لازم حـــل ... كنت هدوس المتوفى على طريق الموت

**magid1010** · 29-08-2012 09:24 AM

الحمد لله انك سليم او الراجل ما طرش و وقع على الكبوت عندك
ممكن رقم تليفونك علشان اطمن عليك

**aly_moh** · 29-08-2012 10:56 AM

المشاركة الأصلية كتبت بواسطة tutankhamoun

أنا كلامي كان عام و مكنش محدد حد أو شخص بعينه

و لكن أنظر لكلامك ............ شخصي بحت .

و أنا أقول أللي أنا عايزة ........... مش عاجبك ما تعلقش على كلامي أو علك بالحسنى .

أنما تقول أسمح و ما أسمحش ........ أنت ليس لك على سلطان .

خليك في حالك ياأستاذ علي لو كلامي مش عاجبك .
أو أتكلم بأسلوب أحسن من كدا
و كلامك هايكون على عيني و رأسي
أنما تقول ما أسمحش لحد مهما كان ......... فكر فيها كدا و قولي
تقبل أني أقلولك نفس الجملة ؟؟؟؟

المصيبة ان كلام حضرتك عام و دى مشكلة و واضح ان حضرتك كاره البلد دى فعلا لانك كات فى البروفيل بتاعك فى محل الاقامة

الإقامة : ج ع ع .... للآسف الشديد

و انا مغلتطش فيك ولا فى اى حد فى المنتدى لا دلوقتى ولاا قبل كدا انما حضرتك غلط في مصر كلها

و لو حضرتك اعدت قراءة كلامى اللى فى اول تعليق

" ياباشا لو الشعب مش عاجبك هاجر سيب البلد انما ماتقلش علينا شعب يقرف " على فكرة دى سبة فى حق 85 مليون فرد وسيئة على فكرة
دورك فى انك تنهض بالامة عن طريق النصح و التوعية و الارشاد " اللى هوا الامر بالمعروف و النهى عن المنكر " مش تشتم "

حضرتك ركزت على الاول و سبت باقى التعليق

على العموم حضرتك مدين بالاعتذار للناس الى انت قلت عليهم " شعب يقرف " و لو حضرتك مش مقتنع انك غلطان

يبقى انا اللى غلطان

**tutankhamoun** · 29-08-2012 12:32 PM

المشاركة الأصلية كتبت بواسطة aly_moh

المصيبة ان كلام حضرتك عام و دى مشكلة و واضح ان حضرتك كاره البلد دى فعلا لانك كات فى البروفيل بتاعك فى محل الاقامة

أنا مش كاره للبلد ....... أنا كاره و ناقم على أسلوب الناس و تصرفاتهم و لن أسثني نفسي لأني جزء من الشعب و أهلي جزء من هذا الشعب و سأظل مصري ........

الإقامة : ج ع ع .... للآسف الشديد

و انا مغلتطش فيك ولا فى اى حد فى المنتدى لا دلوقتى ولاا قبل كدا انما حضرتك غلط في مصر كلها

انا وصفت المصريين بما فيهم أنا (غالبية الشعب )
الغلط لما أصفهم بشئ ليس فيهم

و لو حضرتك اعدت قراءة كلامى اللى فى اول تعليق

" ياباشا لو الشعب مش عاجبك هاجر سيب البلد انما ماتقلش علينا شعب يقرف " على فكرة دى سبة فى حق 85 مليون فرد وسيئة على فكرة
دورك فى انك تنهض بالامة عن طريق النصح و التوعية و الارشاد " اللى هوا الامر بالمعروف و النهى عن المنكر " مش تشتم "

حضرتك ركزت على الاول و سبت باقى التعليق

أنا معنديش ادنى مشكلة أني أسمع نصيحة من أي حد
مشكلتي كلها في طريقة توجيه كلامك .
أول الكلام كان كفاية أني ما أسمعش أو أقرا الباقي ..... أنت ابتديت بالهجوم الشخصي عليا و بالتالي أي حاجة تيجي بعد كدا .... بتكون للآسف بلا معنى .

