ثبات بى إم حقيقة أم مبالغ فيه

**ahmad--ezzat** · 18-09-2012 05:18 PM

هههههههه

**inspiron** · 18-09-2012 05:24 PM

المشاركة الأصلية كتبت بواسطة horas3000

really و نص
ده كلام مش محتاج نقاش
الرولز و البنتلي كبراند اعلي من مرسيدس
و الا مكنتش اعادت احياء مايباخ عشان تنافسهم

يا باشا جايز يكون كبراند زي ما حضرتك بتقول..لكن أنا من وجهة نظري المتواضعة ان مايباخ أحسن..حتي في المقارنة بتاعة topgear مايباخ هي اللي كسبت المقارنة !

يا باشا مقاوحه ايه بس
انت اللي مصمم
ما احنا قلنا كمواتير و drag المرسيدس تكسب
لكن ثبات و ملفات ال bmw
و كمان ايه فايده فيديوهات ال esp و ال abs مهم موجودين في ال bmw
و اخر فيديو المرسيدس معدله يا زعيم مش ستوك
و كده كده المقارنه غير عادله لان المرسيدس اخف و احنا اصلا قايلين المرسيدس اشد في الدراج

معاك يا باشا المقارنة غير عادلة..لأن عشان المقارنة تكون صح تبقي بين e63 amg و m5 e60..لكن في نفس الوقت لو قارنها بين c63 amg و m3 بردو مرسيدس اللي بتتصدرها ..علي الرغم من إن المرسيدس وزنها 1730 كيلو والبي ام وزنها 1655 كيلو ! :)

فين التفحم ده يا باشا
ما هو فيه فيديوهات الbmw بتعلم علي المرسيدس من كام صفحه فاتوا
و بتاكد نفس كلامنا
المرسيدس احسن في ال drag و ال bmw في الثباااااااات

زي ما حضرتك أشرت ليا بردو..مش بتكون ستوك :)

**horas3000** · 18-09-2012 09:47 PM

المشاركة الأصلية كتبت بواسطة inspiron

يا باشا جايز يكون كبراند زي ما حضرتك بتقول..لكن أنا من وجهة نظري المتواضعة ان مايباخ أحسن..حتي في المقارنة بتاعة topgear مايباخ هي اللي كسبت المقارنة !

مختلفناش
بس الكلام ده علي المايباخ و ده بخ خلاص
لكن المرسيدس لا

معاك يا باشا المقارنة غير عادلة..لأن عشان المقارنة تكون صح تبقي بين e63 amg و m5 e60..لكن في نفس الوقت لو قارنها بين c63 amg و m3 بردو مرسيدس اللي بتتصدرها ..علي الرغم من إن المرسيدس وزنها 1730 كيلو والبي ام وزنها 1655 كيلو ! :)

يا باشا ما احنا بنقول
المرسيدس تكسب في الدراج لكن ملفات لا

زي ما حضرتك أشرت ليا بردو..مش بتكون ستوك :)

انهي يا زعيم
المرسيدس مكتوب ان فيها تعديلات

**inspiron** · 19-09-2012 01:33 AM

المشاركة الأصلية كتبت بواسطة horas3000

انهي يا زعيم
المرسيدس مكتوب ان فيها تعديلات

أنا قصدي يا باشا ان الفيديوهات اللي فيها بي ام بتتصدر مرسيدس بردو مش ستوك..tuned :)

بالنسبة لميباخ فعلا بخ..نستني بقي الـمرسيدس PullMan وربنا يكرم كده :)

بالنسبة لموضوع الدراج والملفات فأنا بصراحة من قيادة السيارتين لفترة ليست بالقليلة ( بي ام لسنوات ) ( مرسيدس من عدة شهور حتي الآن ) مش حاسس اطلاقا بالموضوع ده..لأن عادة سواقتي علي الدائري والطرق السريعة بحكم شغلي ( اللي ما يعلم بيه الا ربنا ) D: باخد المنحنيات علي أقل حاجة 140 ,, وأكيد قارنت بين العربيتين في الجزئية دي :)

رداً بس علي العضو الفاضل اللي قال منخليش الموضوع يقلب خناق..والله يا باشا مفيش خناق ولا حاجة..زي ما حضرتك شايف أسلوب النقاش من الأخ horas3000 في هدوء وسعة صدر ازاي..مدخلش شمال وقال لا رأيي هو اللي صح ومقتنع بيه وطاخ طاخ طاخ .. لكن أنا والله لا في نيتي خناق ولا غيره...

**horas3000** · 19-09-2012 02:05 AM

المشاركة الأصلية كتبت بواسطة inspiron

أنا قصدي يا باشا ان الفيديوهات اللي فيها بي ام بتتصدر مرسيدس بردو مش ستوك..tuned :)

بالنسبة لميباخ فعلا بخ..نستني بقي الـمرسيدس PullMan وربنا يكرم كده :)

بالنسبة لموضوع الدراج والملفات فأنا بصراحة من قيادة السيارتين لفترة ليست بالقليلة ( بي ام لسنوات ) ( مرسيدس من عدة شهور حتي الآن ) مش حاسس اطلاقا بالموضوع ده..لأن عادة سواقتي علي الدائري والطرق السريعة بحكم شغلي ( اللي ما يعلم بيه الا ربنا ) D: باخد المنحنيات علي أقل حاجة 140 ,, وأكيد قارنت بين العربيتين في الجزئية دي :)

