للبيع.أوبل فيكترا 97 مواصفة خاصة

**ahmed_magdy_shaaban** · 28-06-2008 07:30 PM

للبيع أوبل فيكترا آخر 97 مواصفة خاصة.2000 سي سي عادة.فابريقة بالكامل.اللون أبيض.حالة الموتور ممتازة جدا.185000كم (سفر).عفشة جيدة.فرامل Abs+ebd.بها نظام التعليق الرياضي المتوفر في الأوتوماتك.حالة الصالون ممتازة جدا.رخصة سنتين.مطلوب 67000 جنيه مصري.عاين بنفسك.للجادين في الشراء الرجاء الإتصال علي /0111033555 أو 0107702412لا للتجار

**Ahmad Allawy** · 28-06-2008 07:57 PM

انت مش كنت لسة يتسأل علي حاجات للعربية..
و بتقول انك لسة جايب العربية جديد..؟؟ فجأة كده قررت تبيع..؟؟

معلش ممكن شوية معلومات بقي
انت عرفت منين ان فيها Ebd??? عشان اللي انا اعرفه ان الفيكترا فيها Abs بس..(حد يفتينا)
غير كده.. ايه نظام التعليق الرياضي الموجود في الاوتوماتيك..؟؟

السعر اكيد فيه كلام و كلام كبير كمان يا حماده.. خليك واقعي..

**ahmed_magdy_shaaban** · 28-06-2008 08:05 PM

أولا السلام عليكم.ثانيا أنا أحمد مجدي و الكلام اللي شفتوه إمبارح ده كان من أخي الأصغر.الكلام كله معايا أنا.أولا يا فندم العربية معايا بقالها من يوم 11/2/2008.يعني مش لسه جايبها جديد.ثانيا حضرتك أنا عاوز أبيع للإنتقال لأحدث ليس إلا.ثالثا حضرتك الebd والتعليق الرياضي دا كلام مش من عندي.دا من مهندس شغال في أوبل.العربية مواصفة خاصة/موتور 2000 سي سي عادة مش أوتوماتك وأعتقد ان دي ميزة ميختلفش عليها اثنين.العفشة عفشة 2000 والمقصود بنظام التعليق الرياضي.لو حضرتك عارف زرار الs في الأوتوماتك هتفهم قصدي.والعربية حضرتك تتكلم عن نفسها أنا مش عاوز أدلل عليها.وكما ذكرت أنا ببيع لغرض الإنتقال لأحدثثث.وشكرا

**Ahmad Allawy** · 28-06-2008 08:23 PM

و عليكم السلام و لاحمة الله وبركاته..
اهلا و سهلا بيك يا فندم ..
كلام اخوك هو اللي خلاني اقول كده..
العربيات ال2000 سي سي اللي انا اعرفه امها مفيهاش Ebd ممكن اللي قالك كده في التوكيل ميعرفش.. (او جايز انا اللي ماعرفش..) و مستني رأي محمد مختار اخونا هنا اللي معدل عربيته علي اعلي موديل من ال2000 سي سي الي هي سي دي اكس و ميمعتش عن ايه بي دي فيها..
و في اكتر من واحد هنا معاه العربةي ال2000 سي سي .. يفيدنا..

موضوع ال2000 مانيوال اكيد ميزة مش هاختلف معاك..
نظام التعليق الرياضي ده انا مش فاهم قصد سعادتك... انا عارف نظام الاس اللي في اوتوماتيك.. و اللي اعرفه انه بيعلي عدد لفات الموتور اللي العربية بتنقل عندها بس مش اكتر.. يعني كله علاقته بالميكانيكا.. مش بالعفشة.. و اللي كانت المفروض انها نازلة كده كانت الاسترا الهاتش باك و اللي عرفته و اتصدمت في معرض اوتوماك اللي فات انها نازلة من غير ايه بي دي ولا نظام الايه اس بي.. اللي هو ليه علاقة بالكلام اللي سعاتك بتقوله..