على العموم حضرتك مدين بالاعتذار للناس الى انت قلت عليهم " شعب يقرف "

أنا مش مدين بالأعتذار لحد ............ لأني وصفت الناس بما فيهم و أنا منهم ....... و لم أتبلى عليهم . و دي وجهة نظري و رأيي .
و لو حضرتك مش مقتنع انك غلطان

يبقى انا اللى غلطان

أولا يا أستاذ على ....... أنا عايز أوضحلك أني معنديش مشكلة أن حد يقدملي نصيحة أو ينصحني حتى لو كان أصغر مني سنا .

أنا بأتحدث على طريقة القاء النسحة وتقديمها للغير .

عايز بقى أقولك على حاجة .
أنا بنقد لأني للآسف بحب مصر و بما أني بحب مصر عايز أشوفها في أحسن حال و أشوفها أقوى و أحلى و أجمل بلد في العالم .
و تصرفات ا لناس بتخليني أزعل على بلدي و بلدهم اللي خربناها بأيدينا واحد واحد .

كلنا مسئولين عن اللي وصلتله البلد ...

عايز تعرف أنا بحب مصر ازاي
مش هاقولك بالكلام ........ أنا بحب البلد دي بالأفعال و أفعالي كتيرة و مش بحب أتكلم في الموضوع ده كتير .

حضرتك قلتلي لو البلد مش عاجباك ...... هاجر

طيب ده كلام ؟

لما كل واحد البلد ما تعجبوش يهاجر ......... مين اللي هايغير الغلط ؟؟؟

أنا مش عاجباني البلد علشان الناس ماشية غلط ......... يبقى الصح أني أشوف الغلط .... و بعدين نصلحه
بس للآسف فرديا صعب جدا جدا لأن الناس بتحب الهمجية للآسف الشديد . و بتحب تعمل اللي على مزاجها
نتيجة لعدم وجود رابط و حاكم و نتيجة لعدم وجود عقاب
و بما أن 50 % من الشعب جاهل و أمي ......... 50 % الباقيين متمردين

يبقى لازم حكومة شديدة نزيهة تنفذ القانون بحذافيره على الكبير قبل الصغير .

عرفت ليه أنا قرفان ؟
و حصل خير يا أستاذ علي

على فكرة تمسكي برأيي مش عناد ....... و لا تكبر أني أعترف أني غلطان (لو كنت غلطان)
و لكن لأني أرى ما أقول صحيح إلى حد كبير ده بالاضافة أن التعبيرات اللغوية أحيانا بتجمع.

