للبيع.أوبل فيكترا 97 مواصفة خاصة

**Ahmad Allawy** · 29-06-2008 11:34 PM

لأ يا باشا ده لو موجود بيتكتب اسمه لوحده..
عشان انا علي فكرة كنت هاعمل موضووع خاص عن التكنولوجي دي كلها في اوبل اللي موجوده في الاسترا.. الجديدة.. لكن بصراحة نفسي اتسدت لما ملقيتش الكلام ده موجود في النسخة اللي موجودة في مصر..
الفرق ان التراكشن كونترول بيتكلم و العربية ماشية.. مش مع الفرامل.. عشان العربية هي ماشية و الظروف اختلفت تحت العجل نفسها وهي ماشية متحدفش منك و تفقد السيطرة عليها..
انما الايه بي دي.. بيتعامل مع الفرامل.. و توزيع ضغط الفرامل و انت دايس عليها يعني مش وانت ماشي عادي..
خلي الكلام ده تصبيرة و لما نعمل الموضوع ده سوا حتي هنفهم اكيد الفروق..
و الديلي المنطقي علي كلامي.. ان التراكشن كونترول زي ما انت بنفسك قولتلنا انه نظام بتشغله بنفسك.. مش بيشتغل اوتوماتيك.. (علي ما اذكر كلامك انت او نونيم باين او ادم او فرحات.. معلش الاكرة مش ولا بد خالص :) )
يبقي اكيد نظام الفرامل بتاعته مش هتستتني اما تشغلها بنفسك..الايه بي اس بتشتغل في الوقت المناسب.. لكن لو كانت زي مانت بتقول مش هتبقي منطقية..

**M.Mokhtar** · 30-06-2008 12:03 AM

المشاركة الأصلية كتبت بواسطة Ahmad Allawy

و الديلي المنطقي علي كلامي.. ان التراكشن كونترول زي ما انت بنفسك قولتلنا انه نظام بتشغله بنفسك.. مش بيشتغل اوتوماتيك.. (علي ما اذكر كلامك انت او نونيم باين او ادم او فرحات.. معلش الاكرة مش ولا بد خالص :) )
يبقي اكيد نظام الفرامل بتاعته مش هتستتني اما تشغلها بنفسك..الايه بي اس بتشتغل في الوقت المناسب.. لكن لو كانت زي مانت بتقول مش هتبقي منطقية..

+100000000
فعلا فى زرار اسمه TC عشان تشغل النظام ده او تلغيه
يبقى فعلا فى فرق
كده يبقى لازم الموضوع ده يدرس كويس وننزل بموضوع جديد عشان الناس كلها تستفاد
نلم معلومات ونرجعلكوا بعد الفاصل

بس نرجع للموضوع الاساسى
يمكن الراجل قصده على نظام ال TC وال EBD كانت غلطه مطبعيه؟؟

**Ahmad Allawy** · 30-06-2008 09:00 AM

اها..
اذا كان الموضوع غلطة مطبعية يبقي اوك كده تمام..
بس انا مفهمتش انها غلطة....

وبعدين بقي انا ليه اعتذار عند الاخ الفاضل النهراوي..
عشان اتكلم معايا بطريقة مش قوي.. و شكك في كلامي علي الفاضي..
من غير ما يتأكد من الكلام الاول..

عموما المهم ان الامور اتضحت و المعلومات اتصححت لحد كبير..
و هنعمل الموضوع بتاع التكنولوجي دي يا حماده ان شاء الله..
بس مش هيبقي هنا .. هيبقي في المنتدي التعليمي..

**Elnahrawi** · 30-06-2008 09:36 AM

السلام عليكم

الاوبل فيكترا تحتوى على نظام ثبات إلكتروني مسمى بــ Ids

ها النظام يحتوي على ثلاثة أنظمة فرعية

Abs
Cbc
Ebd

وطالما ان الناس تعرف معنى هذه الإختصارات فلا داعي لتوضيح معناها

الأخ الفاضل / م/محمد مختار
سأرسل لك رابط على الخاص

تقبل تحياتي

**M.Mokhtar** · 30-06-2008 09:49 AM

المشاركة الأصلية كتبت بواسطة Elnahrawi

السلام عليكم

الاوبل فيكترا تحتوى على نظام ثبات إلكتروني مسمى بــ Ids

ها النظام يحتوي على ثلاثة أنظمة فرعية

Abs
Cbc
Ebd

وطالما ان الناس تعرف معنى هذه الإختصارات فلا داعي لتوضيح معناها

الأخ الفاضل / م/محمد مختار
سأرسل لك رابط على الخاص

تقبل تحياتي

شكرا يا باشا وطبعا لازم نتقبل تحيات سعادتك
بس اكيد انت بتتكلم على الفكترا c مش B
مش كده؟

