الموضوع: القول الفاصل فى شريط الإير باج

السلام عليكم ورحمة الله وبركاته
كل سنة وإنتم طيبين
قرأت كتير عن شريط الإير باج فى المنتدى هنا الحرص واجب برضه وبالفعل بعد ما خلصت قراية ركبت العربية دورت تك تك تك تريك الشريط اتقطع واللمبة نورت والمثبت وقف المهم طنشت شوية كتار والعربية شغالة وكل ما أفكر أشترى المفاتيح عشان أفك الدنيا وأشوف إيه اللى حصل أكسل لحد ما دقت ساعة العمل تحت شعار لا للتوكيل لا للصنايعية ....... وبعد لف ودوران قرأت موضوعين هنا فى المنتدى استفدت منهم الأول كان موضوع الباش مهندس هشام عن إعادة تشغيل مثبت السرعة ودا لنكه
http://www.nilemotors.net/Nile/190537-ii.html
الموضوع دا استفدت منه لكن فيه ملحوظة طلعت بيها من الموضوع ومحيرانى الباش مهندس هشام قال فى الموضوع إن طارة الدريكسيون بتتظبط ع الكمبيوتر هى والإيرباج لأن الإيرباج ليها عدلة معينة ع الكمبيوتر
بعدها الأستاذ شريف محمد عمل موضوع عن إصلاح شريط الإيرباج شكرا جزيلا لحضرته لأن هو اللى أدانى أمل فى إن الشريط بيتلحم تانى ودا اللنك بتاع موضوعه وهنا حضرته فك طارة الدريكسيون وأعاد تركيبها من غير برنامج لضبط عدلة الطارة والإيرباج بتعليل إن الطارة ليها بنز مينفعش تركب غلط وقد كان لكن ليا ملاحظة الأستاذ شريف فك أكتر من اللى إحنا محتاجين إننا نفكه فك العلبة بتاع دراع النور ودراع المساحات ولكن أحنا محتاجين نفك العلبة اللى فيها الشريط فقط ونسيب الباقى كما هو لأننا لسنا بحاجة إليه
http://www.nilemotors.net/Nile/293085-a-2.html
لكن الشرح فى موضوع ا لأستاذ شريف بيخاطب حد فاهم قوى والشرح مش مفصل ولكن شكرا جدا لحضرته وحضرته قال فى الآخر إن الموضوع دا لازم حد فاهم قوى يعمله وعايز مغامرة وأخلى مسئوليته أنا عملت الموضوع دا عشان أوضح أكتر وأقرب المسافات بحيث إن أى حد يقدر يصلح الشريط اللى كتير قال إنه مينفعش يتصلح وإن لو إتصلح بيبوظ تانى أحب أقولكم إن الشريط دا بسهولة جدا ممكن يتصلح هو أساسا ما يسواش أكتر من 5 جنيه بس نعمل إيه بقى لما بيتقطع الناس بتروح تغير العلبة باللى فيها دراع المساحات والنور أنا عندى سؤال بقى العلب اللى فيها الشريط المقطوع اللى بتتشال مين بياخدها لما بتغيروا الشريط ؟؟ للعلم برا مصر برضه عندهم نفس المشكلة بيتغير كله وبمبلغ حلو برضه
مبدئيا الشريط دا طوله تقريبا 53 سم (قسته للتأكد من المعلومة )
هو عبارة عن شريط بلاستيك عادى جدا بيمشى جواه 5 مسارات أو تراكات نحاس رقيقة جدا بيبقوا رايحين للإير باج 2 منهم رايحين للكلبسة الخضراء و2 رايحين للكلبسة الزرقاء و1 رايح لكلبسة سوداء بتبقى راكبة فى طارة الدركسيون هنشوفها لما نفك إن شاء الله
نصيحة لكل واحد اتقطع عنده الشريط أو لسة هيتقطع هههه أول ما اللمبة تنور وتحس بصوت تكتكة روح بيتك بالعربية وانزل من العربية وفك الليلة كلها زى ما هوضح ولو مكنتش ناوى تلحم الشريط شيله معاك ولكن إحذر إنك تفضل ماشى بالعربية وتلف الدريكسيون لأن دا بيزود الحالة سوء وبيزيد الطينة بلة وهنعرف ليه
عندى سؤال
هو ا لموضوع دا بيحصل فى ميجان بس ؟؟ ولا فى عربيات تانية بيحصل فيها كدا ؟؟
أحكيلكم بقى اللى حصل معايا :
رحت اشتريت طقم ألانكيه نجمة طلع صينى زبالة تقريبا أغلب المسامير اللى فى العربية ألانكيه نجمة لازم كل واحد فينا يبقى عنده المفاتيح واللى هيشتريها يشتريها ألمانى يا إما بلاش لأن الصينى دا زبالة جدا بيتهرى مع اللف وضعيف وبيبوظ ويبوظ المسمار وعندى مفتاح 10 مفتاح صغير كدا بجنيه دا عشان القواطيش بتوع البطارية بعد ما روحت البيت بالليل الكهرباء قطعت أخدت كشاف صينى بابا اشتراه زبالة برضه ورحت ع العربية ويحلى الفك فى العتمة رفعت الكبوت مسكت مفتاح عشرة ورحت ع القاطش السالب بصراحة فكيته من غير المفتاح فضلت شديته معايا لفوق طلع لأنه هو واسع أساسا وفكيت الموجب كمان بس نخلى بالنا لما نفك الكابل السالب منخليهوش يلمس جسم العربية وتنويه نفك السالب الأول واللى مش عايز يفك الموجب براحته عادى نجيب حتة كرتون ونحطه فوق القاطش الموجب ونعزل السالب كويس إحنا بنفك البطارية عشان ميحصلش مس للأمان مش أكتر ولكن أنا عادى ممكن أفك الطارة من غير ما أفك البطارية
نبدأ الفك طبعا لازم تكون طارة الدريكسيون معدولة قبل ما نفك البطارية والعجل للأمام بالظبط
هنفك القطمة الفبر اللى ورا الدريكسيون على طول فيها مسمارين نفكهم هيطلع زى ما فى الصورة