**aly_moh** · 29-08-2012 01:30 PM

اشكر حضرتك على تفهمك بس بر

**MMamdouh** · 29-08-2012 01:31 PM

المشاركة الأصلية كتبت بواسطة koshary

امبارح نازل من البيت على الساعه 8.5 رايح لاصحابى فى ميدان لبنان ورايحين مشوار لواحد صديقنا مريض فى مصر الجديدة المهم انا طلعت الدائرى من الرماية فى اتجاة ميدان لبنان وانا على المطلع لقيت راجل وزوجتة واطفالة راكبين كيا كارينز بيقولى دخلة المعادى منين قولتلو تعالى ورايا فضلت ماشى على اليمين وهو ورايا ماشى 60 كيلو واديتو انتظار وقولتلو لما اديك اشارة يمين تدخل الدخلة دى المهم جيت عند الدخلة اديتو اشارة ودخلها وانا سقط التانى لحد 70 علشان ادى العربية سرعه واطلع على الحارة الشمال لانى بكرة المشى فى الحارة اليمين والنقل وكل شوية ميكروباص يقف المهم مشيت يادوب اديت الغيار التالت وبشغل الكاسيت وببص قدامى لقيت ناس كتير واقفة عاليمين مستنية ميكروباصات تقف وعريبة نقل عدتهم ووقفت بكل عزمها والعربية زحفت كتيير والظاهر نسى يقف ينزل اللى معاه وكان فيه موتوسيكل عليه اتنين ماشيين عاليمين وكانو على سرعة المهم بتاع الموتوسيكل بيتفادى بتاع النقل من عالشمال بكل سرعتو وملحقش يهدى يقوم خابط فى شاهين من الضهر ويكمل زحف لحد السور اللى فى نص الطريق والاتنين اللى على الموتوسيكل دول واحد منهم اترمى فى نص الطريق والتانى قدامى مفيش 20 متر المهم انا لحقت نفسى وسقط الاول على 70 العجل اللى ورا كلبش فى الارض واديت انتظار وبدوس فرامل متقطعه علشان العربية تقف بسرعه من حسن حظى ان اللى ورايا لحق نفسه ووقف ورايا مفيش 2 متر وانا والله وقفت والراجل اللى مرمى على الطريق بينى وبينه مفيش 3 متر نزلت لقيتو قدام العربيه سايح فى دمه وبطنو منتفخه جدا ودم طالع من دماغو ده اللى جيه قدامى على اليمين بقى ودى الكارثة عربية بيجو 504 كانت عاليمين خبطت فى النقل من الضهر ولفت مرتين حوالين نفسها وخبطت فى السور اللى عاليمين وكان فيها السواق وواحد جنبة وواحد قاعد على الكنبة اللى ورا وده وقع على الطريق والطفلين اللى كانو راكبين على العربية النقل طارو من العربيه على الطريق وواحد منهم اتوفى لما وقع لان البيجو كان ماشى على سرعه وخبط النقل على اليمين تقريبا اتلهى وهو بيشوف الموتسيكل والناس بتقع من عليه ولبس فى النقل والبيجو ادمرت والاتنين اللى قدام الناس حاولو يطلعهوم وكلهم دم واللى وقع قدام عربيتى اتوفى فى ساعتها الناس اللى كانو واقفين على الطريق جم جرى على الحادثه وغطوة بجرايد وانا وقف مزهول وطلعت جركن مية من عربيتى واديتو للناس واديتهم علبتين مناديل وبقيت واقف مزهول من اللى حصل وبعدين رجعت بالعربيه ومشيت والناس مرمية فوسط الطريق والطفلين واقعين على الاسفلت وواحد من اللى كان راكب البيجو واقع بردو والاتنين اللى على الموتوسيكل واحد منهم اللى كان قدامى مات والتانى معرفش حصلو ايه .... انا مشيت ومفيش كيلو وركنت عالطريق وكلمت صحابى قولتلهم مش جاى وقولتلهم عندى ظرف وفضلت واقف رجعت الكرسى فردتو وشغلت الانتظار وريحت ضهرى وبقيت اترعش وقعدت ادعى للناس اللى ماتت دى والمنظر كان صعب جدا جدا والاطفال كان منظرهم يحزن بصراحه بعدين نزلت منزل لبنان ولفيت ومشيت محور ورجعت الهضبة تانى ...

المشكلة فى حاجتين.... ان الناس بتستخف بعوامل السلامة... و الناس بتسوق برعونة و لا مبالاه

ازاى اصلا فية ناس واقفة فوق الدائرى مستنية ميكروباص؟؟؟... افتكر من سنة او اكتر كان فية موضوع عن واحد اتقلب على الدائرى و دخل فى 15 نفر على الدائرى كانوا واقفين نفس الوقفة دى و انا شخصيا شوفت قبل رمضان قبل اللى فات بيوم واحد مموت راجل كان واقف نفس الوقفة دى على الدائرى... هو الدائرى دة مكان وقوف مواصلات و ركوب و نزول اساسا؟؟؟... صحيح الناس دى ملهاش يد فى الحادث دة شخصيا لكن الحادث حصل اصلا لان بتاع النقل عايز ينزل ناس فى الحتة اللى توحولت الى موقف