**Ahmad Allawy** · 30-06-2008 09:55 AM

الاخ الفاضل نهراوي..
الف شكر علي طريقة المعاملة المتميزة..
اللي قريته علي موقع الميديا الخاص بجنرال موتورز..
ان الاوبشنز اللي سعاتك بتتكلم عليها دي موجوده في موديلات اوبل الصغيرة زي الاسترا مواول موديل 2003 اللي هي نزلت هنا مصر من سنة 2006
و موجودة في الفيكترا سي اللي هي برة من موديل 2003 و الشكل ده منزلش مصر خالص و نزل الشكل اللي بعده من اول عام 2006.. و عندي اللينكات من علي الموقع اللي بتقول كده..
و الفيكترا سي هي اللي فيها الكلام ده كله..
اللي احنا بنتكلم فيه دلوقتي كان الفيكترا بي.. اللي هي من اول موديل 96 لحد 2002
لو عندك لينكات بتقول كده ابعتهالنا و نستفيد كلنا..
ليه تبعتها لواحد علي الخاص و متبعتهاش علي العام عشان كلنا نستفيد..؟؟

**Elnahrawi** · 30-06-2008 10:12 AM

السلام عليكم

العربية مفيهاش Ebd خالص.. و منزلش فيكترا فيها النظام ده..

يا باشا انا عملت موضوع كامل عن تاريح الاوبل فيكترا جايب فيه الموديلات من اول موديل في عان 89 لحد 2007
و مقريتش معلومة ان في موديل منها نزل فيها النظام ده.. اعمل ايه تاني طيب..؟؟

هذا كلامك صح ؟

أنت نفيت أصلا وجود هذا النظام في الفيكترا كلياً

**Ahmad Allawy** · 30-06-2008 10:21 AM

لألألألأ
انت اكيد فهمتني غلط..
انا كنت باتكلم عن العربية دي..
اللي هي فيكترا بي.. موديل 97 اللي معروضة للبيع..
لكن انا عارف انه نازل فيها واذا كان نزل في الاسترا
يبقي في الفيكترا اكيد موجود
و بالنص مكتوب علي موقع جنرال موتورز.. بيقولوا انه اول مرة ينزل الانظمة دي
تنزل في عربية صغيرة في فئة الاسترا.. قبل كده كان بينزل في العربيات الاكبر..

جايز سعاتك فهمتني غلط.. او انا برضه عليا غلط اني موضحتش اني اقصد الفيكترا بي بس..
اللي هي الكلام عليها..

وانا اسف مرة تانية لو كنت موضحتش كلامي كويس او كلامي اتفهم غلط..
و حقط عليا يا باشا.. انا اسف لو كنت غلطت..

**Elnahrawi** · 30-06-2008 10:25 AM

لا يا أخي لا داعي للإعتذار

فعلا أنا فهمت أنك تقصد كل الموديلات

عموما حصل خير ، وأرجو أنك متكونش متضايق مني

:)

ودي وتقديري

محمد النحراوي

**Ahmad Allawy** · 30-06-2008 10:36 AM

يا باشا ولا يهمك.. حصل خير..
بس في معلومة بقي مهمة جدا لقيتها بالصدفة وانا بادور..

ان فعلا في بعض العربيات الاوبل فيكترا بي موديل من 2001 لقيتهم علي النت..
فيهم نظام.. ESP (Electronic Stability Program)
وده بيجمع اكتر من نظام فيه.. بس للأسف برضه الEBD مش في النظام ده..
وبالتالي برضه النتيجة انه الحمد لله اني مطلعتش غلطان ان الفيكترا اللي نزل فيها النظام ده من بعد موديل 2003.. اللي هو منزلش مصر اصلا..

لمزيد من المعلومات ممكن تدوروا علي جوجل علي الكلمتين دول..
هتلاقي ان الكلام كله بيتكلم عن الايه بي اس و التراكشن كونترول.. و محدش بيجيب سيرة الايه بي دي معاهم الا لو كانت موديلات حديثة قوي.. ده لو كانت موجوده يعني..
انا معرفتش ادور كويس عشان هنا ف الشغل في مواقع كتير مقفولة مش عارف ادور كويس..

الموضوع: للبيع.أوبل فيكترا 97 مواصفة خاصة

LinkBack

أدوات الموضوع

عرض

-

-

-

-

-

-

-

المواضيع المتشابهه

فيكترا 97 مواصفة خاصة

للبيع.أوبل فيكترا 97 مواصفة خاصة

للبيع.أوبل فيكترا 97 مواصفة خاصة

للبيع.أوبل فيكترا 97 مواصفة خاصة

الكلمات الدلالية لهذا الموضوع

المفضلات

المفضلات

ضوابط المشاركة