انا الصراحة من تجربتي مع مرسيدس التمساحة (300 SEL) و عربيات موديلات 2009 و 2008 بأجرهم وعربيتي الاخيرة اللوجان
انا كان عندي مشكلة في فتيس المرسيدس ان ال (Valve body) كان عايز يتغير و كان الصراحة ساعات بينتش في الاول و التاني بس كان مش مأثر على سحب العربية كمان مرة حصل معايا موقف سخيف ان العربية بطاريتها نامت وكانت على (N) بس راجل حرك البارجة العملاقة دي 10 سم لقدام المهم بسبب المشكلة ديه قريت كتير عن الفيتيسات الاتوماتيك في الانترنت و اخرهم كتالوج اللوجان و مع الوقت اقتنعت بالاتي:
-ممنوع تجيب من (P) الي (R) مباشر لازم تجيب على (N) الاول
-عند ركن السيارة لازم تجيب (N) الاول و بعديها تشد الهاند بريك و بعدين تنقل على (P) علشان ماتحملش على الفتيس
-عند بداية التحرك بالسيارة من وضع الركنة تجيب من (P) الي (N) مباشر و بعدين تجيب على (D) طبعا و انت ضاغط فرامل في وضع انت بتنقل الفتيس
-طالما السيارة تتحرك و تسير على الوضع (D) ممنوع نقل الفتيس ل (N) او (R) وطبعا (P)
-عند التوقف في اشارة او توقف السير في الزحام لفترة طويلة او توقف سيكون طويل للسيارة اثناء السير يجب نقل الفتيس ل (N) علشان الزيت الداخلي للجير ما يسخنش زياده عن اللزوم فعليا وده بيأثر على اداء الجير على المدى الطويل و بيخليه يبدأ بينتش وتحس بالغيار وممكن تسمع اصوات في الفتيس مع النقل لانه زي كده موتور العربية لو الزيت فقد لزوجته طبعا ده ضرر على الموتور نفس الحكاية اللفتيس لما الزيت بيسخن بيقد لزوجته ف لازم (N) عند التوقف اللي اكتر من دقيقة علشان تريح الفتيس
-لازم (N) عند التوقف اللي اكتر من دقيقة علشان تريح التورك و الموتور وتيل وطنابير الفرامل
-افضل الوضع (N) عند التوقف اللي اكتر من دقيقة علشان توفير في استهلاك البنزين
-انقل من الدي الى الغيارات الاقل او الستيب ترونيك مع مراعاة ان الار بي ام يكون مناسب
-اعمل الكيك داون لما فعلا تكون محتاجه علشان تخرج من موقف طارئ لأن كتره مش حلو
-في المرتفعات والمنخفضات انقل الى (1) علشان ماتحملش على الموتور و الفتيس لو كان على (D) ونقل لجير اعلى و العربية مش واخدة عزمها على المطلع مثلا