Shot at 2012-08-06

Shot at 2012-08-06
بعدين فى الدريكسيون نفسه من ورا فيه خرم هندخل فيه مفك يكون تخين وانا بحذر أوعى حد يدخل حاجة رفيعة عشان نطلع الإيرباج لأنى دخلت حاجة رفيعة معرفتش أطلعها بسهولة واتحشرت ودى صورة بتوضح

Shot at 2012-08-06
بعد ما نطلع الإيرباج طبعا هنفك الوصلات اللى رايحة ليها الفيشة الخضراء والفيشة الزرقاء شوفوا الفيديو دا <embed src="http://img594.imageshack.us/flvplayer.swf?f=Pfile8767ncfcrxhipijwmoalxhs" width="480" height="380" allowFullScreen="true" type="application/x-shockwave-flash"/><br/>
<a href="http://www.imageshack.us/">[Upload your own video]</a>


<embed src="http://img857.imageshack.us/flvplayer.swf?f=Pfile8767myiokxsgbzenpxdtwrr" width="320" height="260" allowFullScreen="true" type="application/x-shockwave-flash"/><br/>
<a href="http://www.imageshack.us/">[Upload your own video]</a>
بيفك الكلبسات ودى صور تانى بتوضح

Shot at 2012-08-09

Shot at 2012-08-09

Shot at 2012-08-09

Shot at 2012-08-09
بعدين فى الصورة دى هنفك الفيشة السودا المتعلم عليها بالأصفروالفيشة السوداء بتاع المثبت اللى متعلم عليها بالأحمر وفيشة الكلاكس المتعلم عليها بالأخضر وبعدين هنفك المسمار اللى فى النص بالنجمة الكبير

Shot at 2012-08-09

Shot at 2012-08-06
هنعدى الفيش دى كلها من الفتحة اللى فوق ونخرج الطارة

Shot at 2012-08-09
هيظهر قدامنا الشكل دا فى الصورة دى طبعا مش عربيتى مستعير بيها من الموقع المكتوب فيها دا لاحظت إن فيه حتة جلدة عازلة بحيث إن التراب ميدخلش لشريط الإيرباج ولكن عندى فى عربيتى مكنش فيها الجلدة دى الله أعلم لو كان صاحبها القديم غير الشريط عند حد قبل كدا ونسى يركبها ولا هى كدا والمفروض إن كدا الشحم ميحصلوش حاجة بس ما علينا

