سؤال عن منظف الرشاشات ( stp الاسود )

**mahmoud ghanem** · 22-08-2012 11:22 AM

سؤال يا استاذ سيد
ورأيك يهمنى وهيحل الحيرة دى

دلوقتى زى ما انت عارف ان بقزقز فى سرفيس العربية .. فا اشتريت منظف الرشاشات اللى بيتحط على تفويلة البنزين ( stp الاسود ) 28 جنيه من شل .

دلوقتى ان محتار من كثرة الاراء على المنتدى علشان فى ناس بتقلك لازم تغير الفلتر قبلها علشان المنظف هيزيب الاوساخ فى الفلتر القديم وهيسد الرشاشات .. واراء تانيه بتقول غير الفلتر بعدها علشان الاوساخ المذابه مترجعش فى دورة البنزين وتقلل جودة الفلتر وتسد جزء من مسامه ... وبصراحة الرأيان منطقيا صح !!!
فا احطها دلوقتى قبل ما اغير فلتر البنزين وبعد ما تخلص التفويلة اغير الفلتر ؟؟
ولا اغير الفلتر الاول وبعدين احطها على تفويلة ؟؟؟

**MohammedAladel** · 22-08-2012 02:18 PM

متابع باهمتمام عندنا فى قسم رينو عضو حطه برضه عمله مشكلة مع طرمبة البنزين

**Karim Ibiza** · 22-08-2012 02:33 PM

متابع وربنا يستر

**SYD** · 22-08-2012 02:55 PM

في الحقيقة انا جربت موضوع المنظفات دة اكثر من مرة والحمد لله بفضل الله ماحصلش منهم اي مشاكل - بالعكس
بص يا سيدي الفاضل
انا جربت اغير الفلتر قبل - ودة كان في السيرفيس الأخير لو تفتكر ساعة لما عملت موضوع تجربة تغير فلتر البنزين http://www.nilemotors.net/Nile/30350...post3874473603
اليوم دة كنت مسافر وعملت سيرفيس قبل السفر - غيرت فلتر الهوا وفلتر البنزين وحطيت منظف انجيكشن

ومرة تانية حطيت المنظف - وبعدها بفترة غيرت الفلتر

احسن الحلول هو تغيير الفلتر قبل استخدام المنظف
لأن حتي لو بفرض انه اذاب رواسب وشوائب عالقة في التانك فدور الفلتر منعها (عايز تغيره بعد التفويلتين تاني - مفيش مانع ، وخصوصا بعد ماعرفنا البديل وثمن الأتينين فلتر دايو مش مكمل ثمن واحد فلتر بولو)

تحياتي