عايز رايكم في العربية دي

**shark_3li** · 21-08-2012 08:48 PM

http://www........cars.com/UsedCars_...p?CarID=911153

انا كلمت صاحبها و قالي في كلام في السعر كنت عايز اعرف هي تعمل كام وايه عيوبها لو فيها عيوب معروفة . والضريبة بتاعتها كام في السنة.
انا كلمت واحد شغال في البي ام وقالي ان الاكتيف ستيرن ويل اللي هو نص لفة للدركسيون الحساسات بتاعته لو خدت مطب او جيه عليه مياه بيبوظ الباور كله وده تمنه 21000 جنيه الكلام ده مظبوط ولا غلط؟

**shark_3li** · 21-08-2012 08:49 PM

http://www........cars.com/UsedCars_...p?CarID=911153

**shark_3li** · 21-08-2012 08:53 PM

3000 سى سى |60,000 كم السيارة الماني كيت m5 اصلي من المصنع الام السيارة جديدة بمعنى الكلمة سيلفر جراي و داخل بيج بالكامل ستائر جانبية خلفية و ستارة خلفية كهرباء سماعات هارمن كوردون logic7 سماعات على التبلوه زينون متحرك مع الدركسيون و فتحة سقف و اكتف ستيرن ويل تلف الدركسيون نص لفة بس غير عن السيارات الاخرى حساسات امامية و خلفية الصيانة دورية في الشركة -المحرك 272 حصان فتيس الكترونك اوتو - ملخص الكلام السيارة لا يوجد مثيل لها في مصر - استعمال دكتور اسنان

معلش انا مش عارف انزل اللينك ودي المواصفات بتاعتها هي علي كونتاكت كارز عمتا لو حد هيشوف صورها

**Batman372** · 22-08-2012 12:08 AM

بعد التحيه ،
- اللينك لا يفتح ...
- من كلامك هى طبعا e60 / 530 - - هى موديل كام ؟؟
- كل الاوبشنات دى موجوده فى التقفيل المصرى ماعده ال m5 - و لكن وقتها كانت الاكصدامات ال m5 تركب و كانت تعمل حوالى 20 الف جم زياده عن سعر ها زيرو .
- كمعلومه مو 2005/2006 التجميع المصرى رنجها اليوم تحت 250 الف بشرط الحاله الممتازه و هى 100% مثل الالمانى (عن تجربه).... لا يوجد اى فرق ...
- لو استيراد و صنع المانى صاحبها حيكون دافع شحن و جمارك عاليه جدا و بالتالى حيكون طالب فيها مبلغ وهمى و مفيش حد فى الاخر حيشترى ...
- بخصوص ال active steering فهو اوبشن جامد جدا و لو شغال كويس لا تقلق منه - لان واحد صديقى اشترى العربيه دى زيرو و باعها عامله 130 الف كم و كل حاجه كانت شغاله زى الفل و بحالتها ...
- اهم نقطه الكشف فى التوكيل .. ضروروى جدا ...
تحياتى ...

**shark_3li** · 22-08-2012 03:32 AM

العربية موديل ٢٠٠٧ وممكن يخلص علي ٢٦٠ -٢٧٠ كدة كويس؟
وبالنسبة للضرايب السنوية بتاعتها هي ٣٠٠٠ سي سي حد عنده فكرة ضريبتها كام لاني سمعت برضو ان ضريبتها اكتر من ضريبة اللي زيها بس تقفيل مصري فهل هتفرق الضريبة اذا كانت الماني ولا تقفيل مصري؟

**sheko_2000eg** · 22-08-2012 04:50 AM

مش هتلاقي قطع غيار للماتور ال m5

**shark_3li** · 22-08-2012 04:52 AM

لا حضرتك فهمت غلط هو بس البودي كيت هو الام ٥ لكن العربية نفسها ٥٣٠

**Batman372** · 22-08-2012 12:42 PM

- لو بالحاله المذكورة يبقى كويس جدا 260 ألف و حاول على أقل لانك عند اعاده البيع حتخسر كتير لأن ال 530 عامه تقيله اوى فى بيعها....
- بخصوص الضريبة التقفيل المصرى وصلت الان الحد الادنى 1150 جم ..... بالنسبه المستورد اسأل فى المرور يزيد كأم ...
- لا تنسي الكشف جيدا فى التوكيل ...
بالتوفيق .... تحياتي ...
-

**maskeen** · 22-08-2012 12:57 PM

المشاركة الأصلية كتبت بواسطة batman372

- لو بالحاله المذكورة يبقى كويس جدا 260 ألف و حاول على أقل لانك عند اعاده البيع حتخسر كتير لأن ال 530 عامه تقيله اوى فى بيعها....
- بخصوص الضريبة التقفيل المصرى وصلت الان الحد الادنى 1150 جم ..... بالنسبه المستورد اسأل فى المرور يزيد كأم ...
- لا تنسي الكشف جيدا فى التوكيل ...
بالتوفيق .... تحياتي ...
-

اعذرنى ياصاحبى ..اللى فهمته من الاعلان انها موديل 2007, يعنى 5 سنين فاتت

ضريبتها هاتبقى 50% من الاصل, يعنى بيتكلم فى 6000 جنيه تقريبا

موضوع ان عشان الضريبه بدأت من 2007 يبقى العربيات اللى قبل كده تدفع الحد الادنى مالوش اى اساس من الصحه..اللى بيدفع الحد الادنى النهارده هى العربيات موديل 2002 وما قبلها...أحدث من كده هايدفع عادى جدا حيب عمر العربيه

**احمد فهمى** · 22-08-2012 01:07 PM

العربيه دى عيبها الوحيد الضريبه رقم فلكى بيوصل اكتر من ١٥ الف جنيه تقريبا انزل على المرور واسأل بتاع التراخيص على نقل الملكيه بتاعها وهو رقم فلكى تقريباً اكبر من الرقم ده كمان انا واحد صحبى لبس فى ٣٢٥ المانى مش مصرى ٢٠٠٦ طلع نقل ملكيتها رقم فلكى والضريبه لأن قانون المرور اتفعل على العربيات من اول موديلات ٢٠٠٥ قبل كده عادى فرجاء روح المرور واسأل على نقل الملكيه لعربيه بى ام ٢٠٠٧ و٣٠٠٠ سي سي والضريبه كام ده موضوع مهم جداً وهى العربيه مفيش كلمه عليها اسطوره وهى تعمل المفروض اكتر من الرقم ده بس بسبب الضريبه ونقل الملكيه بيعها تقل يعنى ال c280 اول سنه دفعت ضريبه ٢٤ الف جنيه بعد القانون المتخلف بتاع المرور وده اتسبب ان مصنع مرسيدس وقف تجميعها حتى فى مصر ونزل منها ١٦٠٠ و٢٠٠٠ سي سي هم دول اللى بيتباعو حالياً فخلى بالك من ما بعد الشراء ولو لاقيت تعديل حصل فى المرور وكلامى غلط اشتريها هى تساوى اكتر من الرقم اللى انت كاتبو ولو حد قالك بتعمل اقل من كده هتكون عامله كيلو متر عالى او رشه ومستحيل يكون فيها البادى كيت بتاع ال ام ده كان معدى ال٢٠ الف جنيه ولسه بنفس السعر وهى طبعاً تفرق عن المصرى كتير خاصتاً الكراسي وخامات الجلد والمكون المصرى اللى مش موجود ومتفكرش فى خساره بعد كده لأنك مش هتبيعها بسهوله لأن هيصعب توفر بديل غير ال٥٣٠ الجديده والله المستعان