متى و لماذا تستعمل وضع n فى السيارة الاوتوماتيك؟ و هل لو عطلت حتكلبش فى الارض؟

اقتباس:

---

المشاركة الأصلية كتبت بواسطة hm414

بغض النظر عن العربيات النيسان او غيرها...

معلوماتي الشخصيه وقناعاتي بتملي عليا اني احط على الان اذا كانت الفترة المتوقع اني هقف فيها اكتر من 15 ثانيه وده من واقع كتالوج الفورد اكسبلورر والامريكي بشكل عام

وعايز ااكد ان طول مالعربية واقفه ومحطوطه على الدي فان الزيت الداخلي للجير بيسخن زياده عن اللزوم فعليا وده بيأثر على اداء الجير على المدى الطويل...

بينما اثناء المشي لا ينصح بوضع السياره على الان نهائيا لانك بتفقد السيطره التامه على السياره وليس لان هذا الشئ يضر بالجير
يعني لو انت خايف على الفجير لا متخافش بس لازم تخاف على العربية كلها
ههههههههههههههههههه

نيجي بقا لجزئية تحريك العصا الاوتوماتيكيه اثناء المشي...

بحكم اني حاليا في بلد كلها مرتفعات ومنخفضات شديده ومن المستحيل ان الواحد يعتمد على الفرامل فقط وانما لابد من استخدام الغيار العكسي...

بنكون هنا ماشيين عادي فأمان الله على الدي
يجيلنا منحدر شديد جدا بنهدي ونجيب دي 2 مع مراعاة ان الار بي ام ميكونش عالي
واحيانا بنجيب دي 1 ان لزم الامر والمنحدر كان خطر جدا جدا

يعني النقل اثناء الحركه مفهوش مشاكل
ويأكد على كلامي ان التنقل مابين دي دي2 د1 مفيش ليه حمايه في العصايه في كل العربيات بتتنقل بينهم بحرية بينما بين الان والآر في حمايه اكيد....


الخلاصه
حط ان لو هتقف اكتر من 15 ثانيه حفاظا على الجير
متحطش ابدا ان وانت ماشي عشان تفضل مسيطر عالعربية
انقل من الدي الى الغيارات التقيله مع مراعاة ان الار بي ام يكون مناسب لاغراض الفرمله الصادرة من الماتور
اعمل الكيك داون للتعجيل الفجائي واوعى تغير لغيار تقيل عشان تشد مع حد !!!! الكيك داون اامن للجير بكتير من الغيار الثقيل بغرض التسارع....


تحياتي

---

خلاصة فعلا فيها الخلاصة
احييك

اقتباس:

---

المشاركة الأصلية كتبت بواسطة Youssef.Awad

احيييييك بشدة على فكرة الموضوع وفصل المشاركات فى موضوع جديد يا دكتور علاء ..
================================================== ===========================================


فعلا يا ابو حميد كلامك مظبوط 100% .. واصل السؤال كان السير على الn والعربية مبطلة
انما فى حالة انك تحط n عند الوقوف فى الاشارات .. ده امر مطلوب وصحيح ومفروغ منه للحفاظ على تيل الفرامل فى المقام الاول
================================================== ==============================================
ده اقتباس كامل من ردى الاول فى الموضوع القديم:


================================================== ================================================== =


اطمن يا ابو حميد .. اللى بتعمله ده عادى جدا ومش مؤثر انك تسيب العربية ممورة عشان السايس يزقها قدام وورا كام متر عشان حد طالع او بيركن
انما كلامى اقصد بيه هو القطر او شد العربية لمسافة كبيرة لو عطلانة ومش بتدور
وبالنسبة لنقل الفتيس من p للd بدون مراحل او بهدوء مش مرة واحدة فعلا غلط

وطبعا كلنا عارفين ان العربيات الاوتوماتيك لما البطارية بتنام ما ينفعش تتزق زى المانيوال .. واكيد لو على الp مش هاتتحرك اساسا
================================================== ================
وفيه حاجة كمان مهمة الكل لم يذكرها ..
وهى لو العربية الاتوماتيك مركونة على ارض مايلة سواء صعودا او هبوطا
وجيت نقلت الفتيس من p الى الd او r .. ممكن تلاقى نتشة جامدة او مقاومة للنقل
ولتلافى هذه المشكلة .. لما تركن وقبل ما تنقل للp شد فرامل اليد عشان تثبت العربية مكانها ولا تجعلها تريح بفعل ميل الشارع
وقبل ما تتحرك انقل الفتيس من p الى الd قبل ما تفك فرامل اليد
وفى الحالتين بتكون دايس على فرامل الرجل طبعا ..

