الموضوع: ثبات بى إم حقيقة أم مبالغ فيه

المشاركة الأصلية كتبت بواسطة inspiron

الكلام ده أنا عارفه كويس وعارف ان العربية اتوقف انتاجها بس هل سألت نفسك عن السبب ؟؟
دور كويس كده وشوف ايه البديل اللي الشركة هتعمله !! وبعدين نواصل النقاش

أما بالنسبة لرولز رويس فمعروف انها شركة مستقلة بذاتها وتابعة لبينتلي واستون مارتن وما يربط بينها وبين الـ bmw الـ interior technology ومش في كل حاجة كمان..يكاد يكون فقط الـ i-drive , sound system, and gauges instruments .لكن أي حاجة فيها mechanism ملهاش علاقة بالـ BMW عكس المايباخ اللي كل لمسات مرسيدس باينة فيها
وأيضاً في فيديو مقارنة بينها وبين رولز رويس فانتوم علي Top Gear و كانت المقارنة لصالح الـ Maybach !!

طيب طالما حضرتك عارف ان مفيش مايباخ خلاص ايه لازمه الفيديو
و معروف ان سبب توقف الانتاج ان مفيش اي اقبال علي العربية
يعني مش حاجه تفرح
و انا برضه عارف ان البديل ليها هيبقي ال s class pullman و مع احترامي ده صعب تواجه الرولز رويس زي المايباخ
مهي موجوده من زمان و معرفتش تعمل كده
يا تري ده كفايه عشان نكمل النقاش و لو اننا هنكون خرجنا بره الموضوع

للاسف كلام حضرتك عن الرولز رويس يشوبه الكثير من الاخطاء
استون مارتن ملهاش اي دعوه برولز رويس و بنتلي لانها شركه منفصله تماما و لا يجمعها بيهم الا الجنسيه
ثانيا عند بيع رولز رويس و تابعتها بنتلي حصل حوارات كتير ادت الي ان رولز بقت فرع من bmw بينما الت ملكيه بنتلي الي مجموعه فولكس

تاني حاجه المتور ال v12 اللي بينزل في الرولز bmw هي اللي بتصنعه
و الفانتوم بتشارك ال 7 series ب 15% من المكونات و الجوست بتشاركها ب 20%
يعني مش زي ما انت بتقول

عموما انا هكتفي بالنقاش لحد كده لاننا خرجنا بره الموضوع
و ممكن حضرتك تعمل موضوع منفصل و نكمل براحتنا

و اعتقد ان الموضوع هنا حسم اصلا
و هي ان ثبات البي ام ده شيئ واقعي و يتخطي منافسيها
لكن برضه فيه ماركات تانيه اعلي منها
لاننا زي ما بنقول اللي للعربيه بنقول اللي عليها
و السلام ختام و سعدت بالنقاش معاك