Shot at 2012-08-06
ودى الصورة فى عربيتى
Shot at 2012-08-09
فيه مسمارين نجمة ع الشمال بنفكهم وع اليمين بنفك فيشة المالتى فانكشن الأول وبعدين نفك المسمارين بتوعه ونطلعه برا بيبقى فيه حتة من تحت بندوس عليها عشان نطلع الفيشة بعد كدا زى ما فى الصورة فيه سهمين برتقانى فوق دى أماكن بندخل فيها مسمار رفيع عشان نطلع وش العلبة دى وفيه زيهم من ع الجمب وزيهم من تحت هيطلع معانا الوش بالشكل دا


Shot at 2012-08-09
المناطق المتعلمة بالأزرق دى هنلاقيها عبارة عن كلبسات فيه أربعة متهيقلى بنفكهم عشان نطلع الغطاء دا ونطلع الشريط المقطوع المنطقة اللى متعملة بالأحمر ناخد بالنا كويس بيبقى فيها حتة بلاستيك صغيرة ناخد بالنا لا تقع مش عارف بتاع إيه بس أكيد مهمة زى ما فى الصورة دى خصوصا إن فيها حتة نحاس يعنى بتوصل حاجة الحتة المتعلمة بالأزرق دى غطاء بنحوشه بيبقى مغطى الفيشة اللى متعلم عليها بالأخضر فى الصورة واللى مكان القطع منها

Shot at 2012-08-09
بعد ما فكيت الغطاء دا طلع صاحبنا شريط الإيرباج ووقع حتة بلاسيتك صغيرة أنا محتار بتاع أيه شوية أقول دى ملهاش لازمة واقول أزاى ملهاش لازمة الناس دول مش بيعملوا حاجة وبس المهم شوية كدا بصيت ع الأرض لقيت حتة بلاستيك تانى أصغر منها أوووووووبس إيه دا اللى أنا عملته أنا كسرت إيه بس خصوصا ان الحتة الصغيرة باين عليها مكسورة من حاجة المهم فضلت محتار ولكن طنشت وكملت طلعت الشريط نفسه برا عشان أبدأ أشتغل
شايفين الشريط مكسر إزاى ؟ عشان كدا بقول أول ما يبوظ نفكه المشكلة مش فى التكسير من برا هنعرف دلوقتى ليه

Shot at 2012-08-09
ودى صورة الفيشة اللى مقطوع من عندها الشريط

Shot at 2012-08-09
رحت أنا بقى عملت إيه أخدت الطرف المقطوع وبينت الأطراف النحاس إزاى جبت سلاح كاتر وسخنته ع البوتاجاز وعملت بيه الشريط من فوق ومن تحت زى ما فى الصورة دى من الموقع الأجنبى

Shot at 2012-08-06

Shot at 2012-08-09

Shot at 2012-08-09
طبعا دلوقتى عايزين ندخل الشريط دا فى الفتحة بتاعته الصغيرة قوى فى الفيشة دى
Shot at 2012-08-09
قبل ما ندخله نجيب موس صغير ونيجى من على طرفى السلك ونقطع مللى بسيط من كل ناحية من الشريط من أجنابه عشان ندخله بسهولة فى الفتحة بتاعته الكلام دا لو مرضيش يدخل معانا بسهولة طبعا بنحاول ندخل الشريط بسلاسة وخصوصا إن عندنا أطراف نحاس رقيقة جدا بعد ما دخلت الشريط بسلام تام فرحت وقلت فاضل حاجة واحدة ألحمه رحت جبت المكواة دى من خالى

Shot at 2012-08-09
بحذر دى متنفعش نهائى وهتبوظ الدنيا سنها مش مناسب خالص بس أنا عملت فتك وجيت ألحم لقيت أيدى بتترعش وكنت هبوظ الدنيا المهم أنا جبت دبوس صغيرة وقعدت أدوس على الأطراف النحاس عشان اطبعها على بعض طبعا الكلام دا مينفعش وقمت اتغابيت اكتر وجيت عند نهاية كل طرف ولزقته بلحام أمير فى حالة اللحام احنا محتاجين مكواة لحام زى اللى عند الجماعة بتوع الموبايلات هما اللى ممكن يلحموا الشريط
طيب السؤال دلوقتى اللى كنت بسأله لنفسى قبل ما أركب هو الشريط ليه عدل فى اللحام ؟ لما بحثت ع النت اكتشفت إنه بيتلحم بطريقة معينة زى ما فى الصور بتوضح آه أنا لحمت الشريط لأن مكان القطع كان فيه خرم كدا فى الفيشة من تحت ومعلمة فى الشريط فعرفت على طول عدل الشريط بس شوفوا الصور دى للتأكيد لأن لو اتلحم غلط يبقى كدا بوظنا الدنيا نركز فى الصورة دى