و بتاع النقل ايه اللى يوقفة الوقفة الزبالة دى؟؟؟... حتى لو نسى ينزل الناس... مش طريقة وقوف على طريق سريع... انا شخصيا شايف انة متحمل ذنب كل الناس اللى ماتت سواء بتوع الموتوسيكل او اللى كانوا راكبين معاه العربية

و بتاع الموتوسيكل بيجرى على اليمين ليه؟؟؟... اليمين معروف انة للبطىء و هو اساسا راكب موتوسيكل يعنى المفروض يمشى هادى... و دة رايح بيجرى فى اليمين... الحياه مش فتحة صدر ولا جدعنة بالجرى و خلاص

و بتاع البيجو كمصرى اصيل ركز مع الحادث و مبصش قدامة و كانت النتيجة انة لبس زيهم بالضبط.... يا جماعة محدش ينشغل باى حاجة عن الطريق... يعنى تركز فى سكتك و عربيتك و ملكش دعوة بيحصل ايه جنبك ولا وراك طالما مش هياثر عليك فى حاجة... عدم تركيز لكسر من الثانية بيكلف ارواح

و كمصرى اصيل اكتر من بتاع البيجو... بتاع النقل بيستخدم عربيتة "النقل" فى نقل البنى ادمين... يعنى اجسام بشرية محطوطة فى صندق حديد بدون اى نوع من انواع عوامل الامن و السلامة... دا اللى بيحمل شوية عفش بيربطهم... اقوم احط بنى ادمين منهم للهوا كدة؟؟؟؟؟ اهو العيال طارت وواحد مات... كسبت ايه من الفهلوة و التحايل على القانون بقى؟؟؟؟؟؟

انا فعلا بتغاظ جدا من الناس دى... اللى تلاقية سايق و حاطت عيل على حجرة و هو سايق او ماشى و فاتح فتحة السقف و طالع منها عيل او معبى 3 او 4 عيال فى شنطة العربية.... يا جماعة انتوا بتستعبطوا ولا بتستهبلوا؟؟؟... هى العيال دى مش ولادكم ولا جايبنهم من هايبر 1؟؟؟... الاوضاع دى فى غايوة الخطورة و مع اى حادث العيال دى هتروح منكم

صحيح ربنا هو الستار بس ربنا برضة ادانا عقل نفكر بيه عشان نعقل الامور و مينفعش ربنا يدينا نعملة زى كدة و احنا نهمل فيها الاهمال الجسيم دة

و بالنسبة لصاحب الموضوع: الحمد لله ان رجلك مجتش فى الموضوع و ربنا يعينك على التاثير النفسى اللى حصلك بعد الحادث

MMamdouh

**tutankhamoun** · 31-08-2012 06:12 AM

المشاركة الأصلية كتبت بواسطة aly_moh

اشكر حضرتك على اسلوب و اعادة تقيم الموقف

العفو يا أستاذ على و إن شاء الله ربنا ما يجيب مشاكل أبدا و أنا بأعز الناس في نايل موتورز و كلكم أخواتي

انا مش بهاجمك و لا حتى عايز اغلط فيك فعلا بس صدقنى و من قلبى و الله لو كلنا قعدنا نشتم مش هنتقدم اساسا و لا هنفكر

كل عتابى عليك فى كلمة " شعب يقرف " و الله و فعلا بقسم اننا كشعب افضل مليون مرة من الاوريين عموما عارف لية عشان حديث النبى علية الصلاة و لاسلام " الخير فى و فى امتى الى يوم الدين " و دا مش مزايدة بس فعلا

الرسول عليه الصلاة و السلام قال الخير في الأمة و لم يتحدث عن الأمم الأخرى علشان بس ما نقللش من شأن الأمم الأخرى (مش عايزين نعمل زي اليهود لما أستفردوا بالتميز لأنفسهم و هم أفسد خلق الله مش كلهم و لكن أغلبهم )

احنا معنداش رقابة فى الشارع و 3/4 الناس بترمى زبالة انا معاك بس فى ربع على ادنى تقدير مؤمن بان اماطة الاذى عن الطريق صدقة و ان النظافة من الايمان عشان كدا مش بيرموا

