منهم لله - صعبت عليا العربيه

**abokoko** · 22-08-2012 01:49 AM

كل عام وانتم بخير
سافرت البلد - لقضاء اجازة العيد و زواج اخو مراتى - ورجعت اليوم

الطريق مليان مفاجئات
اصلاحلات فى الطريق وبدون يافطة تنبيه
والاسوأ
كل قرية عامله مطب اذيه - فعلا مطب اذيه
بدون تحذير طبعا
وعلو يقصف
ومعمول من الاسمنت - يعنى سكاكين تدبح

طبعا كنت بمشي شوية ورا اى عربيه لحد ما تسبقنا
والاقى نفسي ماشي لوحدى
وطبعا لوحدى لانى مشيت بعد الافطار ووصلت قبل اذان الفجر

واخدت شوية مطبات عجب
كنت ادوس فرامل والعربيه تزحف - وتاخد المطب
ومنهم مطب شفت من مسافة قريبه وعلى سرعة
ودوست فرامل لحد ما بوز العربيه بقي فى اول المطب سبت الفرامل
راحت العربيه اهبدت من المطب وطارت لفوق واترزعت فى الارض
والله صعبت عليا العربيه

المهم

فى العودة مشيت على مهلى
وفى النور معظم الوقت

لكن

العربيه سخنت جدا
وغطا الرداتير ضرب فى ايدي

والمارش فصل
وقضيناها زق فى كل مرة تبطل العربيه

وفى الاخر
الحمد لله وصلنا من عشر دقايق تقريبا

الاصحلات الواجبه ( الخسائر)--- رداتير بينقط نقط مياه على خفيف من اسفل
والرداتير المونيوم ومش عارف ده لحام مع الجزأ الفيبر فك ولا ده خرم
وهل بيتصلح

+

المارش فصل بالكامل - وعلى فكره خبطت عليه بزلطة - وولا فايده
وكنت عملت اصلاحات للاوتوماتيك بتاعه
ومن وجهة نظرى
الاصلاح مشروع فاشل
وعايز مارش استيراد

طبعا فضلا عن اعصابي طول الوقت لانى كنت بسال نفسي
يا ترى العربيه هتكمل ولا هنضطر نسحبها
بس الحمد لله
طلعت اصيله وكملت

**eng.m7md.ali** · 22-08-2012 03:42 AM

قدر الله وماشاء فعل
الحمد لله انك بخير
والاهمال لا دين له

**abokoko** · 22-08-2012 03:46 AM

المشاركة الأصلية كتبت بواسطة eng f3lix

قدر الله وماشاء فعل
الحمد لله انك بخير
والاهمال لا دين له

شكرا لرد حضرتك

من الحاجات اللى تغيظ - انك تلاقى ناس شباب وعواجيز القرية على القهاوى او على الطريق - جنب المطب
وشايفين وسامعين العربيه وهى بتتهبد من المطب
والعيال جواها بتخبطه فى بعض
وتلاقيهم بيبصوا على وهما بيبتسموا او بيضحكوا

**Elawany13** · 22-08-2012 03:48 AM

روحت المنصورة الاسبوع الماضى
كرهت الطرق كلها
طريق زفت بكل ما تحتويه الكلمة من معانى
الطريق مظلم علشان تخفيف الأحمال
وكل شوية اتفاجئ بمطب
واضرب فرامل عمرى ما عملتها قبل كده
ولبست بتاع 4 مطبات من حوالى 30 أو 40 مطب
حاجه تقرف
حسبنا الله ونعم الوكيل

**Elawany13** · 22-08-2012 03:50 AM

المشاركة الأصلية كتبت بواسطة abokoko

شكرا لرد حضرتك

من الحاجات اللى تغيظ - انك تلاقى ناس شباب وعواجيز القرية على القهاوى او على الطريق - جنب المطب
وشايفين وسامعين العربيه وهى بتتهبد من المطب
والعيال جواها بتخبطه فى بعض
وتلاقيهم بيبصوا على وهما بيبتسموا او بيضحكوا

1111111111111111
فعلا بيحصل

كله بيتشفى فى كله

**Elawany13** · 22-08-2012 04:10 AM

المشاركة الأصلية كتبت بواسطة abokoko

انا بحب سفر الليل
علشان الاولاد وعلشان العربيه

لكن انا مش حافظ الطريق
وبلزق فى عربيه بيجو او مكروباص او ربع نقل - وامشى بسرعتهم
لكن غالبا مش بقدر اكمل
يعنى معاهم تلاقينى على متوسط سرعة 100 -
واول ما امشى لوحدى تلاقينى تحت ال80 واحيانا على 60 كمان
ورغم كده الاقى المطب وادوس فرامل العربيه تزحف وتخبط
رغم ان الكاوتش جديد واخدت هوا للفرامل ورا
بس الواحد بيوش المطب على اخر لحظة

المطبات متخلفة وسودا بلون الأسفلت
وفعلاً مش باينة خالص
ومبتظهرش إلا على بعد أمتار قليلة جداً
وكلمت بقطع النور على معظم الطرق لتخقيق الأحمال
أنا كنت بعمل البدع علشان اشوفها
إذا كان المطب شر لا بد منه وخلاص هنعيش حياتنا كلها على طرق مهببه كده
يبقى المفروض يتعمل عند كل مطب علامات ضوئية مميزة للمطبات فقط
حرام اللى بيحصل ده

**MohammedAladel** · 22-08-2012 05:14 AM

معلش

-

-

الموضوع: منهم لله - صعبت عليا العربيه

LinkBack

أدوات الموضوع

عرض

منهم لله - صعبت عليا العربيه - انشر الموضوع فى :

-

-

-

-

-

المواضيع المتشابهه

محتاج رايكو هل اتضحك عليا في سيرفيس العربيه ؟؟

اذا كنت منهم او مش منهم ادخل وقول ..........

العربيه هتموتنى.. شيلوها من عليا لافطسها

عايز أخد رأيكم في العربيه المعروضه عليا لو سمحتم .

الحل للناس اللى ماستلموش وصلة الusb بتاعت الكاسيت مع العربيه او ضاعت منهم

الكلمات الدلالية لهذا الموضوع

المفضلات

المفضلات

ضوابط المشاركة