Shot at 2012-08-06


Shot at 2012-08-09


Shot at 2012-08-09

Shot at 2012-08-09

Shot at 2012-08-09
فى الصورة دى نشوف الخرم اللى أنا اتبعته فى اللى ساعدنى فى معرفة عدل الشريط فى اللحام بيبقى طابع فى الشريط هو بيبقى موجود ف الفيشتين بس طبعا احنا عرفنا الشريط بيبقى راكب ازاى من الصور

Shot at 2012-08-09
المهم أنا دلوقتى عملت الشريط وفرحت وقلت محتاج أقيس بالأفوميتر زى ما الأستاذ شريف قال طبعا انا مكنتش اعرف حاجة عن الأفوميتر ولا ازاى استخدمه رحت عند خالى حمادة وفهمنى اللى فهمته من الأستاذ شريف ان احنا هنا عايزين نتأكد من التوصيلات بتاعتنا مش ملمسة مع بعض
تمام كدا أنا لحد كدا ماشى كويس لأ والله اكتشفت إنى غلطت غلطة كبيرة إنى دخلت الشريط ولحمته أطرافه بالأمير والحمد لله أنى ما رحتش لبتاع موبايلات خليته يلحمه عارفين ليه ؟ لأنى اكتشفت إن مكان التكسير والكرمشة بتاع الشريط الشريط نفسه مقطوع من جوا لما قست بالأفوميتر وهو دا السبب اللى خلانى أقول لازم أول ما يبوظ الشريط نفكه ونطلعه عشان ما يتكرمش ويتقطع من جوا أكتر مع الاستعمال وفيه سبب تانى هقوله وانا بكمل يبقى دلوقتى قبل ما نركب الشريط ونلحمه نشوف الشريط نفسه ونقيس أطرافه ونشوف فيها توصيل ولا لا
نيجى بقى للقياس طبعا احنا لو قعدنا جربنا هنعرف التراك دا رايح فين ونهايته فين بس الصور دى هتسهل الموضوع

Shot at 2012-08-06
الصورة دى بتوضح التراكات ماشية إزاى فى الشريط اللى مفيهوش مثبت سرعة هنضيف عليهم تراكين للشريط اللى فيه مثبت سرعة زى اللى عندى


Shot at 2012-08-21 زى ما شايفين فى الصورة اللى فوق كدا فيه تراكين زيادة وحتتين نحاس زيادة على الخمس تراكات بتوع الشريط اللى من غير مثبت يبقى كدا عندنا الشريط فيه 7 تراكات نحاس بالمثبت 5 فقط للشريط من غير مثبت الصورة اللى تحت دى أنا مرقم التوصيلات من 1 ل 7 وكل حتت نحاس فى الفيشة مع تراك خاص بيها


Shot at 2012-08-09
المهم بقى بعد ما نظبق الخطوات ونفك الشريط ونقيسه الأول نتأكد إنه سليم نبدأ نلحم الشريط عند واحد عنده مكواة لحام وشاطر وبيشتغل فى لحام الموبايلات بسهولة إن شاء الله هيلحمه وبعدين نيجى لتركيب الشريط نفسه بقى
نيجى نفتكر قطعتين البلاستيك اللى وقعوا منى وحيرونى بس انا اكتشفت حاجة بعد البحث على الانترنت إيه الحاجة دى ؟
اتضح إن دول حاجة اسمها لسان الشريط زى ما احنا شايفين فى الصورة