---

حبيب قلبى
يا باشا و هوا انا باتبلا عليك عشان تدطر انك تجيب مشاركتك الاصلية بالكامل ( ده عتاب خفيف كده محبة يعنى) يا باشا لما يبقى فى حاجة غلط كلمنى قلى " كده غلط":angry06:
و بعدين يا باشا على رّأى عادل امام " انا لو اعرف اقول على طول" :36_2_55[1]:

بص كل ما هنالك ان انا اختلط عليا الامر لما انتا رديت عليا و على سؤالى فى المشاركة اللى بعدها مش دى لما حكيت عن صاحبك و موضوع الحفاظ على الكبالن الجزء ده انا فهمته غلط كنت فاكرك بيتكلم عن الوضع n اثناء ما تكون واقف فى الاشارة
بينما واضح انك كنت تقصد و انتا بتهدى و داخل على الاشارة

اقتباس:

---

المشاركة الأصلية كتبت بواسطة egyseadragon

ممكن أوضح حاجتين:
1- عندالنقل من d إلى n لا يوجد أي مشكلة ...المشكلة هي النقل من n إلى d أثناء سير العربية بسرعة علشان فيه حمل على الكلاتشات و ال باندز..أما لو متوقف فدا عادي
2- لا يفضل قطر العربيه الأوتوماتيك لمسافة كبيرة حتى ولو على n للضرر على الفيتيس لإن الفيتيس بيحتاج الزيت لتبريد وتليين كل أجزائه...و ده بيتم عن طريق ضخ الزيت فيه بواسطة طرمبة داخلية متوصله بالموتور عن طريق ال-torque converter.....يعني مثلا لو إنت عندك مشكلة في الفيتيس بس الموتور داير ممكن تقطر العربية على ال-n من غير خوف أما لو الموتور مش داير يعني مفيش تقليب زيت في أجزاء الفيتيس فدا خطر على الفتيس

---

مش عارف حاسس ان الراجل ده نشن و اصاب الهدف بدقة متناهية
اصاب كبد الحقيقة
قال كلمتين فيهم الشفاء

اقتباس:

---

المشاركة الأصلية كتبت بواسطة tarekiooo

تجربتى الشخصية
1-عند الوقوف صف ثانى لازم اترك العربية على n
2-عند الوقوف قبل أى اشاره انقل على n وبامشى اى مسافة ممكن مثلا 200 متر مع فرمله خفيفة وحتى وقوف السيارة
3- عند الوقوف فى الأشاره ممكن تدوس على الفرامل مع وضع d وطبعا الأفضل لو الأشارة سيطول فيها الأنتظار ان تقف على وضع n
4-المانيوال أفضل للناس اللى عندها أطفال وساعات بيتركوهم لوحدهم فى العربيه
وشكرا

---

يا جماعة الناس اللى قالت ان الاجزاء المقتبسة من المواقع الاجنبية تتكلم على وضع n اثناء الثبات
و لم تتكلم عنه اثناء الحركة
انتم نسيتم تقرأو ده
http://img155.imageshack.us/img155/7...utralshift.jpg

Uploaded with ImageShack.us
و ده بيتكلم كمان عن وضع N اثناء الحركة ارجو عدم تجاهله لان ده انا ذكرته قبل المواقع التانية كمان
و بالنسبة للاخ طارق
اللى اتقال فى هذا المقال يشبه ما يحدث معه

إلي حابب ياخد فكرة أكتر عن الفيتيس الاوتوماتيك ممكن يقرا اللنك ده:
Automatic Transmissions A Short Course on How They Work