ما هي المشكلة يا أستاذ أنك على طول شايف اللي بيرمي و مزبل الشارع و مخليه شكله معفن !!!!
لو حضرتك رحتى اى دولة مش هتلاقى ال 1/4 اللى انا بكلمك عليك

اميركا و اوروبا و خصوصا انجلتر على قد كمية الشرطة اللى هناك معدل الجريمة عالى جدا و يمكن اكتر من عندنا و لو فى حد هنا فى المنتدى عايش فى اى بلد يحكلينا عن الامن هناك

أنا كنت عايش في أنجلترا ........... و الأمن هناك زي الفل (و الناس و الله العظيم بتخاف على بعض أكتر من هنا)
فيها مناطق خطرة ........ زي القاهرة ..... أنت تقدر تدخل مناطق معينة بعينها زي مثلا منطاق تجار المخدرات .
هناك الأمن عالي
الفرق أنهم عندهم أرقام و أحصائات ........ و أحنا في البللم !!!!
يا راجل أحنا حتى معندناش أحصاء لمشكلة التحرش بالنساء في الشارع .
و لو سمحت ما تقوليش أحنا عندنا مشكلة زواج
أغلب اللي بيعمل التحرش عيال صغيرين ما أتربوش و أغلبهم سنه ما بين 15 ل 20 سنة
و أغلبهم جاي من مناطق ما يعلم بها إلا ربنا .
انا ممكن اقولك حاجات تانية كتير ,,,,

على العموم حصل خير و انا مفيش فى قلبى من حضرتك اى شئ بس انا فعلا مش بحب حد يشتم المصرين حتى لو كان دا مصرى

لان بتوع دول الخليج لما بيشوفنا احنا كمصرين بنقول على بلدنا كدا هما بيقولوا اية

بتوع الخليج أسوء مننا .......... و الموضوع مش محتاج توضيح .
الفرق أنهم عندهم قانون بيتم تطبيقه .......... و أحنا عندنا البللم .
و بعدين بقى أنا مفقوع من الخليج و حُكامه علشان دول حُكام خونة بكل ما تحمله الكلمة من معنى إلا من رحم ربي.

على فكرة اانا كنت عايش فى السعودية و عملت مشكال مع سعودين و مصرين كتير بسبب اسلوبهم فى الحديث عن مصر

اسف للاطالة

أستاذ علي
الكلام مش هو اللي هاخلي واحد سعودي أو كويتي يتكلم
تصرفاتنا (أغلبنا) تتحدث بنيابة

أنا عارف أن فيه ناس بتزعل من الخلييجيين لما يتكلموا علينا
المفروض ما يبقاش فيه حساسية بينا و بين بعض
عارف الحساسية دي بتيجي منين .
الخليجي معاه فلوس و منفوخ بها .
و المصري عنده مخ و منفوخ به .
و ده بيذل ده باللي مش عنده .

علشان بس تعرف أننا شعوب عالم ثالث
أحنا و هما ................... في مؤخرة الأمم و الغرب بيلعب بينا .

و أنا معنديش أي مشكلة شخصية معاك يا أستاذ علي
أنت أخ و مفيش مشكلة و أنا تفهمت أنت ليه أضايقت .

تحياتي .

بس أحنا شعب أبن

-

الموضوع: لازم حـــل ... كنت هدوس المتوفى على طريق الموت

LinkBack

أدوات الموضوع

عرض

-

-

-

-

-

-

المواضيع المتشابهه

طريق منيا القمح - الزقازيق.... طريق الموت ....

تحذير من السفر الليلة على أى طريق زراعى - خطر الموت

الوجان و الطريق الدولى الساحلى ( طريق الموت)

طريق الموت فى بوليفيا

طريق الموت الزعفران/ الكريمات

الكلمات الدلالية لهذا الموضوع

المفضلات

المفضلات

ضوابط المشاركة