Shot at 2012-08-06


Shot at 2012-08-06

Shot at 2012-08-06

Shot at 2012-08-06
أنا مش عارف بالظبط هولحمه ازاى هنا بيقول مش عارف ركب حتة من علبة دواء اللى هى بتبقى عاملة زى الزجاج لكنا بلاستيك بس مش عارف لأن لو لحمناها بأمير بديهى إنها تتكسر تانى ودى لو اتكسرت مع اللف هتقطع الشريط ودا متهيقلى اللى بيقطع الشريط والله أعلم أو ممكن يكون نشفان الشحم فعلا هو اللى بيقطعه وبعد ما يتقطع بيرجع عليها يكسرها مع لف الدريكسيون ودا السبب التانى اللى خلانى أقول لازم نفك الشريط فى الأول بدرى بدرى عشان نلحقه قبل ما يتدمر خالص ويكسر اللسان دا

Shot at 2012-08-06

Shot at 2012-08-06

Shot at 2012-08-06
دول بقى اللى عندى فى عربيتى وللعلم بالصدفة لقيت حتة من اللسان وأنا ببص ع الأرض

Shot at 2012-08-09

Shot at 2012-08-09
وراحت الحيرة اللى عندى بس اللسان دا مهم جدا شايفين فى الصور بيبقى ماسك الشريط ازاى فلازم نلحمه لو مكسور وقبل ما ينشف اللحام نجيب حتة سوليتيب من بتاع الورق نلفه بالعكس من الحتة اللى هى مفيهاش لزق عشان يثبت عليه ويغطيه كله ويقويه لأنه هينشف مع اللحام ولو حد يعرف نوع لحام أفضل من الأمير خصوصا ان الأمير مغشوش يستخدمه وممكن بعد ما نلحم بأمير نغطيه بطبقة رقيقة جدا من لحام 2 فى 1 شايفين الصورة دى مكان الحتت المتقطعة من جوا من الشريط بس أنا لو متأكدتش إن اللسان اتلحم ومش هيتكسر تانى بسهولة مش هركبه وهركب الغطاء بس من غير اللسان المكسور لأنه لو اتكسر جوا هتبقى مشكلة وهيقطع الشريط تانى ممكن بعد ما نلحم الشريط ونتأكد من كل الوصلات تمام نحط على مكان دخول الشريط فى الفيشة من برا لحام أمير بسيط كدا عشان نقويه



Shot at 2012-08-09
ما علينا نيجى بقى للناس اللى عندهم الشريط سليم ومية مية ولحموه طبعا دلوقتى جاء دور التركيب
التركيب ليه طريقة معينة فى الدايرة بيبقى فيه 3 خروم لازم يبقوا قصاد بعض خرم فى الغطاء اللى فوق وخرم فى القطعة البيضاء اللى جوا وبيلف حواليها الشريط وخرم فى الغطاء اللى تحت
هما كام صورة هنركز فيهم شوية هنلاقى التركيب سهل جدا جدا الصورة الأولى دى بتوضح مسار الشريط بعد التركيب شوفه بيطلع منين ويروح جاى عند الفتحة اللى فى الحتة البيضاء ويدخل جواها ويلف
Shot at 2012-08-21
هنفهم أكتر لما نبص ع الصورة دى شايفين السهم الأحمر دا بيورينا الخرم اللى فى الغطاء اللى فوق والخرم اللى فى الغطاء الأبيض لازم لما يركب الغطاء دا يكون موازى ليه بالظبط وتحتهم هيبقى فيه خرم تالت نتأكد من كدا بإننا نلف الغطاء الأبيض لحد ما نوصله وناخد بالنا من طريقة اللفة شايفينها بدأت إزاى الشريط طالع من ورا القطعة البيضاء وماشى لحد يوصل للفتحة فى الغطاء الأبيض وبعدين بيبدأ اللف فوق بقى على الغطاء الأسود وبعدين نتأكد أن ال 3 فتحات قصاد بعض ونقفل العلبة ونبقى نحط زيت كهرباء أو شحم كهرباء عشان سهولة الحركة




