الموضوع: ضرورى: ايهما فضل سيينا ام تمبرا

المشاركة الأصلية كتبت بواسطة amanda

اسمحلى اختلف مع حضرتك - يعنى مثلا معروف ان اعادة بيع 127-128 سريع - وانواع تانية
لكن التمبرا كان اعادة البيع وسط - يعنى لا سىء ولا سريع
وهناك انواع اخرى سىء
لذلك اسأل حضرتك قبل شرائها

انا اقصد سوق الفيات ..الفيات الحديث مش الفيات القديم لان سوالك كان على فيات حديث علشان كدا قلتلك على اساس انك جربتى

طيب لو تمبرا 92 بحالة جيدة طبعا راشة برا مفيهاش تكييف تعمل كام عداد كاسر ال 200 الف كيلو ؟

المشاركة الأصلية كتبت بواسطة syd

مع كامل احترامي لرأي حضرتك
اولا انا لست من مالكي الفيات
ولكن
هو حضرتك لسه اشتريتي لما تفكري في البيع
مش يمكن تعجبك وماتفكريش في بيعها

علي العموم هو السينا النظيف مطلوب وبيعمل سعر كويس
واهم شئ حضرتك تشتري الموتور ال1.4 وابعدي عن ال1.6
لأن في البيع بتفرق كتير والموتور ال1600 عليه كلام كتير والتجار والمشتريين بيهربوا منه

تحياتي

اشكر حضرتك كثيرا - انا افكر فى البيع من الان لاننى باذن الله فى انتظار بعثة ممكن تيجى فى اى وقت - ساعتها هضطر ابيع العربية - وفعلا زى ما حضرتك بتقول الكل بينصحنى ابعد عن 1600

المشاركة الأصلية كتبت بواسطة misoalex

انا سوقت ال 2
التيمبرا اوسع وثبات اكتر وصيانه اسهل (لو كربراتير )
لو انتى انثى يبقى هاتى سيينا حتعجبك اكتر من التيمبرا وخصوصا فى النعومه

قطع الغيار التيمبرا الكربراتير ارخص فى قطع الغيار بالنسبه للموتور طبعا لانها كربراتير ومفيهاش كنترول ولا حساسات ولا ضفيره معقده
التيمبرا الانجكشن قطع غيارها اغلى وكله بيقلبها كربراتير ويريح دماغه
السيينا كلها اجكشن وال 1600 فول انجكشن عشان كده فيها بعض قطع الغيار اغلى بسيط من ال 1400 وطالما احنا فى مصر يبقى الناس بتدور على الارخص وطظ فى اى حاجه تانيه عشان كده كله حيقولك خليكى فى ال 1400

على فكره بالنسبه للفوانيس وبعض قطع الغيار الاخرى السيينا ارخص من التيمبرا فى حجات والتيبمبرا ارخص من السيينا فى خجات تانيه

اشكر حضرتك كثيرا - انا عربيتى التمبرا كانت كاربراتير - وكان فيه مشكلة بسيطة ان الموتور بيجيب زيت باستمرار - تخيل حضرتك ان مفيش ميكانيكى كان عارف السبب - انا خايفة تكون السيينا نفس الموضوع صعب التعامل معاها - وللاسف مفيش غير ميكانيكى واحد اللى اعرفه - اشكرك مرة اخرى

المشاركة الأصلية كتبت بواسطة فيات كونترول

انا اقصد سوق الفيات ..الفيات الحديث مش الفيات القديم لان سوالك كان على فيات حديث علشان كدا قلتلك على اساس انك جربتى

لك جزيل الشكر اخى الكريم بالتاكيد استفدت من اراء حضرتك

المشاركة الأصلية كتبت بواسطة mohammedaladel

طيب لو تمبرا 92 بحالة جيدة طبعا راشة برا مفيهاش تكييف تعمل كام عداد كاسر ال 200 الف كيلو ؟

عربية حضرتك 1400 ولا 1600- عدادات ديجتال ولا عادى ؟
عمتا فى رايى الشخصى لا تتعدى ال 30 - وانتظر اراء الاخوة هم اكثر منى معرفة وخبرة
شكرا