دي مجرد حلية لشكل العربية يعني في الحوادث لاقدر الله. بتبقى بتتفرتك الاكصدمات دي وبتبقى زي. ماصة لقوة التصادم والاكصدام كلو على بعضو ب ٣٨٠ جنيه استثماري وب ١٠٠٠ جنية الاصلي . بس مساميروا غاليه بصراحة جداً جداً جداً. المسمار بخمسة جنيه وهما ست مسامير يعني بتلاتيييييييييييييييييييي يين (٣٠) جنيه مسامير الاكصدام شايف الافترى

فعيوب اليارس ساعتك ممكن نقول اكصدمات حلية
عيوب اليارس اصوانت الدبرياج بتستهلك كل ٥٠.٠٠٠ كيلوا او على حسب الاستخدام
زرار. الانتظار السوسته بتاعتوا ضعيفه
بعض الموديلات بيبقى في عيب في كورسي السواق بيزيق في الشتا
وفي ناس بتقولك ان العدادات في النص ده عيب لان الي جمبك والي قاعد ورى هيراقب السرعه وكل شوية يقلولك هدي شوي او شد شوية ههههههههه تقلش الواحد بيقعد يزاكر في العدادت ومحتاج انها تكون قدام منو علشان يركز
عيوب اليارس. فلتر الزيت مستخبي تحت المتور
اذا شايف العيوب دي خطيرة بلاش منها وهاتلك لوجن ههههههههههههههه وتحياتي

**Ahmed Selim** · 27-08-2012 08:26 PM

المشاركة الأصلية كتبت بواسطة y a r i s

[color="انا ليه اجيب عربية فيها ريحة الفرنساوي طيب ما اركب عربية فرنساوي فرنساوي [/color]

بنفس المنطق
يجيب ليه عربية فيها ريحة الياباني و هي تايلاندي ؟ ما يجيب عربية ياباني ياباني

يجيب ليه عربية فيها ريحة الياباني و هي مصري ؟ ما يجيب عربية ياباني ياباني

يجيب ليه عربية فيها ريحة الياباني و هي جنوب أفريقي ؟ ما يجيب عربية ياباني ياباني

**Y a r i s** · 28-08-2012 01:24 AM

لا يا عم ريحت اليباني حلووووووووووووووة. فبريكة كده هههههههههه.

**M_SALLAM** · 28-08-2012 02:52 AM

المشاركة الأصلية كتبت بواسطة y a r i s

على فكرة فاكريين العيوب الي اتكلمت عنها
تعالوا نتفرج ونشوف على بعض من العيوب دي واحد لاعرفوا ولا يعرفني عامل مقارنة بين الرينوا والساجا
تعالوا نتفرج ونستفيد وفي النهاية القرار ليكم

[youtube]http://www.youtube.com/watch?v=htzcxl-_2uo&feature=youtube_gdata_player[/youtube]

‫بروتون ساجا في مواجهة داتشيا (رينو)لوجان.... الكماليات‬&lrm; - youtube

مقـــــــــــــــــــــار نة غير عادلة بالمرة و كل اللى قالوه عن وضعية القيادة و الحاجات اللى قالوا عليها غير صحيحة بالمرة ..

و بعدين جايبين عربية مهلوكة و متبهدلة و هى اللوجان و بالعكس تماما جايبين عربية بروتون مغسولة و متلمعة و ما شاء الله عليها ...

و حكاية اللحام اللى فى اخر العتبة الكلام دة صحيح و هتلاقى حتة لحام صغيرة فى اخر السقف و دة علشان لقدر الله يعنى لو الرفرف اتخبط يسهل على اى صنيعى انه يفوره و يلحمه من نفس المكان تانى لكن هما بجهلهم قالك العربية 3 حتت و كلام غريب كدة اول مرة اسمعه ..

و بعدين الساجا فيها عيوب خطيرة يعنى الأيرباج بتفتح لوحدها و المساعدين على طول تضرب و بيستنوا عليها 3 شهور عقبال التوكيل ميجبها و البوية خفيفة جدا جدا دة غير كمان ان الماتيريال بتاعها زى الزفت و كذلك التقفيل و الصاج بتاعها ورق و السوست ضعيفة و استهلاك بنزين عالى يعنى مش حرام لما تستهلك 13 لتر لكل 100 كيلو !!!

كمان فى عربية عضو هتلاقوه فى جروب بروتون ساجا على الفيس بوك الموتور بتاعه فوت من اول 9000 كيلو متر و عملوله عمرة و الموتور رجع فوت تانى من اول اسبوع فقانونا ان يتم استرداد المبلغ بتاع العربية بالكامل او يتم تبديل السيارة بأخرى زيرو معلقتش نمر و لكن بعد مفاوضات كبيرة عريقة غيروله موتور !!

يعنى اجيب عربية تعمل 9000 كيلو و تغير موتور ..... صلاة النبى احسن ^_^