Shot at 2012-08-06
والصورة الأخيرة دى شايفين المسمار اللى فيها عشان نتأكد أن ال 3 خروم موازين لبعض بكدا نكون عملنا الشريط وهيرجع يشتغل زى الأول بإذن الله
أما أنا بقى حالتى حالة دلوقتى معنديش شريط وفكرت كذا فكرة قلت أخيط الشريط يعنى إيه ؟ يعنى جبت إبرتين ووصلتهم بالأفوميتر ومشيت بيهم على الشريط عشان أعرف الشريط قاطع منين طبعا الإبرة سنها رفيه وهتخرم فى الشريط بسيط لحد ما وصلت للسلك النحاسى وبالفعل عرفت مكان القطع قلت أعمل إيه قلت أخرم السلك النحاسى الرفيع دا نفسه وأعدى سلك مرن ورفيع منه لكن باءت المحاولة بالفشل لأنه مش هيستحمل اللف وهيفصل تانى وخصوصا إنى اكتشفت أنه فاصل من أكتر من مكان
Shot at 2012-08-09

Shot at 2012-08-09


الحل التانى قلت أجيب سبع سلوك معزولين بورنيش وأخيطهم على الشريط بس لسة منفذتهاش خصوصا إنها صعبة جدا وهتاخد وقت جامد وفى النهاية شكل الشريط مش هيستحمل التخريم دا كله بس استبعدته شوية لأنى مش فايقله ومش فايق للعربية نفسها ودى صورة لسلوك الورنيش المعزولة

الحل التالت ودا الأسهل إنى ألاقى شريط زيه عايزه يكون نفس الطول او اطول مفيش مشكلة يكون مرن زيه يكون فيه سبع سلوك أو أكتر وبعد البحث شوفه الصورة دى شريط من طابعة اسمها ابسون ودا موديلها
LX1170/LX1170 II (2089315/2042338/2001654
ياريت لو حد يقدر يساعدنى ويكون بيفهم فى الطابعات يدلنى على أنهى طابعة ممكن ألاقيه فيها أو ماسح ضوئى بس يكون طوله على الأقل 53 سم
وهل نوع الطابعة الأبسون دا منتشر فى مصر انا عمرى ما سمعت عنه بصراحة
LX1170/LX1170 II (2089315/2042338/2001654

بس بيقولوا إن الشريط دا مش هيستحمل فى الشتاء بس انا متهيقلى الشتاء فى الدول الأجنبية عامة وروسيا خاصة لأن الموقع دا روسى بتبقى ثلج والله أعلم يعنى الشتاء بتاعتنا تعتبر صيف عندهم بس ألاقيه فيه حل تانى زى ما الشاب دا عمل عمل إيه ؟
جاب شريط بى إم دبليو E38_39
بس الفكرة هنا أرخم شوية لأنه بيلحم الطريق بطريقة مختلفة وبيلفه كمان جوا علبة رينو بطريقة لفه فى العلبة بتاع بى إم دبليو اللى أساسا علبته بالتالى الشريط دا هيستخدمه بنفس طوله اللى هو مش عارف 5.3متر ولا كام بالظبط بس انا مش عارف هو عمل ليه كدا يعنى مثلا شريط البى إم دبليو رخيص ؟ أنا هزور قسم البى إم وهسأل فيه مخصوص وياريت لو حد عنده معلومات يساعدنى بيها ودى صورة شريط البى إم E38_39

Shot at 2012-08-06
هو أنا بصراحة مجهد جدا ومركزتش جدا فى الفكرة دى لأنها رخمة شويتين وعايزة فن بس أنا هوضح اللى فهمته هو حاش حتة البلاستيك البيضاء اللى هى بيتلف عليها الشريط الاصلى واللى فيها خرم وليها تروس من تحت بتحك فى التروس اللى فى العلبة السوداء نفسها زى اللى فى الصورة كدا يعنى من الآخر لغى التروس دى

Shot at 2012-08-06
بعدين عمل إيه راح جاب العلبة بتاع الشريط بتاع البى إم وحاش منه حتة كارتون اللى فيه بالشكل دا

Shot at 2012-08-06
وراح نقلها عندنا فى علبة الميجان بالشكل دا

Shot at 2012-08-06
الصورة دى أنا ركزت فيها بالأحمر على حتة البلاستيك اللى سبق وقلت إنها مهمة لو بس مش عارف بتاع الكلاكس ولا أرضى المهم إنها لو وقعت مننا واحنا بنفك نرجعها مكانها

