المشاركة الأصلية كتبت بواسطة tutankhamoun
بُص طبعا يُستحسن أنك تسوق على وضع d من غير ما تلمس الفتيس و تقعد تغير كل شوية .
لأن في الآخر مش فتيس مانوال .
طيب أمتى نغير ؟
أنت مثلا طالع مطلع كوبري و محمل العربية جامد و حاسس أن العزم ضعيف
عادي أنك تغير على وضع مناسب طالما التغيير ده مش مفاجئ و متوافق مع سرعات الموتور للغيار اللي أنت عايز تغير عليه .
يعني مثلا أنت ماشي على d و سرعات الموتور مثلا على 4000 أو 5000 لفة
طبعا لو نزلت على سرعة 3 مثلا ...... كدا انت بتخرب الفتيس و الموتور مع بعض نتيجة لأرتفاع عدد سرعات الموتور و الضغط على الفتيس نتيجة للسرعة العالية دي .
المقصود أنها تتعمل في أضيق الحدود و يكون السرعات متوافقة .
ربنا يباركلك في عربيتك يا أبو نضال و كل سنة وأنت طيب .
===========================
فيه كمان طريقة التعجيل المفاجئ أو ما يسمونه (الكيك داون )
دي بتعملها لما تكون عايز تغير الغيار لغيار أقل لغرض تسارع أكبر أو تخطي سيارة نقل .
علشان كدا أنت ممكن تعمل تعجيل مفاجئ بالضغط بشدة على دواسة البنزين (الكمبيوتر ) بيأمر الفتيس بتغيير السرعة لغيار أقل لمجارة طلبك في زيادة العزم و السرعة .
و بما ان صانع الفتيس الاوتوماتيك عمل خاصية التعجيل المفاجئ.
يبقى دي دلالة على أن تغيير الفتيس و أنت ماشي مش حاجة صحية للفتيس و غير مطلوبة تماما.
عندي في كتالوج الجين 2
مكتوب بالحرف
عند الحاجة لذلك ........ قم بعملية التعجيل المفاجئ (الكيك داون ) و العربية هاتنقل تلقائي لوحده
و لم يذكروا أستخدام عصا الفتيس للنقل لتقليل الغيار لغيار أقل .
مع تحياتي