الموضوع: القول الفاصل فى شريط الإير باج

المشاركة الأصلية كتبت بواسطة shiref_mohamed

محمد باشا تسلم ايدك على الشغل العالى ده بس انتا نسيت موضوع المكواه عشان الشريط يتفرد وميبقاش مكسر كده ومعلش بقى حظك طلع وحش في موضوع انه فيه تراكات مقطعه بس شوفلنا موضوع شريط ال bmw ده ايه ظروفه وطالما طويل قوي كده ممكن نقص منه الطول الى محتاجينه
وانا لفيت على كل بتوع الألكترونكس عشان الاقي حاجه زيه وفشلت تماماً وحالياً انا بحاول اجيب زيه من الصين

الله يسلم حضرت إنت أستاذنا الكبير أنا بالفعل كويت الشريط بالمكواة زى ما حضرتك عملت جبت المصلية وحطتها ع التربيزة وحطيت الشريط عليها وفوقيهم حتة قماش وكويت بس أنا أنصح بإن نقيس الشريط قبل ما نكويه وهو مكسر ونشوف التوصيلات فيه كويسة ولا لأ لأن ممكن مع الفرد بالمكواة لو فيه تراك مقطوع من جوا يروح ملمس ويوصل لكن بعد التركيب هيفصل تانى والمفروض برضه بعد الكى بالمكواة نقيسه تانى بالأفوميتر عشان نتأكد إنه مفيش ولا سلك مقطوع من جوا وعشان كدا أنا نصحت بإننا نفك الشريط فوران قطعه ونخليه معانا حتى لو مش هنلحمه لأن بطول ما هو راكب ومقطوع هيفضل يتكسر وهيكسر اللسان البلاستيك زيادة زى اللى حصل معايا بالظبط
ملاحظاتى على الشريط يا أستاذ شريف :
الشريط مصنوع من خامة رديئة جدا بدون مبالغة شريط العدسة بتاع السى دى الصينى أنضف منه مليون مرة ومهما اتتنى مش بيتقطع من جوا دا غير تصميم العلبة زى ما حضرتك قلت معيوب جدا ومش معزول كويس
أكبر غلطة فى تصميم العلبة دى مش إنها معزولة عن الإطار الخارجى كويس لأ المشكلة فى اللسان نفسه دا اللى بيتكسر بلاستيك ضعيف وهو بيبقى ضامم الشريط وبيخليه يلف فى المسار بتاعه كويس وأنا بقول إن اللسان دا لما بيتكسر مع الاستعمال لأنه ضعيف بيبقى عائق لحركة الشريط ومع اللف الشريط بيتقطع يعنى أنا بشك فى إن الشريط بيتقطع بسبب كسر اللسان وبعدين اللسان يتحشر جوا والشريط يجى يلف يحك وميقدرش يلف فيتقطع من أضعف حتة وهى الفيشة بتاعته
أنا زى ما قولت الشريط دا أنا شفت فى طابعة ألوان واحد بس كان طوله 35 سم تقريبا فممكن نلاقيه فى طابعة او ماسح ضوئى
أنا كلمت خالى حمادة شغال فى مصنع أسكوم قال لى عندى مهندسين ممكن أكلمهم يشوفولى حاجة قريبة
لو حد عارف شركة بتصنع كابلات مرنة فى مصر أو بتستوردها لأجهزة معينة احتمال كبير يلاقيه
المشكلة فى الطول وعدد الأسلاك اللى جوا يعنى انا مثلا محتاج 7 غيرى محتاج 5 للى معندوش المثبت
للعلم أنا قرأت على العلبة اسم شركة فاليو ممكن برضه نراسل الشركة دى مع إنها شركة عالمية وبتصنع حاجات جودة عالية

المشاركة الأصلية كتبت بواسطة bedooracle

ياشباب انا عملته بى 1700 فى التوكيل عشان الكابل دا و للعلم بالشىء انا لما فكيته مفهوش الكاوتشه اللى قال عليها محمد باشا فى الشرح و لما سالتهم فى التوكيل قالولى سوء استخدام من لف الدريكسون و استغربوا عاى موضوع التراب دا

