عيد الكاوتش عندى و ليس عيد الفطر

**amz2011** · 21-08-2012 04:19 AM

عيد الكاوتش عندى لانى كل يوم اخرج من اول ليله العيد و اتخرمت كاوتشه ( اليمين وراه) و الحمد لله لحمتها و بعدين اول يوم العيد اتخرمت الكاوتش الشمال وراه و لحمتها طبعا بعد عذاب علشان الناس كانت قفله كلها و النهارده و لله الحمد الكاوتشة اليمين قدام بس المره ديه الخرم جاى على الحرف و المسمار مقاس 10 الخرم كبير و قطع السلك بتاع الكاوتش المهم الراجل بتاع الكاوتش قالى الحمه خابور طبعا انا قولت لالالالالالالالا
قالى خلاص هلحمة لحام لزق و معاه بوده كاوتش
قولتله ايه بقى الافتكاسه الجديده ديه فى النصب
قالى ياباشا مش بضحك عليك
قالى هجيب بودره و املى بيها الخرم و احط عليها امير ( الزق اللى اسمه امير) و بعد كده هحط سليسيون و احوط اللحام المدور و من بره هملى الخرم بودره و احط عليه امير برده

هل حوار الامير داه مع البودره داه فعلا ليه فايده و لا اشتغاله و فى الاخر اخد 14 جنية

اه صحيح بفكر بكره مخرجش علشان مش فاضل غير الكاوتشة الشمال قدام

**exact** · 21-08-2012 04:47 AM

على حد علمي ان الامير ضعيف وهش (يفتقد المرونة) لكن البودرة دي ايه

**amz2011** · 21-08-2012 04:52 AM

المشاركة الأصلية كتبت بواسطة exact

على حد علمي ان الامير ضعيف وهش (يفتقد المرونة) لكن البودرة دي ايه

بص ياباشا البودره ديه اللى بتتطلع من الكاوتش لما يصنفره من جوه

**AhMeD MeTwAlY** · 21-08-2012 05:01 AM

نصبه يا باشا
امير ايه الي يلحم فردة كوتش عليها ضغط فوق الطن دا الامير لو لحمت بيه حاجه وخبطها بايدم هتتفرتك
مدام حضرتك الفرده حاسس انها بدأت تبوظ هات واحده تانيه جديده وخلاص عشان لقدر الله حصل حاجه وانت مسافر تلاقي معاك استبن صاحي
انا من يوم لما جبت 4 فرد للعربيه ومعايا الاستبن لسه جديد في الشنطه ماشي مطمن
مسمار دخل والفرده نامت في ساعتها بفك واركب هي متعبه بس احسن ما اقف خالص بدون كوتش

**amz2011** · 21-08-2012 05:10 AM

المشاركة الأصلية كتبت بواسطة ahmed metwaly

نصبه يا باشا
امير ايه الي يلحم فردة كوتش عليها ضغط فوق الطن دا الامير لو لحمت بيه حاجه وخبطها بايدم هتتفرتك
مدام حضرتك الفرده حاسس انها بدأت تبوظ هات واحده تانيه جديده وخلاص عشان لقدر الله حصل حاجه وانت مسافر تلاقي معاك استبن صاحي
انا من يوم لما جبت 4 فرد للعربيه ومعايا الاستبن لسه جديد في الشنطه ماشي مطمن
مسمار دخل والفرده نامت في ساعتها بفك واركب هي متعبه بس احسن ما اقف خالص بدون كوتش

و الله عندك حق انا كمان مش مقتنع بكلام بتاع الكاوتش