و عموما ربنا يوفق سعاتك ف البيع و الانتقال لأحدث و ربنا يكرمك و تجيب بي ام
و السعر بصراحة انا شايف انه عالي شويتين.. مش هتكون اغلي من ال1600 بتاعتها ب 10 الاف جنيه يعني..

**ahmed_magdy_shaaban** · 28-06-2008 08:28 PM

ممكن حضرتك توفر الكلام دا كلو وتشوف العربية بنفسك لأن أنا شايف في لهجة حضرتك تكذيب لكلامي أو تعطيل للبيعة.وشكرا

**Ahmad Allawy** · 28-06-2008 08:32 PM

سعادة الباشا..
انا طبعا لا اقصد تماما التكذيب.. ولكن اللي اقصده ان الكلام اللي الراجل قالهولكف ي التوكيل ده ممكن ميكونش في محله مش اكتر..
و في حاجات تمنيكال ممكن ولا انا ولا انت نكون عافينها كويس.. و بناخد بكلام الصنيعي لاو المهندس اللي بيقولنا الكلام ده.. ولو شوفت العربية بعيني لا يمكن اعرف فيها ايه بي دي ولا لأ..
ولايمكن اعرف فيها سبورتس مود مانيوال ولا لأ.. لأني ماعرفش ايه وظيفته في الحالة دي..

انا فعلا كنت بافكر في فيكترا مانيوال.. بس عمري ما هاقدر علي ال2000 سي سي.. عشان الضريبة و الكلام الكبير ده.. انا حاليا معايا كورسا و بادفع عليها فلوس كلام فارغ في البنزين و التجديد و الكلام ده.. لو طلعت ل 2000 سي سي هاتبهدل ففلوس انا مش قدها بصراحة..
و اكيد مش اقصد اني اعطل البيعة.. لأني نفسي ماليش اي مصلحة في العربية بيعها او بقائها..
لأني من الاخر مش هاقدر عليها مش اكتر..
و في الاول و الاخر الناس اللي راكبين فيكترا بي 2000 سي سي هيفيدونا اكتر..
و ربنا يوفقك في البيع و ابقي قولنا عملت ايه و جابتلك كام..

**ahmed_magdy_shaaban** · 28-06-2008 08:37 PM

أولا شكرا علي ذوقك.ثانيا حضرتك لو بتفكر في الفكترا ال 2000 سي سي وخايف من مسألة الفلوس دي أحب أطمنك إن ضريبة العربية حاليا 840 جنيه بعد ما كانت 420 جنيه.أما بخصوص نقطة البنزين إستهلاك العربية 240 كيلو في الصفيحة وأنا قايسها بنفسي.و ربنا يباركلك في الكورسا وعلي فكرة كان معايا واحدة موديل 94 1200 سي سي و ما شاء الله كانت عربية هايلة ووالدي باعها فقط لصغر حجمها علي الأسرة

**Nader** · 28-06-2008 08:43 PM

ربنا يحسن لك بيعها، لكن اعلانات البيع

والشراء مكانها قسم البيع والشراء.

**Elnahrawi** · 29-06-2008 11:48 AM

لم أكن أحب أن اشترك في هذا الجدال

ولكن إحقاقاً للحق ، فأود التوضيح أن معلومة ان الفيكترا لم ينزل منها موديلات فيها Ebd (وهو بالمناسبة نظام لتوزيع الفرامل إلكترونيا)هي معلومة مغلوطة

شكرا لكم

-

الموضوع: للبيع.أوبل فيكترا 97 مواصفة خاصة

LinkBack

أدوات الموضوع

عرض

-

-

-

-

المواضيع المتشابهه

فيكترا 97 مواصفة خاصة

للبيع.أوبل فيكترا 97 مواصفة خاصة

للبيع.أوبل فيكترا 97 مواصفة خاصة

للبيع.أوبل فيكترا 97 مواصفة خاصة

الكلمات الدلالية لهذا الموضوع

المفضلات

المفضلات

ضوابط المشاركة