عفشجي في المنصورة

**medomoon35** · 20-08-2012 03:41 PM

عايز اعرف طريق عفشجي محترم في المنصوره عشان العفشه عندي في الضياع
ويريت مكان واحد بتاع شكمان

**amraction** · 20-08-2012 04:14 PM

روح لشكرى فى حسينيه المنصوره .. الشارع اللى جنب الاستاد وتطلع الكوبرى.. وتاخد اول نزله يمين علطول ..بعدين اول يو تيرن .. اول شارع شمال بقا .. على ناصيته بتاع استيراد لانسر.. هتخش الشارع ده هتلاقى اوبلات كتير.. هو ده شكرى..
ميكانيكى وعنده كمبيوتر والعفشجى بتاعه موجود معاه وشاطر اوى .. اسمه طارق او ايمن.. مش فاكر بالظبط

**medomoon35** · 20-08-2012 04:33 PM

انا اعرف شكري بس معرفش ان عنده عفشجي

**amraction** · 20-08-2012 04:40 PM

لا عنده عفشجى وشاطر جدا.. خش عندهم وقلهم عندى العفشه بايظه.. قالولك لا روح لفلان.. قلهم لا انا عايز العفشجى اللى معاكو.. هيطلع معاك يجرب العربيه ويقولك هيعمل ايه ويتكلف كام

**فادى محمد** · 20-08-2012 08:17 PM

انا جربت العفشجي اللي عند شكري ده في تغيير اويل سايل عقربه الفتيس هو كويس جدا وفي واحد تاني برده استاذ
في الشارع اللي ورا شارع الحسينيه اللي اخره قاعه افراح وشريط القطار اسمه الحاج محمد خنافس ,خنافس دي طلعت عليه علشان هو اول من اشتغل في الخنفسه البيتلز وطبعا قبله عبده فواكه بس مشكلته الزحمه وانه احيانا مش هو اللي بيجرب العربيه بنفسه في اخر الشارع ده علي ايدك الشمال توكيل شكمانات ابو اليزيد احسن شكمان محلي روح واساله اركب عند مين هيفيدك,تحياتي

**amraction** · 20-08-2012 10:10 PM

ليه يا عم !!

**mido888** · 21-08-2012 01:18 AM

فى عبده فواكه فى الحسينيه بس مشكلته انه بيغير كله جديد يعنى ممكن يخلى الموضوع يفتح معاك ومصنعيته عاليه شويه وفى واحد أسمه حسام فى دخلة سندوب قبل أبو حطب بتاع ضبط الزوايا مش بطال كويس وفى واحد بس فى المحله بس مش متذكر أسمه بيقولوا عليه ممتاز وأسعاره حنينه والحاجه اللى تنفع تتصلح بيصلحلها ومبيغيرش غير اللى فعلا محتاج تغيير

**HISHAM80** · 22-08-2012 06:29 PM

لو عايز من الأخر أحمد حامد خلف معرض كيلوبترا الموجود في شارع عبدالسلام عارف

**احمد فهمى** · 23-08-2012 09:03 AM

مش هينفع اضيف على الاخوه حاجه بس معلومه تخلى بالك منها الشكمان بتاع عربيتك بيتباع حتت وبيركب بسامير لو عندك مشكله فى علبة النص هى غالباً دى اللى بتبوظ او حتى الخلفيه اوعي تركب اى شكمان من عند بتاع الشكمنات لازم تشترى بتاعها الاصلى والاصلى صناعه محلى بس معمول بمقاييس ومواصفات اوبل اي حاجه تانيه حتى لو شكلها حلو وبتاع الشكمنات قعد يقولك دى احسن او تريح العربيه او غيرو كل ده غلط فجيب الاصلى وربنا معاك وعفشة العربيه دى سهله جداً واهم حاجه تغير جلب المقصات الخلفى دول هم روح العربيه فى الملفات واتأكد انهم ماركه محترمه ولازم المقصين اللى ورا يتفكو ويتركب الجلب عند خراط لو حد قال تركب وتتفك فى مكانها سيبو على طول وامشى متضيعش وقتك وطبعاً بسض وتيش ميزان وجلب مقصات امامى بالاضافه للمساعدين والبطحات و بعد كده هترجع العربيه جديده واكشف على بيض بارات علبة الدركسيون بالمره بما انك فاتح وربنا معاك