غالى بصراحة وممكن يتقطع تانى طيب خلينا حد عمله فى الضمان بفلوس ولا مجانى ؟
بالنسبة للكاوتشة دى أنا قلت إن معنديش الكاوتشة دى واستغربت لما ملقتهاش دا يبقى سوء تقفيل وإهمال عشان كدا بسأل ميجان اللى بتنزل مصر تقفيلها فين بالظبط ؟؟؟
وبعدين ناخد بالنا إن برغم و جود الكاوتشة دى الشريط أتقطع برضه !!! ودا اللى خلانى رحت لفكرة إن اللسان هو اللى بيتكسر وبيتشد الشريط ويتقطع والله أعلم يعنى من الآخر العيب من عندهم مش سوء استعمال لان الدريكسيون دا منطقة حيوية جدا والحركة فيها مستمرة وسريعة
والشريط نفسه محتاج نعومة أكثر وهو المفروض أساسا من غير شحم يشتغل تمام

المشاركة الأصلية كتبت بواسطة shiref_mohamed

صحيح نسيت اقول ان عربيتي مكنتش فيها الكاوتشه الى راكبه فوق الشريط يامحمد .. انا اعتقد ان الكاوتشه ديه مهمتها انها تمنع دخول التراب جوه الشرط وبالتالي هتحافظ عليه انا هفك عندي وهفصل واحده زيها هركبها

تمام يبقى كلنا معندناش الكاوتشة دى وأنا كمان شايف إنها بتعزله عن الأتربة والرطوبة وكدا
أنا فكرت برضه فى تفصيل حتة على قدها ممكن نعملها من اسفنج على سبيل المثال أو فيه حاجة أحلى من الاسفنج بيشتروها الجماعة اللى كلية تربية فنية وفنون جميلة بيقطعوها كدا بتشتريها بالمتر هى دى هتبقى مناسبة جدا
طيب أنا عايز أعرف الناس اللى بيبوظ عندها الشريط ويغيروه العلبة القديمة مين اللى بياخدها ؟ وبيعمل بيها إيه ؟؟؟
طيب إيه رأي حضرتك فى إننا نشكى التوكيل ونوريه الصور ونعرفه فرق التقفيل وعيب التصميم ولا مينفعش ؟

المشاركة الأصلية كتبت بواسطة shiref_mohamed

للأسف الناس في التوكيل متبرمجين مش فاهمين ..
يا فندم ده احنا لو جبنا اي حد بيفهم وقلناله فك المجموعه ديه من جوه واعرفلنا ايه سبب قطع الشريط هيكون رده ان المجموعه ديه فيها عيب تصميم وعيب صناعه ومش متقفله صح زي بتاعت الـ bm وده بيخلى دخول التراب على الشحم الجميل الى حطينه فيها سهل جداً جداً ياراجل ده انتا لو رشيت اسبراي تلميع الفبر على الدركسيون وعلى القطمة الفبر الى تحته الأسبراي هيوصل جوه للشريط . سوء استخدام ايه بس يعني الف الدركسيون بالراحه ازي في موقف طارء محتاج الف فيه الدركسيون بسرعه وناس تانيه تقولك متلفش الدركسيون على اخره .. طب ازاي يعني طيب مهو اي عربية فيها ايرباج في الطارة لازم يكون فيها شريط ايرباج اشمعني مش بيتقطع في كل العربيات وبيتقطع في الميجان بالكم ده

يعنى لو من غير شحم جايز كان الوضع يبقى أفضل
قولى بقى يا أستاذ شريف إيه سبرى تلميع الفبر دا أول مرة أسمع عنه بيتجاب منين وما مدى كفاءتة ؟

لو غيرته فى التوكيل بيدوك ضمان سنة عليه لو اتقطع بس معرفش هل فى حد اتقطع و وافقوا قى الضمان؟
بس هما غيروا عندى العلبة كلها من الالف للياء بالذراعات بكل حاجة

المشاركة الأصلية كتبت بواسطة bedooracle

لو غيرته فى التوكيل بيدوك ضمان سنة عليه لو اتقطع بس معرفش هل فى حد اتقطع و وافقوا قى الضمان؟
بس هما غيروا عندى العلبة كلها من الالف للياء بالذراعات بكل حاجة

والعلبة القديمة مين اللى أخدتها ولا لأ ؟

سبحان الله بعد ما عملت الموضوع لقيت الموضوع دا بتاع الأستاذ أحمد ولقيت نفسى كاتب نفس إسم الموضوع اللى هو عمله صدفة بحتة
http://www.nilemotors.net/Nile/83498-a.html

لا ما اخدتهاش يا كبير عشان انا العربية لسه مخلصه ضمان فى شهر 3 اللى فات و بعمل كل الصيانات فى التوكيل و بعتوا لفرنسا و غيروه فى الضمان فبناء عليه ماخدتش القديمة