الموضوع: تقرير مفصل بالصور عن تركيب جلد على كبوت و اكصدام التيدا

المشاركة الأصلية كتبت بواسطة harizy

فكرة هاية والصور حلوة جداً ما شاء الله
ربنا يبارك لك فيها.
أنا شايف إنها مفيدة حتى لو مش بتسافر على الأقل عشان الركن واللى بيحصل فيه بسبب إن لازم العربية تتحك.

ربنا يخليك شكرا ذوقك يا باشا
بصراحه أنا شايفها فعلا ضروريه علشان الشوارع بتاعتنا زى الفل ( :

المشاركة الأصلية كتبت بواسطة kareem fawzy

مليوووون مبروووك يا باشا
انا كمان مركبه على الشنطة بس علشان ادارى خبطة قديمة
ربنا يباركلك فيها

الله يبارك فيك يا باشا و ربنا يحفظلك عربيتك
هى فعلا عمليه الصراحه

الف مبروك يا باشا .. تقرير رائع تشكر عليه
هو بس عايز أسال علي حاجه هو المرور مش بيقول حاجه علي الموضوع ده ؟؟؟؟؟ انا كنت عايز اعمل عندي الاكصدمات و العتب بس متخوف من موضوع المرور

المشاركة الأصلية كتبت بواسطة youssef.awad

1. 1000 مبرووووووووووك وتسلم يا هندسة على التقرير المميز والاستجابة السريعة لطلبى لما عرفت فى احد مشاركاتك انك ركبت الجلد ده
2. انا شوفت الجلد ده على فيرنا كان عاملها كلها لون اسود واللى مضايقنى فيه انه مضلع كده ومش سادة وفعلا بيسمى كاربون فايبر او مط وفيه بيعملوا بيه التابلوه والكونصول
3. ياترى الشفاف شكله هايكون ازاى ؟ لأنى شايفه الانسب عشان ترخيم المرور .. متخيله زى اللى بيركب عند محلات التظليل الحرارى 3m وشركاه بيكون فيلم بلاستيك شفاف وبيتلزق زى الفيميه بتفريغ الهواء
4. هو لسه النمر الجديدة ما انتشرتش فى السويس ولا ايه يا هندسة ههههههههههههههه .. دول نزلوها فى الجمارك كمان (ط س - )
5. تكلفة معقولة كثمن مقابل مردود .. بس يا ترى لو الواحد هايعمل العربية كلها عشان فى فرق ملحوظ عن قرب فى اللون هاتتكلف كام تقريبا .. وهل بتفرق من خامة لخامة



لا يافندم ده اسمه (براغ) وبيكون مخصوص لكل طراز عربية
وكان منتشر اكتر فى الخليج من 5 سنين فاكتر انما دلوقت كله تحول الى المط او الحماية بالافلام الشفافة وبيكون عند محلات التظليل الحرارى..

الله يبارك فيك يا دكتور أنت تؤمرنى
بص يا باشا هو اللى أنا مركبه ده مضلع بس على خفيف و مش باين اوى التضليعه بتاعته و فى منه ساده خالص بدون اى تضليعه كان فى حد بيركبه معايا برصه فى عربيته فى نفس الوقت ده اللى حضرتك تقصده اكيد نفس الخامه اللى أنا مركبها مع اختلاف التضليعه الخفيفه عندى
و بالنسبه للنمر من بعد المرور ما اتحرق بعد الثوره و هما بيركبو النمر القديمه تقريبا النمر الجديده الفال بتاعها وحش عليهم هههههه
تقريبا الخامات مش بتفرق اوى فى الفلوس و ممكن تتكلف فى حدود 800 جنيه تقريبا توقعى الشخصى و ممكن ابقى اسأله ان شاء الله أعرف منه يعمل كام تقريبا

المشاركة الأصلية كتبت بواسطة peaceman

الف مبروك يا باشا .. تقرير رائع تشكر عليه
هو بس عايز أسال علي حاجه هو المرور مش بيقول حاجه علي الموضوع ده ؟؟؟؟؟ انا كنت عايز اعمل عندي الاكصدمات و العتب بس متخوف من موضوع المرور

الله يبارك فيك يا باشا ده من ذوقك
بالنسبه لموضوع المرور أنا مش متأكد اوى بس اظن عادى لأنه بنفس اللون بنسبة كبيره جدا و بعدين فى الشفاف و فى منه مفهوش اى تضليعه كمان و اظن ان المرور ما بقاش بالرخامه بتاعه زمان رخامه من أجل الرخامه و خلاص و اسلوبهم أصبح أحسن فى التعامل ربنا يهديهم