يروح واخد شريط البى إم ويقص منه على قد 5 أسلاك فقط اللى هو محتاجهم

وبعدين لحم الشريط بطريقة ذكية عشان ينفذ الخطة بتاعته إنه يخلى علبة شريط الميجان تلف زى علبة شريط البى إم
نركز فى الصورة دى هنلاقيه عدى الكابل عادى جدا من الفتحة بتاعته

Shot at 2012-08-06
وبعدين لفه وجابه من ورا زى ما احنا شايفين فى الصورة دى ولحمه مباشرة فى الأطراف من فوق خالص بحيث إنها متكونش عائق عند دخول الأطراف النحاس فى المكان المخصص لها

Shot at 2012-08-06
وبكدا لحم طرف وأكيد قاسه بالافوميتر راح للطرف التانى عداه عادى جدا وراح تناه بالطريقة اللى موضحها فى الصورة وتناه تانى عشان يلحمه فى الاطراف الللى باينه فى الشريط طبعا هو فاهم الشريط ومساراته كويس زى الصورة اللى أنا جبتها فوق
Shot at 2012-08-06
اكيد قاس بالأفوميتر عشان يشوف مدى دقة التوصيل وإن مفيش تماس وطبعا لازم يعدى السلك فى المكان المخصص ليه عشان يبقى ثابت لأنه لو لحم كدا على طول هيبوظ الدنيا والشريط هيتقطع وهيلك جوا فلما بيعديه بيخلى مساره ثابت وبعدين راح ركبه فى العربية يختبر مدى نجاحه شايفين عمل إيه فى الصورة

Shot at 2012-08-06
نيجى بقى للتركيب هيركب إزاى شوفو الصورة دى

Shot at 2012-08-06
الصورة الشمال هى طريقة تركيب الشريط الأصلى الصورة اليمين طريقة تركيبه هو عشان يحاكى طريقة لف الشريط زى البى إم يروح عاكس مسار الشريط زى ما احنا شايفين الصورة اللى جاية دى بتورينا الشريط الأصلى بيلف إزاى عشان نوضح أكتر
Shot at 2012-08-06 هو عمل الصورة دى بالشريط الجديد بس هو بيوضح بس الشريط الأصلى بيلف إزاى
أما طريقة لفه الجديدة زى الصورة دى :

Shot at 2012-08-06
بس عارفين انا استرخمته قوى فى اللى عمله لأن أنا لو معايا الشريط الطويل دا كله كنت هقص منه على قد ما احتاج وألحم الشريط فى مكانه الطبيعى وأركب بالطريقة الأصلية وكان هيبقى أحسن بس معرفش إيه خلاه يعمل كدا
الغريب فى الموضوع إنى أنا معملتش الشريط بتاعى لما ألاقى الشريط بقى ولو ملقتوش منين ما أبقى رايق عندى كام حيلة كدا هعملهم معاه وفى النهاية بشكر الاستاذ شريف محمد لأن هو اللى ساعدنى بموضوعى وادانى أمل إنه بيتصلح خليكم فى الصورة دى عشان لما يتقطع الشريط تفكوه لو مش هتلحمه طلعه برا وخليه معاك عشان ميبوظش خالص وتحتار فيه زييى كدا بالظبط وبقول إن الشريط بإذن الله يتصلح بسهولة جدا وأهم حاجة لو هنلحمه عند حد بتاع موبايلات نقعد معاه ونفهمه هيعمل إيه ونقيس كويس بالأفوميتر وإياك ثم إياك تراك يلمس تراك الموضوع سهل بس عايز يتعمل بضمير واللحام برضه هيبقى سهل جدا بس عايز تركيز شوية وحد يكون مسك مكواة لحام واتعامل معاها قبل كدا أنا شخصيا معرفش أتعامل معاها بس لوعندى المكواة بتاع الجماعة بتوع الموبايلات هلحمه بسهولة لأن سنها رفيع والقصدير موجود فيها مش بتمد إيدك وتسيح وكدا ومازالت رحلة البحث عن بديل لشريط الإيرباج المتكسر

Shot at 2012-08-06
آه صح نسيت أوريكم الصورة دى لشريط بتاع عدسة السى دى هو خامته أفضل من الشريط اللى عندنا وتحس إنه أقوى ومرن أكتر وأنعم فى الحركة بس لو ألاقى منه بس 53 سم




آه يانى بس كدا تعبت السلام عليكم