لا يا باشا فين الكلام ده
كل الفيديوهات اللي اتحطت كانت ستوك vs ستوك

و ده اللي قلته
نستني ال pullman و نشوف
و لو اني ما زلت مقتنع ان حتي لو هي بمستوي او اعلي من الرولز و البنتلي هيبقي صعب تنافسهم لان زي ما وضحت في فرق في البراند

و يا باشا لو زي ما بتقول مش حاسس بالفرق بين البي ام و المرسيدس في موضوع الدراج و الملفات يبقي ازاي بتقول ان المرسيدس احسن
و انا و كذا عضو تاني عن تجارب بالاضافه لكذا فيديو اتحطوا بياكد نفس الكلام و انت مش مقتنع برضه
يا باشا ده حتي والدي اللي سواقته هادية و ملوش في الشد و الجري و السحب و الكلام ده لاحظ الموضوع ده و علق عليه بس باسلوب غير مباشر

و ادي صور ال 7 و ال S اللي كانوا عندنا
هديه مني ليك

**MMamdouh** · 19-09-2012 05:44 AM

المشاركة الأصلية كتبت بواسطة inspiron

بالنسبة لموضوع الدراج والملفات فأنا بصراحة من قيادة السيارتين لفترة ليست بالقليلة ( بي ام لسنوات ) ( مرسيدس من عدة شهور حتي الآن ) مش حاسس اطلاقا بالموضوع ده..لأن عادة سواقتي علي الدائري والطرق السريعة بحكم شغلي ( اللي ما يعلم بيه الا ربنا ) D: باخد المنحنيات علي أقل حاجة 140 ,, وأكيد قارنت بين العربيتين في الجزئية دي :)

140 بالنسبة لمرسيدس و بى ام زى ما تقول 30 كيلو فى سيراتو و النترا... جرب نفس الملفات فوق 200 كيلو بالعربيتين و شوف فيه فرق بينهم ولا لا

MMamdouh

**inspiron** · 19-09-2012 12:40 PM

المشاركة الأصلية كتبت بواسطة horas3000

لا يا باشا فين الكلام ده
كل الفيديوهات اللي اتحطت كانت ستوك vs ستوك

و ده اللي قلته
نستني ال pullman و نشوف
و لو اني ما زلت مقتنع ان حتي لو هي بمستوي او اعلي من الرولز و البنتلي هيبقي صعب تنافسهم لان زي ما وضحت في فرق في البراند

و يا باشا لو زي ما بتقول مش حاسس بالفرق بين البي ام و المرسيدس في موضوع الدراج و الملفات يبقي ازاي بتقول ان المرسيدس احسن
و انا و كذا عضو تاني عن تجارب بالاضافه لكذا فيديو اتحطوا بياكد نفس الكلام و انت مش مقتنع برضه
يا باشا ده حتي والدي اللي سواقته هادية و ملوش في الشد و الجري و السحب و الكلام ده لاحظ الموضوع ده و علق عليه بس باسلوب غير مباشر

و ادي صور ال 7 و ال s اللي كانوا عندنا
هديه مني ليك

بسم الله ما شاء الله ربنا يوسع عليكم، يا باشا انا بقول ملاحظتش ان بي ام اثبت مش بقول ملاحظتش فرق :)

سؤال برة المنهج ،، هو حضرتك مقيم فين ؟

**Formulator** · 19-09-2012 12:47 PM

المشاركة الأصلية كتبت بواسطة MMamdouh

140 بالنسبة لمرسيدس و بى ام زى ما تقول 30 كيلو فى سيراتو و النترا... جرب نفس الملفات فوق 200 كيلو بالعربيتين و شوف فيه فرق بينهم ولا لا
MMamdouh

هههههههههههههههههه
هو ده الكلام، تقولى ملفات على 140 كم/س دى تتاخد بـ عربية كورى؟؟!!!

عايز تشوف الثبات صح.. قرب من الـLimits بتاع العربية، هات آخرها
إرشق فـ الملف كده على 170-180.. ونشوف بقى:
- هتـOver/Understeer.. الدركسيون هيفهم وهيدخل معايا الملف ولا هيبيعنى؟؟!!!

- الـbody-roll عامل أيه؟؟ هتميل جامد وتلعب ولا ماسكة نفسها؟؟
- الـGrip؟؟!! هتلعب بظهرها والعجلتين اللى ورا هيصرخوا ويعرضوا سيكا.. ولا مكلبشة؟؟!!!
- لما آخد غرزتين-3 ورا بعض يمين-فـ-شمال: هتستوعب ولا الـload-transfer هيطوحها كده وكده؟؟

لكن ملفات على 140 دى -وبعربية ألمانى premium-

دا peace أوى!!
هههههههههههههههههههههه

-

-

الموضوع: ثبات بى إم حقيقة أم مبالغ فيه

LinkBack

أدوات الموضوع

عرض

-

-

-

-

-

المواضيع المتشابهه

سعر مبالغ فيه

راجل مبالغ فيه !!!

سعر الماروتي مبالغ فيه

هل سعر الانسر2008 الشكل القديم مبالغ فيه

اسعار اللاننس فى مصر مبالغ فيه جدا

الكلمات الدلالية لهذا الموضوع

المفضلات

المفضلات

ضوابط المشاركة